بستلم سيارتي نصايحكم

بارك الله لك انتبه لا يكون فيها صدأ من تحت قبل لا توقع على الاستلام ةلو يكون معاك واحد خبير في البوهيه يكون افضل وشيك على اغراضها والاستبنة
وفقك الله

حياك
اول شئ مبروك السياره والله يعطيك خيرها
ثاني شئ شيك على الكفر الاحتياطي ويا العده حقته

ثالث شئ شيك على طفاية الحريق

رابع شئ شيك على شنطة الاسعافات الاوليه

خامس شئ شيك على كتلوجات السياره

سادس شئ شيك على دفتر الضمان/////مادري كان يجي بكل السيارات او لا تاكد من الاخوان
وشف الكتلوج يمكن يجي مدمج معاه لو مالقيت الدفتر////

سابع شئ شيك على الدعسات حقت الارجل

ثامن شئ شيك على السياره من الصدام الى الصدام يمكن فيها حكات ولاشئ

تاسع شئ استلم السياره بالنهار عشان تشوفها اوضح

عاشر شئ تاكد ان اكياس الوكاله موجوده على المراتب والديكورات عشان تضمن انها ماكانت معروضه

11/ لاتوقع على ورقة الاسسسسسستلالالالالالالالالالالامممممممم الا بعد ماتشيك على الاشياء الي فوق
حتى لو قالك وقع قله لا ماني موقع حتى اشوف السياره لانك لو وقعت واكتشفت مشكله مايمديك تقولهم شئ لانك وقعت

/////الاشياء الي ذكرتهم تخص السيارات بصوره عامه الي تشتريها من الوكالات وليس المعارض لان المعارض يجيبونها
ناقصه يمكن في اشياء اضافيه تجي للمازدا غير ذي يفيدونك الاخوان/////

هذا رد سابق كتبته في رد لموضوع مثل موضوعك

هههههههههههههههههههههههههه

أبو طيف متحمس الله يهديك

السياره بيستلمها من الوكالة يشيك على الزيوت و البواجي و الفيوز بعد ههههههههههههه

ليش هو قالك السياره طفت فجأة ما تشتغل بيستلم سياره جديده تراه أترك الحماس اللي ماله داعي عنك

ههههههههههههههههه ^^^

انتضره شوي ويقول افحصها كمبيوتر

ههههههههههه




ياخوي شيك تششيك عادي وتفقد اغراض الموتر واكسسوراته


شييك فيها حكوك

العده والاسبير

المفاتيح
الفرشات
عده السلامه
كتالوجات


وتوكل على الله وسم بالرحمن

ما شاء الله ربي يباركلك في ما أعطاك
اضافه على اللي ذكروه الشباب منفاخ الهوا دايم المعارض يشيلوه 

بالتوفيق

الله يبارك فيكم جميع ومشكورين جميع

الله يطرح لك فيها البركة الشباب ماقصروا عطوك المقسوم

ماشاء الله مبرووك الموتر 
الله يعطيك خيرها ويكفيك شرها 
اضيف لكلام الشباب جرب كل الازرار داخل السيارة
كلها شغاله واللمبات 

ابو طيف وش رايك يشيك موية الرديتر وليات الموية !!!!؟ 

اولا الله يبارك لك ويعطيك خيرها ويكفيك شرها 

ثانيا السياره جديده وماعليها خوف ان شاءالله لكن لابد تشيك على بعض الاشياء للاحتياط فقط


١- شيك على الاستبنه والعفريته وعدة السلامه 
٢- شيك على الانوار الداخليه والخارجيه كلها
٣- شيك على الازرار الداخليه وهل تعمل ولا لا 
٤- شيك على فتحة البانوراما اذا فيها 
٥- شيك على العداد والطبيعي تكون ماشية من ١٠ الى ٢٠ كيلو تقريبا 
٦- هذي النقطه مهممممه جدددا لازم تشيك على الصدامات الخلفيه او الاماميه من تحت لا تكون فيها حكه ولا شي لان سيارتي استلمتها وكانت فيها حكه تحت في الصدام بس ماهي واضحه تحت مره يعني ماتنشاف لكن عطوني الصيانه الاولى مجانيه والحكه ماهي واضحه فمشيتها وانت لاقدر الله لقيت فيها حكه ولا شي كلمهم وبيعوضونك اما صيانه او اكسسوارات لكن اذا الحكه واضحه ومشوهه السياره لا تستلمها واطلب تغييرها 

٧- اخيرا شيك على المفاتيح وازرارها 

عموما هذي النقاط للاحتياط فقط ولاهي وسوسه لكن سياره قيمتها فوق ال١٠٠ الف لازم تشيك عليها من كل جهه وان شاءالله سيارتك مافيها شي

وتتهنى فيها يارب ، اتمنى اني افدتك .. 

بتوقع على ورقة استلام مكتوب فيها كل شيء
كل الاغراض الي المفروض تشيك عليها مسجلة في الورقة
خذ الورقة وشيك عليها نقطة نقطة وبتوقعون عليها انت والي سلمك السيارة 

شيك ع المكيف انا اشتريت النترا من الوعلان جديده 
وبعد ماركبت اللوحات وشغلتها وجيت اشغل المكيف 
للاسف ما اشتغل 
ورجعتها لهم وجلست ١٦ يوم عندهم 

الف مبروووك يعطيك خيرها ويكفيك شرها
نصيحة لا تروح وحدك تستلمها شيل اخوك او خويك لانك انت حتكون متحمس وما حتركز على العيوب
خويك ممكن يلاحظ شي وخليه يشيك من كل زاوية
وربنا يهنيك بيها وعقبال المليون كيلو

اهم شي جرب التعشيق للريوس وقدام 
واحد من اخوياي اشتري سوناتا من معارض جده 2016 
وركب اللوحات واستلمها وهو طالع من المعرض ما تعشق ريوس
والمعرض رفض يرجعها ويقول راجع الشركه وللحين تبهذل معهم له شهر تقريبا
والف الف الف مبروك وان شاء الله ما يكون فيها الا كل خير
ولكن الاحتياط واجب