قضية تغيير عداد السيارات في المعارض والشريطيه

أخطيت .تجد سيارات نظيفة ولكن ليس مع الشريطية مع الناس البايعه من خارج المعارض . لذالك اقولك واقول للاخوان

الشريطي معروف سيارته تجد انه ملمعه وممغسلها .ولمى تشوفه من بعيد تقول الموتروكالة ... ويحلف بالله كذب ويكثر حلف
اماالمستخدم الي يبي يبيع سيارته بذمة وضمير تلقاه توة مغسله ولايعرف درب التلميع .ويعلمك وش في السياره وش مافيها مايقولك على الفحص
ولاجيت تفحص قام يقول ايه ولا

فالسوق لوتبعد عن الشريطي بتلقى سيارات نظيفه

كيف عرف موظف الوكاله ان المكينه موظبه بقطع تجاريه لوه هو الي صانع السياره ماعرف انها موظبه بقطع تجاريه الابعد فك المكينه ويشوف القطع بعينه ثم يحكمانها تجاريه او لا

شريت جيب اكسبلورر ممشاه 122 2007 بعد مارجعت من الحراج ااظر ورقة الفحص الدوري ولا الاقي السياره كانت ماشيه400 وحاجه يعني مغير الطبلون وفاصل شي5 لمبات تطلع مع الاي بي اس لما يعطل والرجال حالف بعياله انها مافيها شي الله يعوض ولايسامح كل واحد نصاب

واحد عشان الضمان يقول رجع العدادمن 55000 الى 7000 كلفه 350 بالرياض بثواني يفضل الواحد يراجع

ورقة الفحص والوكالة لتأكد من لممشى

يقول المصطفى عليه الصلاة والسلام ( اذا ضاعت الأمانة فانتظر قيام الساعة ) وللاسف الشريطية 90 % منهم مايخافو الله الا مارحم ربك
ابسط شي يقلك عداد السيارة القديم مضروب ومو شغال وغيرناه وغير اساليب الكدب والضحك على الناس جاري اشترى سيارة 2007 الشاص من تحت ملحوم بالعرض ولمن رجع للمعرض قالوا ماعندنا علم ولا ندري عن السالفة !!! عشان كدا اللي يروح للمعارض لازم يكون خبييييييييييييييييييييير ويعرف يتعامل مع المحتالين

صور العداد الان قبل التصفير و خله صفر وصوره وكذا كم دليل
او سجل صوته واتصل ع وزارة التجارة يغرمونه مخالفة غش
100 الف ريال ولك 25%
25 الف لك طيبة
وخلهم الشريطية يتربون صح

ممكن الوكاله او الخبير يعرف ان المكينه مفكوكه عن طريق المسامير يظهر عليها اثار فك وخدوش

افتكر مره شفت لكزس عداده 17 الف ونظيف
لكن الغريب ان سير المكينه واضح انه معدوم ويحتاج تغيير وفيه انسلاخات على سطحه خفيفه
وهذا احد العلامات الي تدل ان السياره ماشيه فوق ال 100 الف
لان سير المكينه ماتظهر عليه هذي الملاحظات الا بعد ممشى طويل

علشان كذا اغلب الشعب صار يشتري راحة باله وياخذ جديد حتى لو اقساط او قرض

السوق المستعمل عندنا يخوف وطرق التحايل كثيره وان لم تكن ذيب أكلتك الذيابه

الله المستعان

ياخي مو شرط كل الناس تكون حراميه انا عندي هوندات ٢٠١٢ ماشيه على ٨٠ الف وعندي تورس ٢٠١٥ ماشيه ٩٠٠ كيلو فقط 

طبعا لان 90% من الشريطيه  يعملون في قطاع  سيئ السمعه 
ويستفيدون منه في التعاون على الغش وعدم الملاحقه والمساله
وعلى كثر ما يربحون مافيه بركه ويجمعون وتقشه مصيبه ودعاء الناس عليهم
نصيحه / لا تشترى مستخدم ابد حتى لو تاخذ اكسنت ايجار

تذكر يالي تغش الناس عشان الفين ولا خمسه ولا عشره الاف ان فيه حساب بالقبر ويوم الحساب والله انها ماتنفعك حتى لو ملايين بالحرام ريال واحد بالحلال افضل واحسن من مليون بالحرام الله يبعدنا وياكم عن اموال الحرام

عندك أصحاب المقاومات : فيراري - بورش 911 كل أصحابها مقاومات وتفقيع وممشى 60 ألف انتبه لا تشتري
اسكاليد 6.2
كامارو
موستينق
تحصلها بالمعارض ممشى قليل وجالسه هاذي طال عمرك بدي وكالة ومكاينها فيها بلاء مقاومات تحصلهم بشارع تركي الأول كل يوم
أصحاب التويوتا والنيسان وجميع سيارات البر
لاندكروزر جالس بالمعرض يا منقلب يا الشاصي مايل
ربع دايم منقلب وجالس بحلوقهم
باترول مركب عليه كمبيوتر وملعوب بالمكينة
جيب رانجلر تطعيس بكامل فصل الشتاء ويبيع + قراند شيروكي مقاومات ومطارحات ويحتاج توضيب
( أفضل شيء تخطب سيارة من صاحبها وعساك تسلم ) خطبه وملكه وبينهن 10 أيام لازم تصبر ههههه
يا جماعة بنظري والله أعلم أن سوق السيارات للشركات التجارية والصناعية والمقاولات
يعني أنت فرد محتاج سيارة لا تروح للسوق وتضيع وقتك وفلوسك خبر امام المسجد أو المؤذن
جيرانكم زملاء العمل أكيد فيه واحد بيغير موتره كل 5 سنوات 3 سنوات معقوله مافيه حارة كامله
دايم تعليقي طويل أنا آسف
عندك موظفي الخطوط القطرية السعودية الاماراتية طاقم الضيافة بالطائرة سياراتهم نظيفه
كل 5 سنوات يبيعون
عندك موظفي قوات الأمن الخاصة أمن طائرات يطيرون مع المضيفين وسياراتهم نظيفه
جاركم قاضي محكمة اخطب موتره ممكن عنده انتداب داخل أو خارج المملكة ماتدري