المرور يوضح الحالة التي يمكن الاعتراض على ساهر

ما قصروا أنجاز كبير منهم

اخذوا عقلهم

ليش تتسجل مخالفة من الاساس ليش ما يكون الاجراء بحال تعديت الخط تتسجل مخالفه

ليش مجرد ملامستك للخط تتسجل مخالفة و أقل من ربع اللي نزلت عليهم المخالفه راح يقدمون أعتراض

أما الباقي ما يدري عن النظام ولو يدري الكثير يقول أدفع و حسبهم الله ولا أتمرمط وراهم كم يوم

يعني حراميه و يعترفون بالشيء هذا

مثل اللي يقول نسرقك غصب عنك ولو بغيت تسترد سرقتك تعال راجعنا

ساهر من طبقوه صارله تقريبا 5 او 6سنوات
توهم يتذكرون انهم يعلمون الناس كم واحد دفعها وهو ماله ذنب !!
والمضحك انه كان رد على مغرد بتويتر!!

المشكلة الحالات الطارئة والاسعاف لسه باقي ماعندهم حل مع ساهر
لازم اول شي لازم اول شي تنزل لك المخالفة وبعدين تعترض
هذا مايعتبر حل هذا عوار راس و مطارد على الفاضي

اجلس اطارد من مكتب لمكتب وكل عسكري يرد علي من طرف خشمه تراها دقيقتين اطول اشارة احتريها ابركلي 

افضل اجلس بالاشاره لو عساها ماتفتح 
اما الاسعاف والدوريات المستعجله مالقو لها حل للأن 
مافي الى تطارد لو ماطاردت استفادو500 طاردت 
طلعو روحك انك فتحت للاسعاف 
كانهم يقولون للاسعاف لاتقطع الاشاره ابدا 

أشوفه حل غير مثالي .. مجرد التفكير بالمرمطة والمراجعات يخليك ما تتحرك من مكانك
إن كانت الحالة طارئة إسعاف وغيره، بأضطر أغطي اللوحة وبعدها أتحرك.

وآخر كلام في الانعطاف الى اليمين و الاشارة حمراء . تسجل مخالفه او لا؟ !!

اللي سمعته امس من المتحدث الرسمي للمرور بمنطقة الرياض على اذاعة MBC

انه في حالة وقوفك عند الاشاره وكان في مركبة دفاع مدني او اسعاف بالخلف تقدر تقطع الاشاره

واذا نزلت عليك المخالفه يمكن مراجعة هيئة الفصل للمخالفات ويتأكدون من المقطع المسجل بكاميرات ساهر

ومن ثم الغاء المخالفه