أضف سؤال أو موضوع جديد          

معاناة مواطن في إستخرآج رخصه قيآدهـ

up 8 down 4
abuali2012 185
قبل 6 سنه و 6 شهر



السلام عليكم ورحمة الله وبركآته ,  

الحمد لله ربي يسرها على وسددت المُخالفات والبآلغ عددها 17 الف ريآل .. 
طبعا حاولنا بالتخفيض يمين ويسار ولا فيه امل , والمخالفات مافيها ولا ساهر كلها عدم حمل رخصه .. 

المهم بعد التسديد طاير من الفرحه
 ووضعت امام نآظري رخصة القيادهـ << وصف متعوب عليه

صحيت الساعه 6 ونص صباح يوم الثلاثاء وتوجهت لادارة الرخص بمحافظة الاحساء 
وطبعا اخذت وصفها من احد الزملاء بالعمل لاني ماني من المنطقه وإنما ساكن جديد فيها 

المهم طلعت من البيت وتوجهت للمرور وبعد معاناة مع زحمة الصباح وصلت والحمد لله لإدارة الرخص 

قابلت عسكري هناك قلت له ابطلع رخصه وش الاجرائات , 
قال وبكل بساطه الرخص ماعندنا .. بس اوراق رح لطريق قطر عند مدرسة التعليم هناك @_@

المشكله مكانها قريب من البيت الي ساكن فيه ولكن بعيده جدا عن المكان الي فيه <<  الي هو ادارة الرخص
الي فهم شي يعلمني هههههه


المهم بعد ماوصلت قال جيب صور وجيب بطاقه وخذ هـ الورقه ورح اكشف نظر في مستشفى الملك فهد !! 
معقول مدرسة تعليم واصدار الرخص مافيها غرفة كشف نظر ؟ قال عندك اعتراض احتفظ فيه لنفسك 
تبي الرخصه رح للمستشفى اكشف وتعال 

والمستشفى بعيييييييد جدا 
ورحت وبعد معاناه مع الزحمه والبحث عن موقف دخلت للمستشفى للإستقبال وعطيته الورقه وقال رح للجنه الطبيه 
ومكانها بالمكان الفلاني 
ياهوووووووووووووو 

المهم رحت وكشفت نظر بعد انتظار ساعه ونص 
ورجعت لمدرسة القياده 
ودخلت ادرس الاشارات المروريه , وخلصت وارسلوني للميدان وهنا المفآجأهـ 


الي يعلمك ع القياده بنقآلي !! ياهووووووووووو ياعاااااااااااالم كيف كذا 
المهم ركبت معه وخذت لفه وقال رح للعسكري 
جيت للعسكري وقال تعال بكره خلاص مافي مجال اليوم والكلام هذا الساعه 11 صباحا 

قلت له طيب دوامكم للساعه 2 ؟ 
قال زحمه 
ورفع زجاج السياره ولاعطاني وجه 
طبعا مع عوامل الجو والشمس والمرمطه زعلت من طريقة وحسيتها استفزاز لي 
وفتحت باب السياره وقلت له لو جيت عند سيارتك وكلمتك ارفع الزجاج لكن سيارة الدوله انت مجبور تسمع لي 
ناظر فين يوقال خلاص خلصت ؟ 
قلت اي خلصت واذا انت عسكري ترى كلنا عسكر 
قال ولو عسكري تبيني اخليك تختبر قبل الناس كلهم ؟ 
قلت مو كذا بس المفروض تكون اكثر احترام لمن تتكلم معي , 
قال تعال الصبح ويصير خير 
حسيته يهدد ههههههههههههههه

المهم ادري ان الموضوع مدري وش يبغا لكن بعد قصتي الصغيره عندي كم سؤال : 

1- هل من المعقول مايكون فيه اختبار نظر بنفس مدرسة التعليم ؟
2- معقول مافي سعوديين يحطونهم مكان البنقاله في تعليم القياده ؟ 
3- عمري 30 سنه واسوق من زماااااان ومستعد اختر بسرعه بس ليه الروتين الي يعرف يسوق والي مايعرف ييسوق يمر فيه ؟

--- --- --- --- ---

شكرا ليكم ض1







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


طيب بس عطني لايك
ليش تعمل ديسلايك؟


up 0 down 0
khalil99ss 159
قبل 2 سنه و 6 شهر



انا عندي رخصة عمومي خفيف ’ طلعتها ب اسبوعين ’ والحمد لله اختبار الكبيوتر ’ نجحت فيه من اول مره #
وستلمتها


up 0 down 0
القحطاني 5000 -2
قبل 2 سنه و 6 شهر