طريق عشيرة المدينة

وعليكم السلام
ابنسخ لك طريق اخونا سعودي قح
ومشيت على وصفه قبل ساعة وانا بالمدينة الوصف ميه ميه الله يعطيه العافية

فيه طريق مختصر وقريب الطايف عشيرة وبعد ما تطلع من عشيرة تمشي حول ٥٠ كيلو حتي تجي لوحه علي يدك اليمين مكتوب عليها فيضه المسلح وحاذة
افرق معاها يمين وامش حوالي ٣٥ كيلو تدخل حاذة بعدها تمشي ٣٠ كيلو تجيك قريه الصلحانيه امش حوالي ٣٠ كيلو
تجيك لوحه مكتوب المدينه المنورة المهد السويرقيه الخط يصير حرف تي خش يمين امش حوالي ٤كيلو تدخل هجرة صفينة لاتدخل الهجرة أكسر يسار وخل القريه وراء ظهرك تجيك الورش علي يدك اليمين وبرج جوال علي يدك اليسار امش مع ذا الخط حوالي ٨ كيلو يجيك خط المهد السويرقيه خش يسار امش حوالي ٧٠ كيلو لين تطلع علي كبري الأكحل خش يمين المدينه المنورة ١٣٠ كيلو أنا امشي مع ذا الخط الخط مريح وحلو من الطايف الي المدينه المنورة حوالي ٣ ساعات ومن عشيرة لين المدينه حوالي٢ ساعتين وعشرين دقيقه

الطريق هذا ماينفع للسفر في الليل أبداً ابداً
مقطعه وفي الغالب سيد واحد وكله حمير وجمال أعزكم الله
وبعض الأماكن الطريق فيها تالف وفيه حفر كبيره وخطيرة على السيارة
ماينفع إلا في النهار ويكون تركيزك 100%
مره جيت منه وصفرت عداد الرحلات من مفرق عشيره إلى مفرق طريق المدينة المنورة
445 كيلو +120 كيلو تقريباً للمدينة = 565 ك
مو ذاك الفرق عن طريق الطايف - مكة - المدينة
وعلى قول الأولين ( درب السهل ولو طال )

الطريق كويس بالنهار لكن ماينفع تسافر بالليل خصوصاً إذا معك 
عايله لأنه مقطعه .

أمسك طريق سريع 500 كيلو وأنا مرتاح البال و لا أمسك طريق سيد واحد 200 كيلو . . . . .

مشدودة أعصابي وتركيزي عالي ونظري مانزله من أول كيلو إلى آخر كيلو فيه . . . .

هذا غير أن الطريق السريع فيه أمن طرق تقدر تتصل عليهم وقت الحاجة . . . .

أما الطريق الزراعي والله ماحد درى عنك لو يصير لك شيء لا سمح الله . . . . .

هذا غير أنه المفضل لدى قطاعين الطرق والمشلحية لا بارك الله فيهم . . . . . .

انا امس مشيت منه 
الطريق ماهو بطال ومافيه زحمة سيارات ولكن من الصلحانية وحاذه لين ينتهي الخط حرف T الخط يصير ضيق وبدون اكتاف
اذا بتمشي منه صل الفجر وتوكل على الله اما في الليل ماانصحك فيه نهائياً 
والوصف مثل ماقال الاخ ولد جيزان تمام 
ولكن بضيف على وصفة ان فيه لوحة توجهك يمين الى المدينة المنورة اتوقع انها جديدة لانه ذكر بدلها لوحة فيضة المسلح وحاذه 
وطريق السلامة ان شاء الله 

من الطائف للمدينة ٣ ساعات؟؟! 8-O ما أقول غير ما شاء الله تبارك الله...