أضف سؤال أو موضوع جديد          

اريد تجارب الاعضاء للسيارات؟واريد الايجابيات والسلبيات

up 8 down 1
العامري دوت كوم 139
قبل 8 سنه و 5 شهر



اود من الاعضاء ان يعرضوا تجاربهم مع السيارات وذلك على شكل النقاط التالية:




:1كم مشت السيارة معك؟ 2:كم فترة استخدامك لها؟ 3:ماهي الخرابات التي واجهتك بها؟ واخيرا اذكر نوع سيارتك ووموديلها




وارجو التفاعل من الاعضاء لتعم الفائده







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ددسن غماره 85  ماقصرت عداد مفصول تبيها بر تبيها بلد ماتقصر قطع رخيص بس ليست مريحه بخط وقير عادي يتعبك كابرس صابوه 93 ماقصرت بس عيب الي وجهتني فرامل حقها كل اشوي يخرب علي سياره مريحه خط بلد  

 سياره شفروليه ماليبو 2002 شريتها ماشيه 99 على يد صاحبها وكاله  سياره حقت كرف  وعيوب الي واجهتني قطع غيار ليس متوفربكثره وغالي اشوي

  فيها نظام سكرتي خرب علي وماعد صارت تشتغل وخسرتني 1000  برمجه ودقمه  حتى مازبطت ومشت معاي 299 الف وصدمه عليها

 والسياره  الي معانا لومينا اس اس  حلوه ورياضيه   


up 2 down 0
سكودر 14929
قبل 8 سنه و 5 شهر



اول سياره ددسن 88 غمارتين حلوه بس لا مريحه ولا شيء بس مكيفها باااااااااااااااارد يالبيه والمشاكل اللي واجهتني هي وحده انهبلت علي ووضبتها وضبطت معي هههههه

الثانيه لينكولن 98 شاريه من صاله نظيييييييييييف بدي وكاله لكن الباب مغير ومشكلته الوحيده اللي واجهتني انه يطفى ويطفى ويطفى ولا عرفت السبب الا يوم كبيت عليه مويه من جماعتنا شارب فيها والحمد لله زان ههههههه من عينه الله يهديه 

الثالثه كامري جراندي 99 ماشاء الله ما يحتااااااااااااااااااااااج والمشكله اللي واجهتني القماشات فقط دايم تخرب علي ولا اعرف السبب 

السياره الرابعه كابرس صابونه 92 حق اخوي بس جا معي فتره وماشاء الله ما يحتاج واللي مجنني فيه فرامله ماحد قدر يوزنها لي 

الخامسه الافلون 2008 حقت اخوي سافر وخلاها معي طبعا سياره ما يعلى عليها ابد ماشاء الله وبعدها بفتره شريت ماركيز 2001

والحمد لله ممتاز وقطع غياره زينه وسياره مريحه وطيبه والله والى الان ما اكتشفت عيوبها واكثر اللي نصحوني يقولون الماركيز حافظ عليه وبيعيش معك 


up 4 down 0
camry grandi 99 7274
قبل 8 سنه و 5 شهر



تورس 2002 قديمه كانت شهرين معي وبعتها لان قعها متوفره طلبيه وفالوكاله وغاليه بس السياره حليوه


سوبارو ليجاسي 2002 جديده كان وكيلها بالبيد بس قويه وجباره وراسيه وتتحمل بس قطعها غاليه الاكسسوارات خصوصا طبعا يوم كان وكيلها بالبيد


المكينه مثل مكينة البورش فالتصميم معقده ومو اي واحد يسوي لها صيانه


فورد 2000 امريكي مستعمل جلس سنه وكم شهر وبعته والعيوب اعطال المكيف وقلة رساوته مع المنعطفات بس مريح جدا


فورد 2009 سعودي جديد وكاله بعته وهو ماشي 15 الف كيلو


ماركيز 2007 امريكي جلس معي سنه ومشيت عليه 100 الف كيلو تقريبا وبعته والعيوب المكيف ايضا لكن اعجبني انه صار ارسى من المديلات القديمه نظرا لتغيير نظام التعليق فيه


ماركيز 2006 يمكن له سته شهور الان وهذا افضل ماكركيز شريته بصراحه شكمانين + دفرنس بوليسي + هيدروليك واضفة عليه دينمو بوليسي وطلعت السياره ميه فالميه


حاليا مشيت عليه 39 الف كيلو تقريبا والاعطال التي حدثت صوت الطرمبه وكان السبب غطى التانكي مايسكر زين وغيرته بواحد جديد وبعدها راح صوت الطرمبه



أول سيارة أمتلكها في حياتي :
ـ كامري 2002 هدية من الوالد أصفار (سويت عليها حادث (دهس) بعدها صادرها الوالد وباعها .
ـ شريت هايلوكس 2006 أصفار وجلست معي تقريباً سنتين وبعتها لغرض الزواج وشراء سيارة صغيرة وندمت عليها .
- كامري 2010 مستعمله (كانت ممتازة ومرتاح معها لكن عجبتني الالتيما قلت أجرب )
ـ التيما 2010 أصفار تعبتني كل شوي تربيط وكل شوي مساعد (وكنت خايف من القير يضرب لأن الكل يشتكي منها )
ـ أفالون 2011 (غلطة عمري أني شريتها ) والسبب قد سبق أن ذكرته هنا في الموقع .
-كامري2012 إلى الآن تمام معي (مع وجود بعض الملاحظات عليها ) أن شاء الله أذكرها في موضوع مستقل .

إضافة للعديد من السيارات الي شريتها وبعتها للكسب المادي



up 1 down 0
شهري 507 2305
قبل 8 سنه و 5 شهر



بيوك رود ماستر 1996  6 سنوات  ماا غير لها الا فحمات وزيت وكفرات 
كدلك فليت وود كذلك الامر سنه ونصف ماحطيت بها ولاريال وبعتها 
جمس 1999 يوكن وسوبربان سنه كامله مشيت عليه 30000 كم اكثرها خطوط ماحطيت الا فخمات
جمس سييرا 2010 4 شهور جلس ماحطيت عليه ولاريال
يوكن 2007  8 شهور ماحطيت عليه ولاريال
تاهو 2008 6 شهور ماحطيت ولاريال 
اسكاليد 2006 سنه ماحطيت به ولاريال

كومارو 1996 ولا اروع ماطيت بها ولا ريال

هذا اللي استخدمته بالدرجه الاولى 

بس كنت اشتري نظيف مو ملعوب به ابد



up 0 down 0
السهل الممتنع 6391
قبل 8 سنه و 5 شهر



فورد 2007  ماشي الان 150 الف الاعطال المكيف وتم تصليحه ب50 ريال وشغال تمام الدنمو تم تغييره بوليسي لفرق الكهربا بالبوليسي وماشي معاي الان سنه و6 شهور والحمد لله ما حصلت اعطال 
السياره الاخرا مكسيما 2004  ماشيه تمام مع انها تعكس بعض الاحيان الاعطال حساس الهوا وتم تغييره اربع مرات وسعره 370 ريال طبع التغيير تم في خلال 4 اشهر وصرت كل شهرين اغير الفلتر لكي لايعطل سلف تم تغييره اديتر بسبب الحراره وخرط القير معاه لنه مبرده داخل الاديتر عكس الامريكي المبرد لوحده ومله دخل بالاديتر كمبرس مكيف وتم تغييره عكس امامي اديتر مكيف  لي طاره انفجر من وحده السياره ماشيه 200 الف الان ولها سنه معاي 


up 1 down 0
princ 18876
قبل 8 سنه و 5 شهر



1- لومينا 2003 شريتها مستعمل ماشيه 200الف ما قصرت
 فيها حساسات ما تشتغل الا اذا قرب الراتب ينزل خذيتها 22 الف وبعتها ب 10 والماكينه مضروبه
2- كيا سورينتو 2011 من وكاله الغفله الجبر لعنة  والدينها على الطعوس وبرضو ما ردت في خاطري ما تقول شي
الا ان اي قطعة تبيها يسوون لك طلب وتجي بعد اسبوعين من دبي عشان كذا تخلصت منها 
3 - لومينا 2008 ماشيه يوم خذيتها 99الف وتبرد الخاطر عزم ورساوة 


up 0 down 0
سليمان ثابت 485
قبل 8 سنه و 5 شهر



انا سيارتي الاولى...لومينا 2006 جديدة
-عيوبها: بعد ماشريتها بخس ايام القى صابه زيت الدركسون كله بالارض - العداد واقف مايمشي - الدريشة اللي ورا علقت ماتنصك- القير اذا غير نمرة اعلى تحس بضربة ..
الممشى: مشيتها 44 الف بس وبعتها .كانت رساوتها خذ وخل...
سيارتي الثانية هوندا 2007
عيوبها:مافيه مشاكل وخرابات حمدلله ..بس مقاعدها مو مريحة وحزامها ثقيل


up 0 down 0
talal abdullah 5421
قبل 8 سنه و 5 شهر



باجيرو 2006 ماشي 140 الف ماقد اتعطل اي شي اللهم قطع استهلاكية تتغير وحط القطعة وانساها ومن جد كريفة واحس انها باقي جديدة وكالة من 6 سنوات          الانسر اي اكس 2011 لها معايا حول 9 اشهر ماشالله مافي اي ملاحظة وممشاها حول 24 الف اللهم كان البنزين يمشي 200 كيلو وياخذ شرطة وحدة الحين اثنين لثلاث         بالنسبة للباجيرو كل شي فيها تمام لاكن ونتا 140 وفوق تسمع اصوات هوا مدري من وين  وبالنسبة للقطع غالية شويا لاكن تقعد سنوات وعن تجربة


up 0 down 0
ابو امااني 2067
قبل 8 سنه و 5 شهر



كرسيدا 96 ماشية حدود 600 الف كيلو غيرت لها مساعدات ودينمو وركبت لها مروحة كهربائية وفلاتر وبنزين وزيت واقمشة ماكينة وقير وكالة ماانفكت وماشاء الله تبارك الله + ماكسيما 2008 ماشية 120 الف وعليها غيرت لها بواجي وفلتر هواء وزيت وبنزين طبعا البواجي الاولي حقتها غيرتها على مية الف وهي مافيها شي لكن خفت تخرب علي الكويلات فغيرتها من باب الاحتياط وايضا غيرت مرة وحدة اقمشة امامية فقط وماشاء الله تبارك الله وسلامتكم


up 1 down 1
ماكسيما 2008 6744
قبل 8 سنه و 5 شهر



السلام عليكم 
اول سياره كانت كرسيد83 ومن اروع المغامرات والتفحيط معها وماعمرها اشتكت تبها بر تمشي تبيها خط من احسن مايكون 
ثاني سياره كامري 2003 سياره ممتازه اذا خرب بها شين اغسل يدك انها ترجع زي اول تصلح ماينفع خربت المكينه مره وظبتها وكان 
بها صوت ولا راح المساعدات خرطي غيرتها ولا تغيرت راحة الموتر بس لاتزال في القلب موتره يسعدك بقوته (الموتر احترق)
ثالث موتر سوناتا 2012 اسواء اختيار لي توقعت الموتر مريح طلع خرطي بس عشقتهاوسارت بالقلب 
رابع موتر جيب 87 من احلي مايكون ما شاء الله عليه ماتلقي احلي منه 
خامس موتر جيب 2013 لاندكروزر الحمدلله امره زينه 
ولا تنسي ان تدعي الله ان يرزق فهو الرازق سبحانه (من كان يتوقع ان بعد عشر سنوات ان ترزق بموتر جديد)
فبدايتنا بكرسيده 83 سبحان الله الرازق المعطي الحمدلله والشكر لله ادعو الله ان يرزقكم في كل صلاة 
وشكر لكم ^_^


up 0 down 0
ابوليان2 -1
قبل 7 سنه و 2 شهر