أضف سؤال أو موضوع جديد          

حجز مركبة بسبب مخالفة تنزيل ؟

up 1 down 3
ساقي العين 322
قبل 6 سنه و 3 شهر



السلام عليكم

الموضوع وقفتني دورية مرور بسبب مخالفة تنزيل رتبة اللي وقفني رايد
الرايد زهم على دوريه ثانيه يوم حضرت قال الفرد وراي للحجز مشيت وراه لحجز بريمان قالوا تراجع ادارة المرور بعد خمس ايام

رحت اليوم الخامس لمرور الصحافة قالوا ما تطلع عليك مخالفة قديمه قبلها بشهر تنزيل نحسبها مع المخالفه ذي 10 ايام حجز
كل مخالفة بخمس ايام
انا مخالفاتي اسددها اول باول كيف يحسب علي مخالفة مسدده حجز حاولت فيه رفض قال تعالني الاحد اللي هو ذا تطلع ان شاء الله
يعني راعاني في يوم خلاها تسع ايام رحت اليوم ما لقيته مداوم لقيت فرد ثاني ينوب عنه الفرد الثاني يقول عليك خمس مخالفات قديمه وكل مخالفه
بخمس ايام اجمالي 25 يوم قلتله الشخص اللي قبلك قال الاحد نعطيك اطلاق وانت تدبل المده 25 يوم

المهم ي اخوان انا مدري وش النظام ووش الحل معقوله يحاسبني على مخالفات قديمه تم تسويتها وسدادها في وقتها







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ابقول لك شي وان شاءالله تتقبلها بصدر رحب

انا وغيري يوم يمشي قدامي واحد منزل السياره ويستعرض وماشي في خط السرعه 100 وهو ماشي فيه 40

وغير كذا مايوخر اول شي ادعي عليه بسبب العرقله اللي هو مسويها

غير اذا جاك فوق المطب يشتل يمين ويسار عشان ماتحك السياره واحنا واقفين ننتظر حظرت جنابه لين يعدي المطب بسلام

المصيبه اذا جاك في شارع فيه كذا مطب هيا انتظر

وانت ان شاءالله منت منهم ليه ماترجع السياره شد بلد

وتفك عمرك من المخالفات ودعاوي الناس غير الخرابات اللي تسببها التنزيل

اما بخصوص المخالفات حتى لو مسدد تبقى رصيد لهم في حال تكرار المخالفه

موفق


up 12 down 4
abdulaziz al-malki 981
قبل 6 سنه و 3 شهر



كيف تنزيل مافهمت عليك


up 0 down 0
كارينو 572
قبل 6 سنه و 3 شهر



كازينو يقصد تنزيل السيارة

لكن الله يعينك عليهم بيقعدون لك 

لكن سؤال هل السيارة للان منزله او رفعتها ؟؟


up 0 down 1
coco13 893
قبل 6 سنه و 3 شهر



رتبة رائد اللي وقفك !!!!!! اشك بالموضوع 


up 1 down 12
benz lover -74
قبل 6 سنه و 3 شهر



يخوي اسحب على الي قال 25 يوم لا جا الي قالك 9 ايام خذ ورقه تثبت هالشي انها بتطلع بعد9ايام ليه تروح لواحد ثاني
النظامي عليك25يوم لكن هذا ع قولتك راعاك وخلاها9ايام اجل انتظره واكيد الي قالك 25 ما يدري
احس اني لحست مخك لكن حاول تستوعب : )


up 0 down 0
محمد حمدان هلال 19
قبل 6 سنه و 3 شهر



هم غلطتهم ماوضحو لك المخالفه بشكل صحيح
قالو لك الحجز علشان المخالفه هذي والمخالفه السابقه
والمفترض يقولو لك الحجز للمخالفه هذي عقوبتها مضاعفه لانها تكررت للمره الثانيه
وطبعا المره الثالثه بتكون عقوبتها أشد فانتبه!


up 0 down 1
bmw z4 1500
قبل 6 سنه و 3 شهر



abdulaziz al-malki
معك حق فالكلام اللي تقوله ومحد بيلومك لكن موتري ددسن حتى وانا منزلها ارفع من مواتر كثير شد بلد يمكن الكامري او السوناتا وهي شد بلد
تحك مع المطب الكبير وموتري ما يحك الددسن من بلدها مرتفعه وتنزلها شوي عشان الهوا يلعب فيها كل ما نزلت زياده كل ما كانت ارسى وما يدخل الهوا من اسفل

coco13
اي نعم دخلت الحجز وهي نازله ما بقدر ارفعها وهي فالحجز


benz lover
رايد واللي على كتوفه تاج خياطه اسود شوفة عيني ومن ناحية الشك شغل الشريط اللي يناسبك وشكشك عليه براحتك محد بيمنعك



محمد حمدان هلال
هو اعطاني كلمه قال تعالني الاحد اطلقها لك رحت اليوم ما داوم بروح بكره ان شاء الله القاه



bmw z4
فالحجز قالوا خمس ايام وتطلع الموظف الاول فالاداره قال تعال الاحد يعني 9 ايام اطلعها لك جيت اليوم الاحد ما لقيت الاول قال الموظف الثاني 25 يوم
رحتله بعد الظهر اكلمه واحاول خلاها لي عشر ايام وما اجيه الا فاليوم الاحدعش
دام الاول اعطاني تسعه والثاني خلاها 11 نصبر على 11 اضمن


up 1 down 3
ساقي العين 322
قبل 6 سنه و 3 شهر



الحجز جربته مع مرور المطار يبيلها لسان حلو معاهم وتمشي لا تعاند معاهم شوي شوي 


up 0 down 1
benz lover -74
قبل 6 سنه و 3 شهر



رح للراس الكبيره .......اعطه كلمتين حلوه 
وانت لا عاد تعودها ترى المرات الجايه بتطول 
المسأله مع تكرار المخالفه
وموفق ....


up 1 down 1
لا للغلاء 829
قبل 6 سنه و 3 شهر



ليتهم يسجنون الشباب اللي منزلين بناطيلهم
مسوين فيها عصابات امريكا


up 4 down 0
أبو نجوى 2443
قبل 6 سنه و 3 شهر



^^ ذا موضوع يقهر مرة يابو نجوى الرجولة قي اختفاء


up 1 down 0
benz lover -74
قبل 6 سنه و 3 شهر



قلة حياء و نقص دين و الا المراجل اذا جو لمناسبات
شف الوجه الثاني لمثل هالاشكال
تناقض اقرب للنفاق عيى الله يهديهم


up 0 down 0
أبو نجوى 2443
قبل 6 سنه و 3 شهر



طيب انت ماسألتهم المدة هذا ليش طالت وحقت ايش ؟؟؟


هل هي للمخالفات السابقة ام تضاعفت المدة بسبب تكرار المخالفة ؟؟؟


وبعدين شف ياخوك بعطيك اياها نصيحة طلع الموتر بسطحة من لبن واقرب ورشة رجعه شد بلد وريح عمرك


الددسن خلقه مهب راسي رفعت ولا نزلت وثانياً انت عارف التشدد اللي صاير على الدسسن والسييرا وذا الدرباويه وطقتهم وان شاء الله انك منتاب منهم


وفقك الله


up 0 down 0
a.ibrahem 3169
قبل 6 سنه و 3 شهر