أضف سؤال أو موضوع جديد          

أمور تقهرك في موقع حراج

up 26 down 6
sjanzeir 283
قبل 5 سنه و 3 شهر



السلام عليكم،

يا إخوان رغم أننا نحن العرب والمسلمين نتسم بالطيبة والصدق إجمالاً (مع استثناءات كثيرة ويا للأسف) إلا أننا ومع شديد الأسف نفتقر إلى الرقي في التعامل والأسلوب الحسن والإحساس بقيمة وقتنا ووقت الآخرين. والأمثلة على هذا كثيرة هنا في موقع حراج:

- تكون كاتب في الإعلان "الرجاء التواصل عبر واتساب/تيليغرام/الرسائل..." وييجي أخونا في الله يتصل عليك الساعة ٢:١٠ في الليل وللى قبل العصر بخمس دقائق! يعني إما غبي أو ما عنده ذوق أو مش متربي! مع احترامي الشديد طبعاً!
- تكون كاتب "السعر كذا نقداً وغير قابل للتفاوض" ييجي حبيبنا يبعث لك رسالة "كم حدك للصامل؟؟ أبغاها للعمل/للمقاضي/للسواق/للولد" تستهبل انت؟؟! يعني أنا مالي ومال أهلك أنت ليش تبغاها؟ إن شاء الله تقصها نصين وتعلقها ديكور في الحوش أو تسويها خم دجاج! يعني لو قلت لي "والله محتاجها لكذا" رح أشفق عليك وأعطيها لك ببلاش مثلاً؟؟!
- (شكراً للعضو "معالم التقنية" على التذكير بهذه النقطة) تكون كاتب "البيع كاش" ييجيك أبو الشباب يقول لك "تبيع أقساط ولك كل الضمانات؟" انت... كيف حالك اليوم؟
- تكون ذاكر عيوب السلعة المعروضة بالكامل ويجيك واحد يرسل لك رسالة يقول لك "والله شوف، إيش فيها عيوب؟ بأمانة يعني؟" يعني شايفني كاتب العيوب من غير أمانة مثلاً؟؟ ولو قلت لي "بأمانة" رح أطلع عيوب زيادة عن ما ذكرت مثلاً؟؟! للمرة الثانية: تستهبل انت؟؟!
- تكون كاتب إعلان طويل عريض وبالتفصيل الممل ويجيك واحد يتصل عليك ويقول لك "كم الممشى؟" (وهو مذكور قدامه وباين في صورة الطبلون)! ولما تقول له "أخي الكريم كل شيء واضح في الإعلان" يزعل ويقول لك "ياخي ما فضيت أقراه"! يعني مشغول حضرتك في مصانعك وشركاتك وصفقاتك وأنا اللي فاضي أقعد أقرأ لك النشيد لحضرة جنابك؟؟ روح يخوي إقرأ الإعلان وبلاش استهبال!
- يجيك واحد في الردود يكتب "بعد إذن صاحب الإعلان عندي نفس السلعة/حاجة كذا وكذا للبيع" طيب أولاً أنا صاحب الإعلان ما أعطيتك إذن (يعني انت قليل حياء) وثانياً روح حط إعلانك يخوي ليش جاي توطوط عندي؟ (يعني انت واحد هامل).
- تكون كاتب "البيع نقداً ولا أقبل البدل" يجيك واحد يقول لك "تبدل على خرفان حريات؟"

هذا مع الأسف الشديد غيض من فيض الممارسات الخاطئة وغير اللائقة التي يواجهها المرء ليس في موقع حراج فحسب، بل و في الحياة العامة أيضاً. فما رأيكم، دام فضلكم؟ ما هي الممارسات التي تروها غير لائقة ومضيعة للوقت، وكيف نرتقي؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فعلا والامر تقول له تواصل واتس يقول شمعني واتس
ويجي مدربل راسه يدق في اي وقت لا يراعي وقت نوم ولا صلاة


up 0 down 1
الشرقية ماركت 151
قبل 5 سنه و 3 شهر



أو خذوا هاي الحالات صرت أشوفها كثير في الموقع: اللي يسوم أقل من اللي قبله ويقلك هذا اللي عندي. مثال:

المعلن: السلام عليكم... للبيع سيارة كذا موديل مواصفات ممشى كذا كذا كذا فيها كذا ومحتاجة 1-2-3 والبيع على السوم.

تيجيك عاد الردود

رد 1: 7 آلاف وصامل
رد 2: 8
رد 3: تسعة وآجيك لعندك
رد 4: 10 والنقل علي...

وبعدين يجيك أخونا في الله العضو المدعو فاصل_24_7_365: 6 آلاف

المعلن: يخوي قدامك السوم واصل عشرة آلاف!!!

فاصل_24_7_365: هذا اللي عندي والله

طيب أيش تسوي في أهله هذا؟ ما دام شفت السومات تعدت قدرتك ليش تسوم أصلاً؟ ربنا مقسم الأرزاق وقسم لك رزقة معينة ليش ما تشوف حاجة ثانية على قدك بدل ما تبخس الناس؟؟؟

وهلم جراً...


up 0 down 0
sjanzeir 283
قبل 4 سنه و 7 شهر