أضف سؤال أو موضوع جديد          

ملاحظات على بعض اعلانات حراج

up 9 down 2
ابو زهور2013 487
قبل 5 سنه و 5 شهر



الاخوة الكرام 
السلام عليكم
كثير منا يتصفح موقع حراج ويشاهد السيارات المعروضة
لكن عندي ملاحظات غريبة
تجد احدهم يعلن بأن سيارته مايحتاج شد بلد
لكن المكيف عطلان ويحتاج فقط تعبئة فريون والاخر يعلن بأن سيارته ورده 
لكن فيها تفتفه وتحتاج تنظيف الثروتل
واخيرا واحد يعلن بأن السيارة فل الفل لكن فتحة السقف تحتاج ذراع فقط
انا من رأيي ان ماذكروه ليس صحيحا فلو كان المكيف يحتاج فريون ليش مايعبيه ب ١٠٠ ريال ويبيع السيارة حتى يرغب في شرائها الزبون
والاخر اللي يقول تفتفه ويحتاج الثروتل تنظيف ليه مايعمل له تنظيف ب١٥٠ ريال 
والاخير اللي سيارته فل الفل والفتحة ناقصها ذراع طيب يشتري ذراع ويركبه مما يسهل عملية البيع
المهم اتوقع ماذكروه ليس صحيحا وانما هذه عيوب لم يجدوا لها حل ولم يستطيعوا اخفائها
لذلك دائما اصرف النظر عن التعامل مع هولاء
ولا اضيع وقتي في فحصها فهي لو كان بها هذه الاعطال لاصلحها صاحبها
على الاقل المكيف يعبيه فريون ولايموت في الحر وهو طالع حراج المعارض مع العصر على بال مايحصل زبون يكون برد نفسه في هذي الفترة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام

بعضهم موتره محكك من كل جهه ويكتب بدي وكالة خالي من الرش
ويتقصد يستخدم السياره بحكاتها علشان ما يجيها رش

طيب اللي بيشتريها بيصلح الضربات اللي فيها وتصير مرشوشة

المشكلة البياع يبي يبيعها بسعر اعلى لانها خالية من الرش ههههههه

عالم مهابيل او يستهبلون علينا


up 1 down 0
التميمي 112 239
قبل 5 سنه و 5 شهر



يقولك البودي وكالة ماعدا رش بالكبوت والرفارف ( تجميلي ) على كلام مالكها الاول هههه عشان يصرف نفسه وهي جاييها وجهية

ويقولك فل الفل ماعدا الفتحة كيف صارت فل واللي يقول فريون الكومبرسر مضرووووود او الثلاجة فيها تنسيم


up 0 down 1
benz lover -75
قبل 5 سنه و 5 شهر



صارت معي سالفة المكيف يقول بس يبيله فيريون
ولما شريت الموتر رحت بعبيه فيريون وطلع البلف مقفل وكلف تصليحه 450
الحمد لله انها جت ع كذا ولا طلعت المشكله بالكومبرسر او الثلاجه


up 1 down 0
جريح الجرح 1
قبل 5 سنه و 5 شهر



ياكثر الغشاشين الزمن ذى 

الله يكفينا شرهم 

ويصلح حالنا وحالهم

ولاتنسى ان فيه بعض العطالات

يبينها البايع ابراء للذمه

سواء قطع استهلاكية او المكيف

لان فيه مناطق ماتحتاج المكيف فيها

فلا يهتم صاحب السيارة باصلاحة والله العالم

عموما ليس من الادب انك تعلن عن سيارة متهالكة او عطلانة
لان الاصل بيعها للتشليح

حتى لو ماهي مغسلة اعتبرها قلة ادب فما بالك بغيرها من الخرابات

والله يوفق الجميع لكل خير


up 0 down 2
مجنون شافك -21
قبل 5 سنه و 5 شهر



ابتعد بمقدار 100 كلم عن اي شخص يعرض سيارته للبيع ويكتب ( استخدام كبير بالسن , استخداام ضابط كبير , استخدام شخص مسؤول والى اخره )



up 1 down 0
مليحي 252
قبل 5 سنه و 5 شهر



شف كلامك صحيح نوعا ما لكن فيه اشخاص يبغى يبيع سيارته 
بالحاله الراهنه قد قفلت معه منها المهم فيها مثلا كراسي مساعد ولا مكينه فيها مثلا رجه 
المهم أنه يوضحها افضل من يخفيها  وعلى فكره ما قد بعت ولا سياره في هذا الموقع 


up 0 down 0
الوااادعي11 285
قبل 5 سنه و 5 شهر



اهم شي ان السياره شد بلد الا تعديل بحجم الكف
هو صادق لكن المشكله انه كف ديناصور


up 1 down 0
pt 2011 1389
قبل 5 سنه و 5 شهر



انا اشتريت سياره من واحد وقال ان المكيف يحتاج فريون فقط وفعلا كان صادق عبيتها فريون وصار تمام

لكنه اقسم ان الماكينه على الشرط وطلعت في بداية تبويبش وتدخن وكان حاطلها زيت استوب


up 0 down 0
toritto 357
قبل 5 سنه و 5 شهر



الدنيا ماتستاهل الغش والخداع والكسب الحرام
كل شي ربي يتساهل ويغفره الا مايكون بين البشر
فهذي حقوق يتحاسب عليها الشخص يوم القيامة وربما توديه الى النار
فيقتص المضلوم من الضالم وياخذ من حسناته حتى يرضى فان لم يكتفي القى عليه من ذنوبه
يعني وش بيستفيد اذا غش واحد في الف او حتى عشره الاف ريال
هل بيأكل حرام ويطعم اولاده حرام
ايما جسد بني على حرام فالنار اولى به
مشكلتنا هي ضعف الاخلاق لدى البعض 
ياخي اذا لم يردعك الدين فالتردعك تربيه ابوك واهلك والشيمه وعلوم الرجال عن سفاسف الامور..
لعنبوها دنيا تضيع فيها شيمة الرجال ومكارم الاخلاق..



up 1 down 2
النفس الزكية ابو مشعل 59
قبل 5 سنه و 5 شهر



البدي شد بلد ماعدى الجوانب والكبوت والتنده مرشوشه رش تجميلي


up 0 down 0
كارينو 572
قبل 5 سنه و 5 شهر