قرارات مجلس الوزراء الجديده

قرارات ممتازة الحمدلله خل نفتك من الهمج الي يرفعون الضغط بالشوارع 
و يا ليت يكون في عقوبه للي يسكر اليمين او يطلع من اليمين و يووقف قدام بالوسط 
لازم يركبون كمرات 

قرارات كل فترة تصدر ولا يتطبق شيء

التطبيق الفعلي اللي حصل حق سرعة 160حجز

باقي الامور مثل التفحيط مثلا كلهم بسيارات مسروقه و يهربون و قليل اللي يمسكونهم

لو كان فيه اوامر بإطلاق النار على المفحطين اذا رفض يتوقف كان يحترم نفسه غصب

ولكن تاخذها بالعقل مفحط و تجيني دورية و سيارة مسروقه يعني لو وقفت اكلتها سجن

بتهمة تفحيط و سرقه

لو هربت حتى لو اخذ رقم اللوحه ممكن يقدر يهرب ولا يجيه شيء

يعني الهروب خيار متاح له ممكن يطلع من المشكله كلها بالنهايه خاربها ما همه شيء

ما شفنا قرارات مثل اللي يوقف يقفل عليك عند بقاله او غيره

المشكله تتصل على المرور يقولك عطني رقم اللوحه عشان يتصلون عليه يقولون لو سمحت طلع السياره

طيب انا وش استفدت من هالكلام اقلها المفروض مخالفه حتى لو وقف دقيقتين

ياخي قرارات ممتازة بس كدا يرفعوا الغرامة يعني راتب حق شور تروح اذا قطعت الاشارة

وش ذا النظام كل شوية يرفعوا المخالفة

اتمنى بفلوس المخالفات انهم يطورون الطرق والاناره و يفكونا من الطرق المكسره وارجو منهم انهم يشيلون اللي تجي قبل المطب مادري شسمها لاكنها تعدم ام السياره والديكور واشوف مالها فايده غير تكسر المواتر

اغلب المخالفات الي حاطينها من النوع الثقيل يعني ماراح تجي

الا لاشخاص قليلين جدا يرفعون سعرها ولالا ماتفرق

العاقل ماراح يجيه شئ من ذي المخالفات الا المخالفات الي من الف ريال الى الفين

بالذات خانة عدم المحافظه على اللوح الاماميه اشوف هذي مبالغ فيها بالذات الي راعي خطوط

وش ذنبه ان اللوحه تنمسح من الخط والي يقهر اكثر ان كلمة k.s.a ماتمسح!!!!

هذا دليل انهم يقدرون يسون لوحات ماتنمسح الارقام والاحرف طيب يسونها وخلصنا

سهل جدا صدور واعتماد بنود المخالفات لكن مين الي يحررها !

يااخي العزيز (يالغالي على هونك)
الطرق والشوارع سيتم اصدار رسوم عليه ضمن الخدمات البلديه في مطلع العام القادم
يعني انت راح تدفع مقابل طرق وخدمات وشوارع ممتازه

تكمله لردي السابق المخالفه قيمتها 10الف على الي مايوقف وينحاش حلوه حيل عشان محد ينحاش
بس المصابين الي اعرفه انك ماتلمسهم الا اذا جت الاسعاف ولا ؟

قطع الاشاره والتفحيط مالهم حل الا تصنف جرائم جنائيه وليست مخالفات مروريه

كم أتمنى ادخال اعضاء لمجلس الوزراء بإختيار شعبي أسوة بالمجالس البلدية
لأنهم يتكلمون بصوت المواطن وايصال صوته للمجلس
الأمم تتقدم بالشورى الحقيقية .

^^
اخوي مجلس الوزراء يختار من قبل الحكومه حتى في الدول الديموقراطيه
ممكن تقصد مجلس الشورى انا معك المفترض يكون منتخب من الشعب