سمت سيارته بــ24.000 يقولي تنسجن كثرهن..

10 1

لايمكنك التصويت حتى الحصول على 20 نقطة على الأقل
إضغط هنا للإخفاء

غشيم 363
قبل 12 سنه و 3 شهر

السلام عليكم


بصراحة موقع حراج ملئ بالعالم النصابة أو سوري اللي أخذه مقلب بسيارتهم وفوق كل هذا لا أخلاق ولا سيارة تسوى..

حصلت إعلان كامري 2003 (هو قديم تقريباً صار له شهر)..أتصلت ع راعيه السلام عليكم ..عليكم السلام

يالحبيب عارض كامري 2003 بموقع حراج لونها فضي (عطيته برنت عنها وهو يقول هاه هاااااااااااااااه)
قلت يالغالي السيارة موجودة ولا انباعت

قال لا والله موجودة وأدور الزبون الصامل واللعاب يبعد عني بعيد(بسم الله الرحمن الرحيم دوبني ما قلت شيء) بس مشي مشي مشي يا حبيبي للنفسيات

قلت طيب كم وصل سومها قال وصل 30.000 الف ريال ولاني ببعيد عنها
قلت والله يالغالي موترك نظيف ولكن سعرة بالسوق ما يتعدى الــ27.000 وأنت تقول فيه سمكرة ومحتاج لكفرات وصوفة العكس تهرب ..

قال يعني الزبدة

قلت لورباك ولا نادك خخخخخخخخ <ما يمنع ألطف الجو بكلمتين سامجتين صح يا باشا قلت أسمع يالغالي أنا أبي السيارة لأخوي(والله العظيم صادق لحد يقول شريطي)
لو تنفضني نفض أنا وأخوي ما معنا الا 24.000 الف ريال

قال تنسجن كثرهن وقفل السماعة

طوط طوط طوط
يا أخونا شوية أخلاق وتواضع من جنابكم ..وفكونا من الأسعار الفلكية بالموقع ..

إبلاغ

الردود