الكفرات المرقعة اعزكم الله

شوف انا يابعدي
قبل ماغير الكفرات بتويو
كنت مركب كفرات هانكوك جنط 16
ورقعت اثنين بعد استخدام 6 شهور
ومسكت خط لجيزان 500 رايح و500 جاي
وجدة ومكه اكثر من 5 مرات الباحه جدة الباحه مكه
واستخدمتها وهي مرقعه حتى انتهت
ولعلمك الرقعه من برا ابو 10 ريال
ولا واجهت اي مشكلة

علمها عند الله سبحانه يمكن تمشيك ويمكن لا لكن لو تقدر خذ كفرات صينية موديل السنة رخيصة وتخدم اقل شي سنة غيرت طقم كامل مقاس ١٦ لسيارتي اوبتيما ب ٦٠٠ ريال جديدة سنة ٢٠١٦ 

حط الاسبير مكان الكفر اللي ينقص
وكل ماوقفت تعبي بنزين شيك علي ضغط الكفرات للاحتياط خاصه اذا كنت مسافر وقت الظهر

اذا الكفر حالته جيده ان شاء الله تقدر انا سافرت كثير وعندي كفر برقعه خارجيه
+1 لايك لكل مشارك

لا تسرع و امش بعد العصر و توقف كل ساعتين و شيك

الاريح لو تركب كفرين اجدد لو من الرخيص بس تاريخ جديد

شيك على بلف الهوا خليه يفحص الابرة الداخلية لانه الرقعة لو تم تركيبها بطريقة صحيح يستحيل تنسم
وامشي على مهلك بالذات في النهار لانه الجو حاااار

والله اذا في امكانه عالاقل غير واحد الي مرقوع 70
و اذا شكل الكفرات ماهي ممسوحه يعني مثل الجديد ان شاءالله مافي خوف صديق ههه المهم انا سافرت 600 كيلو على كفرات مرقعه ترقيق خارجي لاكن الكفرات نظيفه ويوم جيت ثاني يوم تقطع مع اخوي بالبلد حضي زين ..
درب السلامه ..

صباح الخير 
يا حبيبي لا تخاطر بنفسك وباللي معك 
روح غير الكفرين ولا غير الطقم كله نوعيه كويسه
واقرا دعاء السفر 
وتوكل علئ الله 
والكفرات القديمه خلها في المخزن احتياط لو تحب 

انا عن تجربه سويت لكفر سيارتي هانكوك كوري اصلي رقعه الماني تيجي من الداخل وكنت اسافر للاردن رايح جاي والامور تمام

نوعية الكفر تلعب دور كبير ايضا

رقعه ابو 5 افضل لاتنقص هوا ولا شي اما اللي يقول ابو 70 ولا 50 كلام فاضي يااخوي
رقع ابو 5 ريال افضل

و سفر 1500 كيلو لازم يكون كفراتك جديدة ماتدري ايش يصير في الخط

حاول تركب كفرين جديد هانكوك كوري ممتازة جدا

إذا الكفررااات نظيفه الرقعه مامنها خوووف 

ياما ضربنا خطوط بكفرات مرقعه رقعة بخمسه ريااال

الله يعطيكم العافيه
ردودكم تختلف عن بعض 
قررت اني اركب واحد جديد هنكوك والثاني ببدله بالاسبير

انتبه ﻻ تركب الاسبير
دائما يكون تاريخه قديم
وثاني شئ له سرعه محدد لو تسرع يمكن ينفجر

كانت على سياتي برجستون صيني حق الوكاله اكل مسامير بالهبل 
كل الكفرات كانت مرقعة من ابو 10 ريال عند البنشري 
وامسك فيها الخط على 120- 140  الى لمن تسلخت من الداخل 
التنسيم حسب الرقعة يمكن ما زبطها العامل 
الانواع الي ذكرتها غاليه وما اعرفها 
او ان اكفر فيه اكثر من مسمار 

غيرت ميشلان جديد اسبوع والقط مسمار  .. رقعته ب 10 وما شي الحال الى الان 

حبيبي افضل رقعة الالماني ام 30 ريال والله مجربها وماشي فوق الميتين اكثر من مرة ومسافات طويلة غالبا ببحر ال180 والحمد لله من دخلت السوق وعرفتها انا من سنتين اغير الكفر للتقادم وهي ماتغيرت
فأنضح اي شخص يركبها بشرط يتأكد ألماني فيه نوع هندي أعتقد ماعمري جربته
هذا وأبريء ذمتي منكم وكلن حر بقرارة
نصيحتي شيك بلف الهواء للكفر اللي ينقص يمكن مسمار البلف وغير الرقعة القديمة بداخلي الماني

هل تعلم ان الفحص الدوري لو شاف ادنى رقعه بالكفر سقطها ؟؟؟ 


الرقعه هذي وضعت لان تمشيك الى اقرب فرصة تغير بها كفر سليم 

لاتنفع ابداً بالسفر والسرعات العالية او الجهنم الي حنا فيه 

لا حول ولا قوة إلا بالله العلي العظيم يا إخوان لا يجوز الاستهزاء بالأجواء والحر لكن يشرع لنا أن نستعيذ بالله من حر جهنم ولا يجوز أن نقول جهنم اللي حنا فيه