أضف سؤال أو موضوع جديد          

ثقافة المكسب .. وثقافة الخسارة

up 6 down 3
ابو هيثم 7 2253
قبل 4 سنه و 7 شهر



السلام عليكم ورحمه الله


ببدأ بالموضوع علطول

بعض الناس يشتريله سيارة جديده اصفار بمبلغ معين وبعد سنتين ثلاث يضطر يبيعها .. لكن يزعل انها ماجابت له الا نص السعر او اقل بشوي

طيب افرض انك متعذب طوال هالثلاث سنين واخذ سيارة باجار يومي (( وليس اجار منتهي بالتمليك )) بالله بعد كل هالسنين كم بتطلع عليك التكلفه ؟

حاليا ارخص محلات التأجير لموديل السنه هي الاكسنت اليومي ب 75 ريال والشهري ب 2250 والسنوي يطلع عليك ب 27 الف ..

تعال اضربها بفترة استخدامك تطلع 81 الف .. يعني راعي مكتب التأجير طلع سعرها مرتين او اكثر من ورى ظهرك وظهور المستأجرين خلال 3 سنوات .. فما بالك لو جلست اكثر من كذا

نجي للجانب الاخر .. انت اخذت نفس السيارة (( الاكسنت )) قبل 3 سنوات ب 40 الف كاش .. واليوم جيت تبيعها يالله جابت لك 20 الف ؟ صحيح النفس البشرية طماعه وودك لو انها جابت 25 او 30 الف ؟ لكن ايهم افضل تسترد نص القيمه والا تدفع دبل سعرها لمكتب التأجير ولايرجع لك منها ريال واحد ؟؟؟

ولو تفكر فيها بتقول منهو الصاحي اللي بيدفع 2250 شهريا لمده 3 سنوات على اجار اكسنت ؟؟؟ ممكن اسبوع او شهر بالكثير ويرجعها للمكتب .. لان نفس المبلغ يقدر يدفعه بقسط ازيرا او جنيسس اجار منتهي بالتمليك

لكن بإمكانك تقيس هالمبدأ على جميع المواتر .. وانا عطيتك الاكسنت كمثال تقريبي .. الجنيسس وغيرها كم بيكون اجارها الشهري على الاقل وكم سعرها الحين واذا جيت تبيعها بعد 3 سنين ؟؟؟ وعليك الحساب

خلاصه الكلام / مافيه موتر يمسك سعره الا نادررر .. وسالفه انك تبيع الموتر بنص قيمه الشراء (( او اقل )) بعد 3 سنوات من الاستخدام والكرف اشوفها امر طبيعي من وجهة نظري







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المشكله مافي شئ اسمه موتر يمسك سعره مدري من وين جايبينها
مثااااال
لو شريت سياره من شركه فلانيه بمبلغ 100الف
وبعتها بمبلغ 60الف
واحد ثاني شراء سياره من شركه العلانيه 80الف
وباعها بمبلغ 40الف
على طول تجيك الناس الناس الشركه الفلانيه يمسك سعره ومدري ايش
ويجون يبررون انه باعها اكثر من السياره العلانيه دليل ان سعرها يمسك
طييييييييييييييييييييييييييييييييييييييييب
انتم مافكرتو بكم شراها على وقتها وكم خسر
بالاخير ماراح تلقى فرق بينهم كلهم نفس الخساره بين الشركه الفلانيه والعلانيه


up 6 down 2
d7ooom777 389
قبل 4 سنه و 7 شهر



الفرق 10الاف فقط
ويمكن اقل مقابل المواصفات


up 1 down 2
d7ooom777 389
قبل 4 سنه و 7 شهر



شغل الشيبان "شيك بالجيب"
خلانا نسحب على سيارات خدومة و جميلة عشانها ماتمسك سعرها
بس الحين الشركة اللي انتم خابرينها ما عاد فيها جودة تايوانية واسترالية بجدارة

اذا تبغى تشتري سيارة اشتر سيارة قطع غيارها متوفرة فغير تويوتا عندك هيونداي و كيا
وفوق هذا اذا جيت تبي تستخدم شيل فكرة "شيك بالجيب" و خذ اللي يحبه قلبك في النهاية
انت تبي سيارة من اختيارك وماعليك من احد فقط قطع الغيار يبغالك تحطها فالحسبان




up 4 down 1
بن عبدالحق- 87
قبل 4 سنه و 7 شهر



نسيت اذكر شئ كلمة تمسك سعرها تقال لسياره عمرها عشر سنوات او اكثر
مثاااااااااااااااال
شريت سياره اسمها.. أ.. ههههه بمبلغ 100 الف وفئتها من فئة الكامري والسوناتا...الخ
وشريت سياره ثانيه اسمها ..ب.. بمبلغ 120الف من فئة الازيرا والافلون...الخ
تجي تبيعهم كلهم بعد استخدام عشر سنوات او اكثر اقيامهن ماراح تجيب 30الف
هنا نقول ام 100الف هي الي مسك سعرها

0000باختصار كلمة تمسك سعرها تقال بعد عشار سنوات او اقل شوي او اكثر فققققط0000

وفي حالات استثنائيه في بعض السيارات الي تطيح قيمتها بقوه بالغالب هي الي يكون مالها
شعبيه وبعض المرات يكون لها شعبيه مثل الكوابرس

باختصار السيارات الي لها شعبيه بالغالب مايكون منها خوف


up 1 down 0
d7ooom777 389
قبل 4 سنه و 7 شهر



فضل السماحة في البيع والشراء
عن جابر رضى الله عنه رسول الله صلى الله علية وسلم قال:((رحم الله رجلا سمحا إذا باع وإذا اشترى وإذا اقتضى )) رواه البخاري.
(إذا باع وإذا اشترى وإذا اقتضى) أي طلب قضاء حقه بسهولة والمراد بالسماحة ترك المضاجرة ونحوهما لا المماكسة في ذلك .
وعن أبي قتادة رضى الله عنه قال : سمعت رسول الله صلى الله علية وسلم يقول : (( من سره أن ينجيه الله من كرب يوم القيامة فلينفس عن معسر أو يضع عنه )) رواه مسلم.
(وعن أبي قتادة رضى الله عنه قال : سمعت رسول الله صلى الله علية وسلم يقول من سره) أي أفرحه 
(أن ينجيه الله) أي يجعله ذا نجاه 
(من كرب) وهي غم يأخذ بالنفس لشدته .عن معسر) أي ليؤخر مطالبة الدين عن المدين المعسر , وقيل معناه يفرج عنه 
(أو يضع عنه) أي يحط عنه وهذا مقتبس من قوله تعالي 
وَإِن كَانَ ذُو عُسْرَةٍ فَنَظِرَةٌ إِلَى مَيْسَرَةٍ وَأَن تَصَدَّقُواْ خَيْرٌ لَّكُمْ 
وعن ابي هريرة رضى الله عنه قال : قال رسول الله صلى الله علية وسلم :(( كان رجل يداين الناس , وكان يقول لفتاه : إذا أتيت معسرا فتجاوز عنه ، لعل الله أن يتجاوز عنا , فلقي الله فتجاوز عنه )) متفق عليه.
(وعن ابي هريرة رضى الله عنه قال : قال رسول الله صلى الله علية وسلم :كان رجل) أي ممن قبلكم 
(وكان يقول لفتاه : إذا أتيت معسرا) أي لمطالبة ما عنده 
(فتجاوز عنه) يدخل في التجاوز الإنذار والوضيعة وحسن التقاضي 
(لعل الله أن يتجاوز عنا) فيكون الجزاء من جنس العمل 
(فلقي الله) كناية عن الموت أو لقيه بعده 
(فتجاوز) أي عفا .
وعن ابن هريرة رضى الله عنه قال : قال رسول الله صلى الله علية وسلم:(( من أنظر معسرا أو وضع له أظله الله يوم القيامة تحت ظل العرش يوم لا ظل إلا ظله )) رواه الترمذي وقال : حديث حسن صحيح.
(وعن ابي هريرة رضى الله عنه قال : قال رسول الله صلى الله علية وسلم:من أنظر معسرا) أي أخر مطالبته 
(أو وضع) أي حط 
(له) أي لأجله أو عنه 
(أظله الله) من حر الشمس التي تدنو من العباد قدر ميل 
(الله يوم القيامة تحت ظل العرش يوم لا ظل إلا ظله) ففيه غاية التشريف وقد تقدم عدة من يظلهم الله تحت ظله وأنها تسعة وثمانون خصلة .


up 2 down 0
مثقف سيارات 1126
قبل 4 سنه و 7 شهر



وين ذي الاكسنت اللي يوميتها 75 ريال !!!!! و 2016 بعد ؟؟

اتحدى تحصلها اقل من 100 ريال الا اذا خويك 


up 4 down 0
rraammooss 965
قبل 4 سنه و 7 شهر



محد يدرس ويحسب الامور هذي قبل كل شي
وبعد مايكرف السياره يبيها تجيب قيمه فوق النص!!



up 1 down 0
شويخ من أرض مكناس 2823
قبل 4 سنه و 7 شهر



الشركه المعروفه الي يقولون عنها شيك بالجيب يشترونها بسعر غالي ويبيعونها وتجيب لهم مبلغ حلو قالو تمسك سعر وفيه شركات ثانيه تشتريها بسعر رخيص وتجيب لك مبلغ قليل قالو ماتمسك سعر الدعوه نسبه وتناسب


up 1 down 1
كارينو 572
قبل 4 سنه و 7 شهر



بالنسبه انا اشتري عشان استخدم ماافكر انها تجيب لي سعر بعدين


up 1 down 1
كارينو 572
قبل 4 سنه و 7 شهر



نسيت شي اسمه صيانه 
عموما قل شرا الاكسنت ب40
وباعها ب 20 بعد ثلاث سنين
وخمسه الاف صيانه 
خسارة 25 الف افضل من خساره 60 الف وفوق


up 2 down 0
mm88zz 85
قبل 4 سنه و 7 شهر



نسيت شي اسمه صيانه 
عموما قل شرا الاكسنت ب40
وباعها ب 20 بعد ثلاث سنين
وخمسه الاف صيانه 
خسارة 25 الف افضل من خساره 60 الف وفوق


up 1 down 0
mm88zz 85
قبل 4 سنه و 7 شهر



الاكسنت ايجارها الشهري 2400 اليوم ب 80


up 0 down 0
ommar7725 204
قبل 4 سنه و 7 شهر



عزيزي تختلف الحسبة اليومية و بالشهر 

مثل لما تشتري سلعة بالجملة او بالقطعة


up 0 down 0
rraammooss 965
قبل 4 سنه و 7 شهر



خير الكلام ماقل ودل

انت ضربت المثال على الاكسنت وسعرها رخيص وخسارتها مقبولة لكن تعال خل نتكلم عن الجينسس او اللكزس او الجمس كمثال كم تشتريه وكم تبيعه !! يعني فيه سيارات نصف قيمتها ٦٠ او ٧٠ الف اشوفها كثيرة جدا وانت تعرف عامة الشعب تشتري بقروض وليس من حر ماله.

ومن الغلط انك تقيسها على الاجار لأنك ممكن تفطر في فندق ب ٢٠٠ ريال بوفيه مفتوح وممكن تفطر ب ١٥ ريال نفس الفطور تقريبا.


up 0 down 0
دكتوراه في الحب 164
قبل 4 سنه و 7 شهر



جيب اللكزس بالمعارض ماشي حدود 5 واغلى من الجديد
سألت ليه قال باسم شيخ قبيلة الفلانية

والطقعه فيه .. عشانه باسمه ادفع زود عن الجديد ؟ ههههههههه


up 4 down 1
YASSER505 4173
قبل 4 سنه و 7 شهر



اخوي rraammooss + ommar7725

الظاهر اني كتبت بنص الموضوع ان الاكسنت (( مثال تقريبي )) .. اجل على كذا بيجي واحد ثالث ويقول كلكم ماعندكم سالفه انا حصلت الاكسنت اجارها الشهري ب 3000 ؟؟؟ واذا تحققت من الموضوع لقيت ان مكتب التأجير هذا بديرة بعيدة ومافيه غيره بالمكان ولو بغيت السعر اللي براسك الله لايهينك دق سلف 150 كيلو للمدينه المجاورة


اخوي دكتوراه في الحب فاهم عليك فيه سيارات غالية وخسارتها تكسر الظهر .. لكن من بغى الدح ماقال اح

وبعدين خلينا نتكلم عن سعر الكاش افضل .. مالي دخل بواحد توه متوظف وراتبه 6 الاف ومطلع جينسس وبعد شهرين عارضها للتنازل ويقول ابي لو نص الدفعه الاولى



up 0 down 0
ابو هيثم 7 2253
قبل 4 سنه و 7 شهر



انا عندي تعليق بسيط على موضوع الإيجار اليومي الا شخص منحد عليه لفترة بسيطة الى ان يشتري سيارة سواءا كاش اة ايجار منتهي بالتمليك وبعضهم يشوف الإيجار المنتهي بالتمليك كثيرة عليه 4 سنوات ويمكن 5 يقول ماني عارف ظروفي ايش بصير او بمل من السيارة


up 0 down 0
dawwy 266
قبل 4 سنه و 7 شهر



الايجار سواء المنتهي بالتمليك او الايجار العادي كلهم خساير على الفاضي
والشخص اللي يشتري ويبيع مثلهم
لو كل واحد يشتري السياره اللي على قد راتبه وعائلته واحتياجه كان افتكينا من الشركات اللي تنهب جيوبنا ومااحد احتد على الدين بالنهايه في الرياض والمدن اتكلم السياره الفخمه والرخيصه كلها بالشارع سواء وصارت مألوفه ولاتتوقع احد بيتودد لك عشان سيارتك بالعكس ياكثر الحساد وياكثر اللي يلحم فيك والا يتعمد صدمك لاجل مافتحت له المسار داري انك بتموت قهر وهو كسره راس مالها بطاقة التامين ..


up 0 down 0
khaled3224 285
قبل 4 سنه و 7 شهر



كلامك صحيح ابوهيثم اضف الى ذلك بعض السيارات حتى لونزلت السعر تنزل بالمعقول وبعضها تنزل ٥٠ ٪ او ٨٠ ٪ من قيمة شراء السيارة مثل السيارات الفخمة او الرياضية وغيرها .. وان كنا نتفق ان جنيع انواع سيارات بدون استثناء لاتمسك السعر. وتقبل تحياتي


up 0 down 0
huzaifa35 45
قبل 4 سنه و شهر