أضف سؤال أو موضوع جديد          

احسبها صح........السيارات الفخمة المستعملة

up 16 down 3
بن عبدالحق- 87
قبل 3 سنه و 7 شهر



بعضنا تكون معه 60 الف يروح يشتريله بانوراما 2006
او .........بي ام 2009 الخ.............في العادة تحصلها ماشية 200 الف و فوق
والضمان منتهي

انتبهوا يااخوان من السيارات هذي,قطعها غالية جدا ومايقدرون عليها اللي يشترونها
ويتورط فالاخير يضرب عليه شي فيها وتطلع غالية قيمة القطعة فيخليها تخيس وهي
واقفة

خذلك اصفار ولو
اهم شي على يدك و مواصفات السلامة كويسة
المفروض اقل مواصفات للسلامة تكون 4 ايرباقات
لكن للاسف وكلائنا بكل بساطة شجعين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ممكن المغامره

في حال توفر بعض الشروط


الخبره الكبيره في نوع السياره المشتراه

معرفه الاصلاح

معروفه توفير القطع بطرق مختلفه واسعار مناسبه







اما شغلتك خذني جيتك

بيروح فيها


up 8 down 5
مدرس عاطل 19
قبل 3 سنه و 7 شهر



عندي واحد من اقاربي نفس الشيء

رغم ان ميزانيته كويسه شغال بالعقار و دخله المادي شهريا ما يقل عن 30 الف

رغم هذا يشتري سيارات مستعمله ما ادري وش عقله يشتري مستعمل وهو وضعه المادي فوق الممتاز

المشكله يشتري من موقع حراج بدون ما يشوف السياره ساكن بالقصيم

و السيارات يشوفها بالشرقيه او بالرياض او غيرها يحول كامل المبلغ على معرض و يرسلون له السياره

اخر ما اشترى

جيب بورش 2005 قبل سنوات و رجع باعه بربع القيمة

جيب بورش 2008 استخدمه سنه و باعه على اخوه

رنج روفر ما اعرف موديله بس شكله كت سبورت او فعلا سبورت ما ادري عنه و متبهذل فيه

و قبلهم اودي 2002 الشكل القديم قبل 3 سنوات حسب كلامه لو صادق ماخذها بمبلغ 55 ألف يقول مخزنه

وهي ما تسوى 20 ألف

و سبب ان السيارات اصلا ما تخدم معاه لأنه ما يعرف شيء اسمه افتح كبوت شيك مويه زيت

او يسمع صوت معين بالسياره مثلا صوت دينمو المروحه ما يدري عنه

لانه يركب يشغل المكيف يوصل مشواره يطفي السياره و ينزل

ما يطفي المكيف يفتح الباب يسمع صوت السياره لو ثواني طبيعي او فيه شيء متغير

و يقدر يلحق على الخراب قبل ما يكبر

يمشي لحد ما توقف فيه بالشارع او يلاحظ شيء كبير و على الورشه ولا يروح بنفسه

يرسلها بسطحه صاحب السمو و هو منسدح بالبيت و تاكل عليه 3 او 4 اضعاف قيمة التصليح بالاستغلال

و من حقهم صاحب ورشه يجيه جيب بورش او رنج روفر على سطحه

وراعيه منسدح بالبيت يكلمهم يقول شيكو عليه و شوفوا وش خربان ما بيقولون له شيء بسيط

يمغطونه بالسعر


up 8 down 13
عطني جبهتك -84
قبل 3 سنه و 7 شهر



فيه ناس تغريه القيمه سياره فارهه وسعرها رخيص لكن مايدري لو خرب مسمار واحد يبيله راتب سنه كامله عشان يصلحها


up 6 down 3
كارينو 567
قبل 3 سنه و 7 شهر



لو ألقى بانوراما 2009 بـ 60 ألف من بكرة وأنا شاريها يا أخي يكفيك وقفتها هيبة وتلفت النظر . . . . .

هذا غير سواقتها اللي تختلف عن بقية السيارات . . . . .

ركبت بنز موديل 86 يسوى جيب لا ندكروزر 2016 . . . . . . من ناحية السواقة والمركب والثبات والراحة . . . .

كنا نمشي 140 عليها وننطل كتجربة نبي نشوف وش وضعك يا الألماني . . . . .

والله ماسمعنا صوت الكفرات من قوة الثبات والرساوة . . . .

والله لو إنا على جيب مطقعة الأرض 2016 لجينا على التندة على طول . . . . . وهذه بنز و موديل 86 . . . .

وركبت العام الماضي شبح 98 فل الفل وربي أنها أطلق سيارة مرت علي . . . . ولا زالت . . . .

هذا غير السواقة بسياراتهم وربي لو تنزل من سياراتهم وتركب ياباني أو أمريكي أو كوري لتقول آآآآآآآآآآخ يالألماني

أنا ما أدري كيف الألمان يصنعون ( السواقة ) بسياراتهم ؟؟؟؟؟؟؟؟

يا أخي سواقة سياراتهم لها وضع خاص جداً ,,,,, رهيييييييييييييييييييييييييب . . . .


up 18 down 18
خارج الوسط الرياضي 89
قبل 3 سنه و 7 شهر



كلامك سليم 100%
هذه السيارات مصنوعة لطبقة معينة من الناس تقدر عليها
مالك ولها
على كلام سكوتي مصنعة للقطط السمينة ههههه

لايفوتكم الفيديو مهم جدا لمن عنده نية شراء سيارة فارهة
..https://www.youtube.com/watch?v=1_seA5yaQ1M.



up 2 down 0
fsam 252
قبل 3 سنه و 7 شهر



https://www.youtube.com/watch?v=1_seA5yaQ1M


up 0 down 0
fsam 252
قبل 3 سنه و 7 شهر



معروف السيارات الفخمة أول مالك يستمتع فيها وتكون تحت الضمان والصيانة المجانية حتى صاحبها مايروح الوكالة يجي مندوب وياخذها. ثاني مالك يشتريها بنص القيمة وتكون نص عمر وتمشي كم سنة, ثالث مالك هو الضحية اللي ماعنده فلوس ويحب الفشخرة والمظااهر السيارة تبدأ تطلب قطع استهلاكية وغير استهلاكية والخرابات ما يصلحوها الورش و لو باعها ما عاد تجيب قيمة.


up 10 down 0
dell2012 975
قبل 3 سنه و 7 شهر



السؤال هل اللي يشتري بانوراما 2006 يقدر يسافر فيها من اليوم الثاني للجنوب والا للشرقيه معاه اهله؟
طبعا مستحيل تلاقيه متخوف من الخرابات المفاجئه
لكن لو ياخذله سيدان صغيره اصفار يقدر يسافر فيها وهو مطمن لاحراره ولاخرابات وتمشيه خمس سنين قدام اذا كان محافظ عليها



up 9 down 0
bmw z4 1428
قبل 3 سنه و 7 شهر



جشعين نعم اتفق معك بكل كلمة قلتها وركز في كلامك على آخر كلمه قلتها وكلائنا جشعين
جشع..يعني أسعار السيارات الجديدة مبالغ فيها وبقوة بعد
هذا موضوعي اللي طرحته قبل شوي في المنتدى أتمنى تشاركو فيه


up 3 down 0
واضح وصريح 56
قبل 3 سنه و 7 شهر



السياره الفخمه اذا كانت مستخدمه و لها أكثر من 5 سنوات سعرها يطيح و اللي عنده فلوس محدوده يغريه السعر يفكر ان قيمتها نفس قيمة سياره عاديه و يقول اخذ الفخمه أفضل  سياره قويه و كشخه و ما راح تطلب قطع  و لكن المفاجأه تجي عند اول خراب سعر القطع نار و ما تصلحها إلا ورش متخصصه  و طبعا الورش المتخصصه جزارين  و  يضطر يصلحها و ترهقه ماديا  و في الاخير يبيعها و تكون مدموره لأنه ما يقدر على تغيير القطع اول بأول  مثل السيارت الفخمه اللي في المعارض مكسره و حالتها حاله   آخر شي أوجه نصيحه للجميع كل واحد يمد رجوله  على قد لحافه  و سلامتكم 


up 1 down 0
افكار جديدة 662
قبل 3 سنه و 7 شهر



السياره الفخمه اذا كانت مستخدمه و لها أكثر من 5 سنوات سعرها يطيح و اللي عنده فلوس محدوده يغريه السعر يفكر ان قيمتها نفس قيمة سياره عاديه و يقول اخذ الفخمه أفضل  سياره قويه و كشخه و ما راح تطلب قطع  و لكن المفاجأه تجي عند اول خراب سعر القطع نار و ما تصلحها إلا ورش متخصصه  و طبعا الورش المتخصصه جزارين  و  يضطر يصلحها و ترهقه ماديا  و في الاخير يبيعها و تكون مدموره لأنه ما يقدر على تغيير القطع اول بأول  مثل السيارت الفخمه اللي في المعارض مكسره و حالتها حاله   آخر شي أوجه نصيحه للجميع كل واحد يمد رجوله  على قد لحافه  و سلامتكم 


up 1 down 0
افكار جديدة 662
قبل 3 سنه و 7 شهر





اركب مرسيدس  او بي ام او حتى اودي وانا راتبي 
2000الى 5000 
حتى لو راتبي 10000  ما شريته 
هذي السيارات  " ما صنعت للطبقه المتوسطة " نهائيا 


up 2 down 0
honda 2014 472
قبل 3 سنه و 7 شهر



السلام عليكم
موضوع طيب وكلام طيب
اذا تبي تكشخ بمستخدم خذلك لكزس وخل عنك الالماني
عمرها اطول وطلبها للصيانة اقل


up 2 down 1
salehhd 850
قبل 3 سنه و 7 شهر



لكزس كامري الشيوخ وياحبذا موديلات من 2007 الى 2012 الاميره ... وترى مافيه فرق بين الامريكي والسعودي

موتر كشخة . راسي . خط .راحة. وفوقه فخامة لكزس .ويقابله . جميع القطع . على حسب ميزانيتك ان بغيت تقول قطع كامري فهي تركب
وان بغيت تقول قطع اوريون فهي تركب . وانبغيت افالون . كلها نفس القطع


up 2 down 0
صاحب سموه 533
قبل 3 سنه و 7 شهر