ماء الرديتر - هل يتغير بشكل دوري ولا ما يحتاج

سؤال جميل في انتظار الاخوان يفيدونا فيه ؟؟

غيره مافيها شي ومنت خسران شي وماتكلف شي وشوف بلف الحراره اهم شي لانه كان عندي قافل وسبب تخبيط المكينه النترا 2012 يعني شغله ماهي مكلفه كثير

تغيير لا ما يحتاج اذا كان ماء اصلي
الافضل تتفقدة كل اسبوع و تشوف اذا ناقص او فيه ترسبات
اذا فيه ترسبات و لونه ابيض او بني لازم تغييره و اذا ناقص تزوده
غير كذا مافي داعي

بالتأكيد يفقد خواصه الكيميائية ، لأن فيه مادة إيثيلين جليكول ، ولكن الأهم إنك تراقبه لا ينقص وإذا نقص قم بزيادته ماء مخلوط جاهز من الوكالة وإن لم تجد يناسب الماء المقطر ولكن المخلوط بإيثيلين جليكول أفضل

عندي في الكاتلوج مكتوب اول تغير على 120 الف وبعدها كل 40 الف. سائل التبريد فيه مواد كيميائية تنتهي صلاحيتها بعد مدة من الاستخدام.

علمياً جميع السوائل  الي في السياره لها تغيير  هذا ماقالوه المصنعين  بس طريقة جدولتها مادري  حتى فيه جهاز خاص لتغيير ماء الاديتر والسيارة شغاله  
تصدق حتى زيت الفرامل له تغيير  

انوسي كلامه صحيح واضيف عليه يوجد ماء رديتر من شركة متخصصة اسمه بريستون مخلوط وجاهز بشكل مسبق واللي يميزه صلاحيته طويلة توصل الى ٢٥٠ الف بدون يفقد خواصه ماعليك الا التشييك بين فترة وفترة اذا فيه نقص تعبيه وانصحكم بالابتعاد عن الماء العادي حتى لو هو صحة لانه يحتوي على املاح تسبب مشاكل على المدى البعيد في دورة الرديتر بإستثناء الماء المقطر

سائل التبريد الاصلي يمشي الى 200 الف كيلو متر اول تغييرة وبعض السيارات 150 وبعضها 120 حسب تعليمات الجدول

مافيه اقل من كذا ابدا

يحتاج تغيير كل ١٠٠٠٠٠ وزيت الفرامل وتنظيف البوابة وصفاية البنزين وزيت الدركسون اذا موجود علبه وزيت القير والبواجي بس احسن حل انك تقسمها عشان لاتضغط على نفسك وتوفر يعني ٨٠٠٠٠ تغير زيت القير وصفايه البنزين و١٠٠٠٠٠ تغير موية الرديتر وتنظف البوابة اما البواجي اذا تمام غيرها ف ١٢٠٠٠٠ 
وطبعا في ناس يقلك ماتحتاج لكن اذا انت من النوع المحافظ وتبا السيارة تخدمك على المدى البعيد وهذي وجهه نظري ومن تجربة حبيت افيدك 
ودمتمممممم

اذا كان الماء اصلي لاتغيرة وراقب مستواة فقط لايكون ناقص والله عندي كامري 2002 ماشية حاليا 910 الف وماغيرت الماء الابعد مامشت فوق 600 الف بسبب تغيير طرمبة الماء وغيرت لها ماء تويوتا الاصلي ولاتزال تخدم وكل نهاية اسبوع من المدينة للقصيم

شوف القربه الصغيره

في خطين

تفقدها كل فتره اذا الماء بين الخطين ممتاز

اذا قرب ينزل عن الخط الي تحت

خذلك مويه مقطره ب 3 ريال

لا تعبي القربه للاخير ......... انتبه

اذا بتزود عبيها للخط الي فوق كحد اقصاء

يعني بالعربي المويه لا تطلع فوق الخط الي فوق

ولا تخليها تنزل عن الخط الي تحت


ويفضل اذا سيارتك جديده تضيف مويه مقطره

ولا تفكر تحط مويه عاديه


والي يعبي القربه فل غلطان لان المويه تتحرك مره تزيد ومره تنقص في القربه على حسب احتياج المكينه