السياره تطفي بدون سابق انذار

عليكم السلام ورحمة الله 
ماعرف شي عن جيلي 
بس كانت عندي مشكلة بسيارتي  
مرات تطفي وانت مسرع ماسك خط 
او بالبلد وبعد ماوقف ادق سلف تشتغل 
ومافيه تفتفه والعزم مافيه شي ماراحت المشكلة
الا يوم غيرت اسلاك تحت الدركسون 

حياك الله اخوي المشكله لادقيت سلف ما اسمع غير صوت حننت السلف المكينه ماتدور وقبل لا تطفي مافيه لا تفتفه ولا شي 

الله يعينك الصيني لسه ماثبت جودته ولا اثبت انه يعيش مجرد بودي صديق لي عنده جيلي القير عادي ماكمل سنتين وخرب

والله يالغالي السياره لها معي سنه وامورها ولله الحمد ممتازه وفيها رساوه واسافر عليها مسافات تتجاوز ٣٠٠٠ كيلو 

احتمال من طرمبة البنزين خصوصا اذا كنت تدعس عالبنزين ولافيه استجابه وتطفي

اخوي والله نفس مشكلتك بالضبط حصلت معي
بس سيارتي جيب اكسبلورر ..
وانا امشي فجأة تطفى والحرارة ممتازة على النص
وأخليها وقت وأشغلها وتشتغل
سئلت الي يقول من الطرمبة والي يقول جبها نفحص
رحت فيها لواحد فتح الكبوت .. قعد يحرك بعض الأسلاك الي تتعرض للإحتكاك
ويفصل سلك ويرجع يشبكة مره ثانية
وسبحان الله قال لي جرب شغل وأشغل والوضع ممتاز
انا ما اقتنعت قعدت اخذ كم لفة على الورشة عشان اذا طفت اكون قريب منه
والحمد لله الى يومك هذ وما طفت

مشكلتك هذي بخاخات طال عمرك نظفها

اكشف كمبيوتر وتطلع لك المشكله

هذي اعراض طرمبة بنزين شكلك تحلل البنزين لاخر نقطة الاوساخ خربتها 

ابو تمام البخاخات ماتتنفظ الا اذا كان فيه تفتفه بسيطه واذا كان عزم السياره طايح

السلف فيه سلك يخليه يفر وسلك يخليه يلقم في الحذاف
السلك اللي يخليه يلقم مرتبط بمفتاح السويتش ومفتاح السويتش يوصل الكهرب للطرمبه ولموزع الشراره
يعني عندك التماس في مفتاح السويتش او اسلاكه
ودها لكهربائي واشرط عليه ما ياخذ فلوسه لين تطلع وتجربها وداهمه في الاخير قله ورني السلك اللي صلحته

وانا اخوك نفس مشكلتي طوالي غير حساس كرنك وحساس تيمن عن تجربة ودعيلي

احتمال يكون حساس الكرنك لكن قبل ماتخسر نفسك ودها عند واحد فاهم يفحصها كمبيوتر ويبين لك اذا هو حساس كرنك او لا 




لأن بعض الورش مايعرف يفحص .. والامر الثاني ممكن تكون من طرمبة البنزين وتقدر تتأكد عن طريق الليات اللي واصله للمكينه تشوف هل هي تدفع بنزين ولا. لا 

غير حساس الكرنك
كنت دايم اغيره اذا جتني هالمشكله
خصوصا اذا مسكت خط وشديت عالسياره

السلام عليكم
عسى حصلت حل للمشكلة

انا عندي نفس مشكلة صحب الجيلي وانا عندي مثلها ونفس الموديل غيرت حساس كرمك وطرمبة بنزين زواجي واسلاك بواجي وفحصتها كمبيوتر ولا طلع ليش الخراب
خسرت ألوف ومازال الخراب موجود

المشكله حليتها بتغير طرمبة البنزين وتنظيف الصفايه ابو عبد الرحمن نظف دايره البنزين كامله وان شاء الله تنحل المشكله

السلام عليكم و رحمة الله و بركاته
صار عندي نفس مشكلتك سيارتي اكسنت 2010
صارت تطفي و اخليها لما تبرد 5 دقائق تقريبا و ترجع تشتغل رحت للصناعية غيرت طرمبة البنزين لكن اليوم الثالث نفس المشكلة ما تغير شي شفت الاسباب عن طريق النت و شفت اغلب الحالات المشابهة كانت من حساس الكرنك و رجعت للصناعية و غيرته اتوقع هذه هي المشكلة الاساسية الطرمبة ما كان فيها شي