أضف سؤال أو موضوع جديد          

عزيزي الشريطي المحترم

up 34 down 9
صاحب سموه 533
قبل 5 سنه



السلام عليكم

عزيزي الشريطي المحترم .ندري ان البيع والشراء حلال ومافيه اي شبهه تحرمة ولكن
*سالفة لمى تجي بتشتري موتر تروح تعذرب فيه وتحلف بالله كذب ؟ عشان يطيح سلعته ليه؟؟؟
*ولمى تبي تبيعه عشان تكسب . تروح تلمعه وتخفي عيوبة السابقه وتحطة أفضل سياره صنعتها اليد البشريه
*حركات بايع اخت سيارتك باقل من السومة ؟ طيب انت بايع اخت سيارتي وش تبي بسيارتي سلمك الله؟؟؟

* لمى تكتب الموتر شد بلد الا رفرف كبوت ؟ وين الشد البلد فالموضوع؟؟؟
*لمى ترش جنب كامل وتقول لكر . ليه رشيتها لكر سلمك الله ؟قل صاير حادث جنب كامل وريح بالك
*حركات نص فل الا.... كاميرا شاشه جلد فتحه قل سياحي وخلاص ماهو فل الا حاجه
*المكينة شد بلد بس تنقص . او مفكوكه عشان فحص؟ احد يفك المكينة عشان يفحص؟؟؟
* السياره مستخدم واحد بس مالكين ؟ او بسم راعيها وكالة وانت شاريه قبل يومين . او سياره صاحب سمو ملكي
او السياره مع شايب . ترى اللعن سيارتين الشايب وصاحب سمو ملكي الشايب غشيم وصاحب سمو ملكي يلعب فيها بالمواكب
*السياره ممشى قليل وهي متعدية 100الف وين الممشى قليل؟ السياره مخزنة بعد
* السياره منوة القاني والمستخدم تروح تفحص يبي لها قطع استهلاكية ماتقل عن 3500 منوة مخبى القاني
*السياره لطالب مبتعث لمريض لرجال كبير بالسن . هذي سيارة نشبت بحلقه ويبي يصرفه
*والله لولا الحاجه مابعت سيارتي . والله ان السياره ناشبه بحلقي ومهربده
*مادري والله وش في السياره افحص ان جازتلك اخذها ان ماجازتلك لاتاخذه؟ السياره روسية في البحرين يعني متهالكه
*وفي الاخير . بيعه بسعر خيالي بينك انت والجديد فرق 5او 10الف : زي هوندا اكسنت جديده اصفار تماتيك بي 34 والشريطية يبون فيها
32؟؟مستخدم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله من جد ياخي الاصل واحل الله البيع

لكن بيعهم حرام 100% يحلفلك ومدري ايش ويكذب


اي حلال يدور؟؟

على موضوع الفئات شفت توسان 2013 يقول فل كامل بس بدون شاشه ولا كاميرا ولا مثبت ولا تحكم ولا فتحه

كيف فل مدري ههههههه


up 5 down 1



الشريطي وما ادراك ما الشريطي ...
وخذ لايك


up 5 down 0
fahad0401 203
قبل 5 سنه



امس شفت اعلان للكزس 430 2005 Ls يقول السياره لها معاي 8 سنوات مايسوقها غيري حتى اخواني مايسوقونها بعد مادققت عليها طلعت سيارتي بايعها قبل سنة


up 15 down 0



اوتشيها قسم بالله اني قد بعت سيارتي على شريطي مطيري في الشفاء موتري ماعمره طب الوكاله وفيه ضربه فالباب
لقيت الضربه معدله والصيانة مسواه؟ وفوقها يقول مالك وحد ياولد وش السالفه؟؟؟ المشكلة هالشريطي يحلف انه مستخدم


up 4 down 2
صاحب سموه 533
قبل 5 سنه



اسهل حل يرضي جميع الاطراف لا تشتري منه ولا تبيع له انت ترتاح وهو يرتاح


بعض الشريطية تعدو هالمرحلة الى مرحلة اخطر اصبح شرهم متعدي

مره كنت ابيع سيارتي وفيها رفرفر يمين بس شغل متقن يعني ماتعرفه وكل من سألني علمته انها مسمكره

جاني شريطي قال لي ليش تعلمهم انها مسمكره قل هذي السيارة قدامك ماادري عنها والناس لها عيون

ياولد بغيت اشيل اللي في رجلي واعطيه على وجهه

يعني انت نصاب مشيناها تروح تنصح غيرك يصير نصاب زيك صراحه شي عجيب

اللي محيرني وش الدافع له ان ينصحني هالنصيحة التعيسه هل هو يبحث عن الأجر مثلاً

والله شي عجيب وغريب


up 8 down 0
سند10 1161
قبل 5 سنه



المشكلة يوم تشتري سيارة من عندهم نفس المعرض ب20 الف
تاخذ بها لفه وترجع تحرج عليها عندهم ما يعطونك 5000

ياخي والله غبن اذا تبي تتكسب عندك الين 50% بالكثير
اكثر من 50% من سعر السيارة سرقة ونصب وغبن للمشتري


up 5 down 0
ghost1 578
قبل 5 سنه



الشريطي سمي بهذا الاسم لكثرة قوله لكلمة " على الشرط " , وهو حيوان يعيش في حراج السيارات يتغذى على اموال الناس بالحلف الكاذب
ومن ابرز ملامحه : شحوب فالوجه ( طاقته شمس ) , يضع يده على بنطه ويحرك باتجاه عقارب الساعه , يضع العقال على مؤخرة راسه , عيناه تترقب يمنة ويسرة
, فالغالب يضع في فمه سواك او عود اسنان
واضافة الى ما سبق لا استطيع التواجد في مكان لوحده لابد من زوج يرافقه يساعده في رفع السعر في حال ارد البيع او التقليل من قيمة السلعه اذا اراد الشراء

تحياتي
ابو محارب


up 19 down 1
ابو محارب 79 192
قبل 5 سنه



بس الي يقول هالكلام هذا مو دائماً معناتها انه شريطي
انا مبتعث خلصت مرحلة اللغة ومقبل باذن الله على دخول جامعة في الخارج
وقت دراستي في معهد اللغة كنت ساكن في مددينة مغطاة بوسائل المواصلات الجماعية ما احتاج سيارة
لكن الحين بنتقل الى مدينة جديدة وما ادري هل هناك تغطية او لا
اذا ما كان فيه تغطية بخلي الوالد يبيع السيارة علشان اشتري وحدة هناك
في هالحالة الوالد بيكون شريطي اذا قال انها لمبتعث؟
سيارتي موديلها 2014 وللحين ممشاها فقط 20 الف


up 4 down 13
mat2rain 246
قبل 5 سنه



والله اغلب الشريطية اللي ينصبون فوق اللازم ناس عندها قل لمخافة الله عز وجل
واحد شريطي عمره في الاربعينات شاري له موتر واحد على نياته فورد ماركيز 2010 وكان نظيف بس فيه مشكلة بالدينمو او كهرباء شيء زي كذا مايكلف يصلحها ب 700 من التشليح وحولها لكن الرجال باعه على الشريطي ب40 الف وتخيلوا بعدها بس بيومين الشريطي غير دينمو مدري ضبط الكهرباء والموتر اصلا نظيف مره مافيه شيء وراح عرضه وباعه ب55 الف سلامات يعني شوفوا الفرق انا ما احسد بس اقولكم يبخس حق الناس هو وامثاله واذا شروا الموتر راحوا يرفعون فيه ويزودون عن حقه


up 5 down 0
فيصل طلال... 151
قبل 5 سنه



عزيزي تبي الشريطي يشتريه الموتر منك ب 40 الف ويبيعه ب 40 مفكره هو وسيلة نقل سيارتك من بيتك للمعارض مثلا
لازم يترزق الله باي سلعة سيارة بيت سيكل
اصلا احمد ربك انك تبيع شريطي والشريطي يشتري ويدور الزرق
الشريطي فاهم بل المواتر لا يفحص ولا يمرمطك بل الفحص مثل الزبون المستخدم و المستخدم ينشبلك كمن شهر يتصل عليك ويسالك
وين تغير زيت وكم مره غرت كفرات و اسأله تطفشك و تخليك تندم انك بعت مستخدم
يا زين الشريطية يشتري الموتر بل الناقص كم الف ريال ويريح راسك من الموتر
انا بكل صراحة لو ببيع موتري وجاني مستخد ما احب ابيعه ابي شريــــــطي يشتري ويريح راسي



up 4 down 21
abd_alrhmn 2352
قبل 5 سنه



مشكور على الموضوع وفي الصميم
وأتمنى لو أقدر أعطيك لايك...


up 5 down 2
naif30naif 36
قبل 5 سنه



الشريطيه فيهم الزين وفيهم الشين تعاملت مع شريطي في شهر ١٠ عزالله قالي كل شي فيها لكن طلعت بدون استبنه خصم لي ٢٠٠ قال لأَنِّي كنت اعرف ونسيت أقلّك 


up 1 down 3
لا حدود 487
قبل 5 سنه



خالي اشترى كامري ٢٠٠٨ من عند شريطي وخالي مايفهم بالسيارات كثير المهم قاله بلد ماعدا رفرف وكبوت والمكينه والقير بلد لمن اشتراها خالي وشفتها انقهرت وانا مالي دخل طلعت مرشوشه كامله وقد جاها صدمه قويه في الواجهه والخلفيه والمكينه قد انفكت وعضلاتها نصها تجاري المصيبه انه يحلف ويقسم الفاجر الله لايوفقه خالي كان مجمع ٣٠ الف والاه جلشت سننه ونص يجمعها تعب تعب الله لايوريكم والمصيبه انها خبطت وكل يوم تخرب وباعها بخساره بنت كلب انقهر الى الان وهو يدعي عليه انتبهوا انتبهوا لو يحلف الى يوم الدين افحص في اكثر من ورشه لاتشتري الا بعد ماتفحص 


صحيح ان بعضهم كذابين ولكن تاكد لو مافيه شريطي بالمعارض والله لتنشب بحلقك السياره مابعت كذا مره بعت سياره وماحصلت المستخدم مايشتري الا الشريطي


up 0 down 8
كارينو 572
قبل 5 سنه



صارلي حادث قبل ٦ شهور على مازدا ٦ ٢٠١٦ ، المهم ان السياره جتها وجهيه ووصلت الشاص ر الكمر و ثلاجة المكينه الله يعوضني اخير منها و الحمد الله على كل حال ، المهم ي شباب عرضتها بالموقع و بعتها على واحد ما كنت اعرف انه شريطي المهم انه وقت المبايعه يحاول يستغفلني و ينقص من قيمة الاتفاق بكل شيى ! لين انباعت بنفس القيمه المتفق عليها بعد مايقارب شهر ونص اشوف لها اعلان بحراج مكتوب ان الموتر نظيف و الكبوت و الصدام فقط مرشوشه ، ولله ناس مادري كيف ترضى تاكل حرام ، الله يهدينا وياهم 


up 7 down 1
ابن موسئ 178
قبل 5 سنه



لولا الله ثم الشريطي ماكان احد باع سيارته
٧٠٪‏ الي يشتري سيارتنا اذانبي نبيعها شريطي

ورغم العيوب الي عليهم فالبيع لكن مالنا غنا عنهم من بعد الله


up 1 down 9
ابومحمد4800 138
قبل 5 سنه



عمركم شفتوا شريطي متوفق في حياته؟ اول حاجة الله باليه يوقف في الشارع زي الشحادين! ثاني حاجة الله باليه إنه وصخ ومغبر وريحته زي (...) من وقفته في الشارع. ثالث حاجة تلاقيه يبيع ويشتري ويا دوب ملاقي حق هايلوكس ٨٤ غمارة. رابع خاجة تلاقيه ساكنةفي حي عشوائي موية المجاري الله يكرمكم مكبوبة قدام البيت والمكيف تحسه باقي يوقع من الجدار الله المستعان. تلاقيه أولاده اللي مريض واللي داشر وكل يوم عنده مصيبة من أكل الحرام والعياذ بالله.


up 7 down 1
sjanzeir 283
قبل 5 سنه



^^^
صحيح  ما الله موفقهم  من كثر ما يحلف كذب ويبخس ويغش 
وانتبه لا تحاول تشتكي على شريطي. لانه يستخدم كل من في القطاع للفزعه وتوجيه الاتهاو ضدك وويسهدون مع بعض 
الانهم شغالين في قطاع سيئ السمعه ويتعاملون بنفس الطريقه 
حسبي الله ونعم الوكيل فيهم


up 2 down 1
Abu-Nawaf 337
قبل 5 سنه