أضف سؤال أو موضوع جديد          

ارتفاع البنزين واختيار السيارة

up 13 down 15
salih-m 385
قبل 5 سنه و 9 شهر



السلام عليكم ورحمة الله وبركاته

اولا:صلوا ع الحبيب....اللهم صل وسلم ع سيدنا محمد وع آله وصحبه أجمعين

ثانيا:مقبل حاليا ع شراء سيارة جيب ولكن توه يطرا علي سالفة البنزين وانه راح يرتفع تدريجيا!
الجيب استهلاكه عالي جدا...وحسب ماسمعنا انه راح يرتفع البنزين خلال الخمس السنوات ليصل لسعره العالمي الي هو تقريبا 1.5 للاخضر!!
تخيل اعبي الجيب ب 130 واصلا استهلاكه عالي!

لذلك هل فعلا البنزين بيترفع خلال الخمس سنوات؟
بحثت بقوقل لين تعبت مالقيت الخبر...انا اذكر قالوها لكن مالقيت الخبر

اذا كان الخبر فعلا...فنصيحه للجميع يحسب حساب هذي النقطة
وكلكم تذكرون 2005 وتحت الهايلكسات الديزل ماليه الشوارع والسبب ان البنزين كان غالي قبل يحصل ع الدعم من الملك عبدالله رحمه الله

وانا اشوف ابو جميل منزل سيارة هجينه الان الي ماتستهلك بنزين ..واضح انه حاسب لهذا اليوم

وايضا سيارات البنزين الي تستهلك بشكل كبير راح يطيح سوقها 

والديزل بالتالي بينتعش سوقه


اخيرا...رفع اسعار البنزين بسبب نزول سعر البترول...ودامه في مصلحة الوطن فراضين تمام الرضا
وان شاء الله يكون فيه بدل لغلاء البنزين..لان المستهدف هم الشركات لانهم هم المستفيدين من دعم البنزين والديزل وانخفاضهم


الخلاصه:هل بيرتفع سعر البنزين؟حتى ناخذ احتياطاتنا من الان








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يعتمد على اشياء كثيره شرائك للسياره
راتبك  - اسلوب حياتك - ظروف المنطقه
اذا راتبك قليل فالسياره الاقتصاديه خيارك الافضل والعكسصحيخ
اذا اسلوبك حياتك تقدم الرفاهيه على مسك الدراهم فالسيارات ذات المكاين الاكبر
خيارك الافضل والعمس صحيح
ظروف المنطقه غير مطمئنه بشهادة المحللين السياسين فالواجب شد الاحزمه وتوقع الاسواء 
ماخافة ان يقع وليس نظره سوداويه لاتفهموني غلط
وفي الاخير لاتنسى الاستخاره والاستشاره
فماخاب من استخار ولاندم من استشار


up 5 down 0
شرشاب 5
قبل 5 سنه و 9 شهر



السلام عليكم 

مصدر. الخبر. 

تذكرون مقابلة الامير محمد بن سلمان. قبل فتره 

في المقابله. قال. ان البنزين. راح. يرتفع. نهاية 2016

بس الله العالم. كم بيصير. 

الي يبي يتئكد. يدخل اليوتيوب. ويدور للخبر. 

طبعاً. كانت المقابله. قبل. رمضان 


up 2 down 0
سبحان الرازق سبحانه 2513
قبل 5 سنه و 9 شهر