ماهو افضل حل عشين يفتح لي الخط بالطرق السريعه

يا الاش،

أبو نايف وأنا وغيري عارفين إيش ناوي تقول: ناوي تقول إنه السيارات الحديثة والطرق الحديثة تتيح مجال لسرعات أعلى من ١٢٠ كيلومتر في الساعة، وإنه تحديد السرعة بدأ في اميركا ايام أول أزمة للطاقة في السبعينات، "وهيا شوفوا ألمانيا ما فيها تحديد للسرعة!" (وهذا الكلام غير صحيح ومعظم الناس فاهمين موضوع الأوتوبان غلط) وإنهةإذا صدمت غزال على سرعة ١٦٠ يطير من فوقك ويحط وراك بدل ما ينزل على السقف... هذا الكلام كله عارفينه وكله كلام نظري مكانه مراكز الأبحاث وحلبات الاختبار.

لكن الزبدة إنه عندك مليارات من السائقين في العالم مستوياتهم متفاوتة من حيث الخبرة والكفاءة والمهارة والمقدرة، وإذا واحد عنده بنتلي تمشي ٢٨٠ كيلومتر في الساعة ففي قباله عشرين معاهم صني أقصى سرعة لها ١٦٠ وبالحيل. "ظروف الطريق" و"أداء المركبة" كلها أمور معيارية فقط وليست حقيقية، وكلها تصب في خانة وحدة فقط: "ظروف السائق"! لو بدك تناقش بالفيديو والوثائق والصور والدراسات "من قبل المصنعين" (اللي همة المروجين لمنتجاتهم) فأنا وغير نناقشك بمعطيات الواقع. أنا وأعوذ بالله من كلمة أنا صرت قاطع مليون كيلومتر على طرق المملكة وأقول لك وبكل أمانة ١٢٠ كيلومتر في الساعة هي السقف الآمن.

غير صحيح . المصنعين  هم شركات  كبراء  تملك افضل المهندسين والخبراء  وكذالك تملكها الحكومات   وتمول العالم كله  وتتبع منضمات  وهيئات  وتملك اكاديميات  وبالأخير  تدخل مع الحكومات  بشد وجذب  وتخالف والقوانين المدنيه العالميه  لسلامه ويكون همها فقط الربح  وتحصيل الاموال   ويظربون  تعاليم  ودراسات حكوماتهم بعرض الحائط ليبالون بأرواح الناس  ولاهمهم لاواقع ولا قانون  والحكومة قاعدة تتفرج مهي قادره تسوي شي  
الوضع ليس كما تظن   وأنا ماقصد الحكومة السعوديه  اقصد  امريكا  وألمانيا واليابان وفرنسا  وبريطانيا  وكوريا وغيرها من الدول  الي هم احرص منا على القانون  والأنظباط  
لماذا لاتصدر قانون تمنع تصنيع سيارة تمشي اكثر من  ١٢٠ وقصرها على سيارات الخاصه للحكومة ويصير المدنيين  معهم سيارات ماتمشي اكثر من ١٢٠؟؟؟؟؟؟؟؟  
ولاكن مسئلة ١٢٠ هي  مسئلة ناتجه من حكم منظمه مشكلة من الكليات والجامعات  للبت بالقضيه التي اطرافها الجمهور والمنظمين والمصنعين  التي ضلت اكثر  من عقدين من الزمن   وكان حكمهم  فزيائي مكانيكي  بحت لاينطبق  على السيارات فقط  بل الاشياء كلها  وقالو معيار فقط  والمهندسين من قبل مصنعي السيارات  ومهندسي الطرق  والمهندسين المنظميين  هم  الذي يحددون  معايير السلامه وفق المعيار الاساسي  للمنظمه  ومن خلالها انشئت منظمه اخراء لتحديد السلامه  من المصنعيين والمنضميين   للبت بأمور اكثر تفصيلاً وتحديداً  ومجدوله  بالكامل   بالملي  
سبق انا اطلعت عليه  لكل شي  محدد وفق دراساتهم وانا أؤمن  أيمان كامل بكل ماجاء به  وللمعلوميه دراساتهم كانت على سيارات من السبعينيات   ولا اتفق  عليه الى بالتسعينيات   وفيه لجنه محامين مهندسين لزالو يناضلون  ضدها  بحكم انها قوانين غامضه  ضد الشعب  واخرها عام ٢٠٠١
 بعدها عرفت ليه بعض الطرق  ( بأمريكا) محدده ١٤٠  وهم خابرين انه التحديد ١٢٠
وكذالك بعض الطرق في ( المانياء)  وبعض الدول بأورباء  وهم الي محددين لنا ١٢٠  
 وهذا غير بعض الطرق  باليل لها سرعه  وبالنهار لها سرعه  وفي بعض الاوقات  ترفع الى ٨٥ بالميل  فيها السرعه 
بأمريكا 
وكل شي محسوب حسابه الطريق وعرضه وحواجزة  وكثافته  واتجاهه صوب شروق الشمس  او الغيوب.  تضاريس المنطقه  والحيوانات التي تعيش بالمنطقه  والمناخ والطقس   وكل شي محسوب بأجزاء الثانيه  
لأن فيه علم يمشون عليه  
لو طبق عندنا  كان طريق المدينه القصيم السريع من الصويدرة الى كبري البتراء السرعه ١٦٠   وغيرها كثير  من الطرق بالسعوديه  راح ترفع فيها السرعه  ( بس للأسف ياحقين الجنوب  ) ماعتقد عندكم طريق يتعدى ١٤٠ 
  اعتقد لو طبق  راح تقل مخالفات السرعه  وراح يطفي سوق ساهر   لأن  الناس لقو نضام يمشي معه بالمعقول   ماهو طريق  على مد النظر  ماتشوف احد لقدامك ولا وراك  ومتساوي  مافيه ولا ميلان  وحاطيلك لوحة ماتعدى ١٢٠  هل يعقل  
المهم لقيت معيار  يعتبر  آمن وسط  يقولك ١٨٧ كيلو متر بالساعه  على رؤيه ٣٠٠ متر كامل ازالة العوائق