أضف سؤال أو موضوع جديد          

كيف تقوم بتخليص سيارتك في حال علقت في إحدى البقع الرملية

up 5 down 4
توسان 2011 1930
قبل 4 سنه و 8 شهر



حدث لكثير من العوائق والحوادث في الصحراء ، كأن تعلق السيارة في إحدى البقع الرملية ويصبح من الصعب ان تسير

الا اذا تم سحبها .

لذا سنقدم لكم 6 نصائح تساعدكم على تخليص سيارتكم من الرمال العالقة من دون الاتصال بالطوارئ :-

1- قم بحفر الرمال وإبعادها عن العجلات قدر الإمكان .

2- أدر محرك السيارة ولا تزد الضغط على البنزين بحيث يكون المحرك يسير على معدل السرعة الثانية فقط ، بذلك

العجلات ترمي أكبر قدر ممكن من الرمال خارجا .

3- أثناء الضغط على البنزين يمكن لأحد أن يساعدك ويدفع السيارة من الخلف .

4- إذا كانت السيارة لا زالت عالقة قم بتخفيف هواء العجلات نحو 15 رطل لتسهيل دفع السيارة من الخلف .

5- إذا كانت السيارة لا زالت عالقة حرك مقود السيارة يمينا ويسارا بسرعة كي تحاول إزالة الرمال على الجانبين .

6- وإذا باءت كل تلك المحاولات بالفشل، استعن بأحدهم يملك حبلا ليسحب سيارتك من الرمال .








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماذكرو انك تضع شي تمشي عليه الكفرات خشبه ولا دعسات السيارة الداخلية او استك او شي معك يرفع الموتر ويخليه يتحرك من مكانه

هالحين فيه عفاريت تشتغل على الكهرب تشبكها في طفاية الزقاية في السيارة وتشتغل تماتيك وترفع السيارة عشان يمديك تطلع بطن الموتر اذا تعلق فضروري تكون معك وهي في شنطة صغيرة ماتضيق على الموتر


up 5 down 1
سند10 1161
قبل 4 سنه و 8 شهر



اذا تعلقت في الرمال ومامعه احد وش يسوي 


up 3 down 0
سرطوقا 112
قبل 4 سنه و 8 شهر



وجود الونش مهم جدا لاصحاب البر لاسمح الله في حال غرزت السيارة يرمي الاستبنة على حد واير الونش ومن ثم يدفن الاستبنة ويشبك الواير بالاستبنة المدفونة وبعدها تماتيك يطلع الجيب بدون اي جهد واسعار الونش تبدأ من 800 ريال تقريبا الى 4 الاف واشوفها ضرورية جدا لاصحاب الجيوب


up 4 down 0
عربة للسيارات 1665
قبل 4 سنه و 8 شهر



يعني الاستبنة اثقل من السيارة الي بتطلع السيارة والاستبنة بتبقى مدفونة.


up 1 down 5
iadnuyh 842
قبل 4 سنه و 8 شهر



نعم لو دفنت الاستبنة بالطريقة الصحيحة تبقى مدفونة والسيارة تطلع بحول الله مع تنسيم شوي من الكفرات

وزن الاستبنة ماله علاقة بوزن السيارة !


up 5 down 0
عربة للسيارات 1665
قبل 4 سنه و 8 شهر



ماضنيت.
حدث العاقل بم يعقل


up 3 down 8
iadnuyh 842
قبل 4 سنه و 8 شهر



اهم شي بالبر تنسم الكفرات قبل تدخل ... مو اذا غرزت تنسم 


up 3 down 1
شرقااااااوي 653
قبل 4 سنه و 8 شهر



اذا غرز الموتر لاتشد على الموتر عشان مايبرك على بطنه وقف ونسم الكفر ووخر الرمل عن الطريق يمين يسار امام ورا ثم قدم الموتر شوي ورجع ورا شوي لحد ماتسوي مسافه متر امام ومتر ورا ثم ارجع اخر شي ثم شد في الموتر لقدام وبحول الله بتطلع السياره بسهوله


up 5 down 0
كارينو 572
قبل 4 سنه و 8 شهر



وخر الرمل عن الطريق *تعديل وخر الرمل عن الكفر


up 1 down 0
كارينو 572
قبل 4 سنه و 8 شهر



الاخ iadnuyh

ان شاء الله انك عاقل وبعيد عن الجنون وانا ماقلت حاجة خيالية ماتتصدق ولاتشكك بالناس نصيحة العالم وصلت القمر واحنا نتناقش على شي بسيط كل ماكتبت رد يطلع لك واحد يشكك فيك يااخي اذا حسيت ان الموضوع غريب روح ابحث عنه ودور الين ماتجده بدل التشكيك بالغير

https://www.youtube.com/watch?v=AXYgCmufzTE

شوف المقطع وانتظر تعليقك ..


up 2 down 0
عربة للسيارات 1665
قبل 4 سنه و 8 شهر



يارب توفيقك معليش اذا الجيب غرز مايستاهل الجيب وربي ماعمري غرزت بالجيب مع اني ضربت رمال وطرق وعره وبفضل الله ماغرزت الا فقط تعلق الموتر فقط وبفضل الله ثم الدفلك مااخذ ولا 30 ثانيه الا والسياره طالعه


up 0 down 4
كارينو 572
قبل 4 سنه و 8 شهر



بس اهم شي تجنب الاماكن الطينيه بتغرز حتى لو راكب شيول


up 2 down 0
كارينو 572
قبل 4 سنه و 8 شهر



كارينو انا كنت مستخدم جيوب سابقا وكنت ادخل اماكن واغرز والله الجيب مايطلع غير بمساعدة لازم فزعة ولا تجلس وعندك اليوتيوب شوف انواع الجيوب الي تغرز اغلبها 8 سلندر لكن فيه طيحات ماتتخارج منها الا بفزعة واحيانا الجيب يجيك مافيه دفلك وش تسوي لازم تتصرف

شوف المقطعه الي انا ارسلته وراح تعرف ان الي مغرز بالفيديو مستحيل يطلع بدون فزعة سواءا بسيارة ثانية او حركة الونش مع الاستبنه المدفونة وان شاء الله الاخوان يستيفدون منها


up 0 down 0
عربة للسيارات 1665
قبل 4 سنه و 8 شهر



انا شفت مقطع الطلوع بالاسبير 
ولكن المقطع في رمل البحر وتقدر تحفر على حد الاسبير حفره مستطيلة مثل ماسوى في المقطع  أو أي حفره تبيها لأنها متماسكة شوي
ولكن تفكيري الرمل الناعم في الطعوس هل ينفع ؟ 


up 0 down 0
hussain4 853
قبل 4 سنه و 8 شهر



تضبط ياحسين اذا ماعندك استبنة او ماقدرت تحفر على قدها استخدم صخرة ولف حوالينها بمشد وادفنها واشبك فيها الواير او اذا فيه شجرة قريبة اربط الونش مباشرة وفيه حديدة قريبة من شكل قاعدة السفن الي تثبت السفينة بالمرسى هذي تشتريها ماتكلفك تثبتها فوق الرملة بدون ماتغرزها وتشبكها بالواير وتبدأ تسحب بالونش والقطعة الحديد تبدأ تغوص بالرملة حتى تثبت ويطلع الجيب بعد ماتوصل الحديدة لعمق معين وهذي افضل اداة من وجهة نظري

ميزة الونش لاسمح الله وغرزت ماتحتاج طرف ثاني يساعدك, انت نفسك بنفسك تتخارج


up 0 down 0
عربة للسيارات 1665
قبل 4 سنه و 8 شهر



ردي نفس رد hussain4


up 0 down 0
iadnuyh 842
قبل 4 سنه و 8 شهر



بس لاتنسون التنتيع تحطه القير ب1 وتطلق الكلتش تضغط وتوخر تخليها تمرجع قدام ثم ورا بس لازم تنقص الهواء الى 15 او 10 عشان تتمرجح .. وايضا اذا معك ماء كثير احفر للكفرات وكب عليهن وقدامهن ثم مرجح السيارة تمشي معك على طول وايضا البالونه اللي تركب على الشكمان ارفع السيارة ثم امسح مكان التغريز ونزلها وتمشي معك .... ملاحظه خصوصا السيارة بدون دبل لاتطب النفود الا وانت منسم ولاترحم سيارتك خل رجلك على الدعسه لان اذا غرزت مهيب راحمك .


up 0 down 0
برق الحيا 88 614
قبل 4 سنه و 8 شهر