............

سمعت خبر تقدر تتوضف وضيفتين

تقدر تتوظف وظيفه أخرى ولكن ما يستفيدون منك الشركة الثانيه بنسبة السعوده

يعني ماراح يوظفونك اصلا ما يقبلون السعودي غالبا الا عشان نسبة السعوده

و طالما مسجل بشركة قبلهم و لازلت مسجل انسى يقبلونك

لهذي الدرجة كسل فيك او ما عندك اعتماد على نفسك

مسجل سعوده و الوظيفه الثانيه تبيها على السريع و ترجع البيت

بكرة تبي تتزوج تدور وظيفه صاحيه براتب مناسب ما تحصل و ترجع تقول مافيه وظايف

استحاله تسجل وظيفتين فيها تأمينات 
تقدر تشتغل وظيفة بدون تأمينات فقط 

توصيل جرائد شي انتهى و خلاص من يشتري الحين جرايد 

اشتغل لو الراتب بسيط في وظيفة و استقر مع الشهور و الوقت و الانضباط راح يرقونك و يعطوك مزايا و ترتاح 

و منها تكسب جرأة و خبره لأن الشركات حاليا تعتمد أولا على الخبرات صدقني 

انا انسان جربت القطاع الخاص في محلات عده 

لو تكون جامعي و تخصص حلو و خبرتك صفر نادرا تقبل في وظيفة جيدة 

لكن لو معك ثانوي و عندك خبرات تقبل و فيه مجالات كثيرة ذ

وعليكم السلام ورحمه الله وبركاته
ياخوي اذا كنت طالب جامعي خليك مركز في دراستك
ومشي امورك براتب السعودة كانك محدود عليها اما اذا منتا
طالب شفلك وظيفة زيك زي الرجال واترك السعودة الي تعودك
على الكسل ولاتكالية والله يرزقك من واسع فضله

شوف المطاعم يطلبون سواقين معهم سياراتهم
شوف حقين الشاورما و البروست و حقين البخاري
لا تروح هارديز و ماك و السوالف هذي

الدراسة ثم الدراسة ثم الدراسة

في برنامج حق توصيل

يصيرو الناس يرسلولك وتروح توصلهم مشاوير

اتوقع اسمه (اوبرا) حمله وترزق الله

مسموح تسجل وظيفتين لكن عذر الشركات اسمك مسجل بالتامينات والنصابين مسموح لكن مايستفيدون منك

يا اخوان شكرا على النصائح لاكن انا ماطلبن نصائح انا سألت هل فيه وضيفه بسياره شركه اوصل فواتير
او جرائد اعلان وتكون فتره الدوام على حسب سرعتك في الانجاز فقط

اما بالنسبه للدراسه انا اشتغل عمل حرر ومالي في الدراسه وانا اعرف وش اسوي

عندك شركة كريم او اوبر ، تكون كداد ودوامك متى ما تبي ، ان شاء الله تقعد شهر ما تشتغل
متى ما فضيت وفيك شدة دق سلف و دور رزقك ، عاد يقولون لو تنظبط فيها تلاقي فوق ٨٠٠٠ شهرياً 

عندك سلمك الله شركات المشروبات والعصيرات مثل بايسن - ريد بول - باور هاوس - حاول تتواصل مع الوكلاء او الموزعين بنفس مدينتك وقول لهم عندي رخصة سارية الصلاحية واوراقي كاملة راح يعطونك سيارة توصيل من عندهم بحول الله وبك اماكن معينة تروح تنزل كراتين فيها تجي تستلم السيارة من عندهم على 6 الصباح او 8 على حسب الفرع ويعطوك جدول توصيل وكمية كراتين تروح تنزلها حسب ماهو مطلوب منك وترجع توقف سيارتهم وتتوكل على الله تخلص بساعتين بثلاث ساعات او اربعة هذا شي راجع لسرعة التوصيل عندك 

ودعواتي لك بالتوفيق

طيب والي متمرمط بالحياة ولا هو لاقي سعوده الي يعرف يا شباب يفزعلي .

وشهي شركة اوبر شسالفتها ؟