مغسلة سيارات

من ناحية مربح مافيها كلام بس اهم شيء الموقع والنظافه اما الباقي ما افتيك

الله يسهل امرك

كانك تبي تجلس بالمحل من يوم يفتح وإلى أن يسكر ويومياً أقول توكل على الله ,,, مشروع مبرح 100 %. . . . . .

أما كانك تبي تسوي زي ربعنا السعوديين في التجارة . . . . . .

يوم تجي و ويومين ثلاثة تسحب على المحل والعمال مشغلهم على الراتب. . . . . .

فأقول لك من الحين لا تضيع فلوسك ولا تفتح . . . . . .

لأن فيه هذه الحالة وقت غيابك عمالك في هالوضع يتفقون عليك . . . . . .

ويخسرونك بتطفيش زباينك ويشتغلون من غير نفس. . . . . .

ويتأخرون بفتح المغسلة ويسكرونها بدري ويسرقون من أغراض محلك أو يخربونها وأنت مو داري. . . . . .

ويسحبون فيك تسحيب ,,, أنا تعبان ,,,, يبغى إجازة ,,,, هذا أغراض خلص إنتى مافيه جيب ,, مويه خلص ,,

صابون خلص ,,, ماكينة خراب ,, بستم خراب ,,,,, بلدية غرامة. . . . . .

وعلى هالمنوال . . . . .

وراح تشوف بعد سنة سنتين إنك خسران بسببهم . . . . . وتضطر إما تؤجرها عليهم بمبلغ زهيد أو تبيعها

فلذلك تبي تقابل محلك 24 ساعة في 24 ساعة توكل على الله . . . . . .

أما كان حركاتك حركات السعودي اللي مايبي ربطة ولا إلتزام . . . . . .

وعنده دوام وشلة واستراحة وسياحة وكشتة وجيم وبولينغ . . . . . .

فنصيحتي إنك تريح رأسك . . . . . .

مع كلام اخوي الي فوق

* * * * * هذه معلومة للجميع * * * * *

إذا شفت العامل أو الأجنبي بأي مكان . . . .

قالبن خشته ويكلمك من طرف خشمه أو مايخلص طلبك بسرعة أو تشوفه يسحب رجليه . . . .

وأول مايأذن المؤذن على طول قفل المحل وإذا خلصوا من الصلاة ساعة عشان يفتح . . . . .

فأعرف إنه يشتغل بالراتب . . . .

أما إذا شفته وسيع صدره ويضحك ويقول لك سم وأي شي تبيه يجيب له لك ركض . . . .

وعلى طول بعد الصلاة يفتح المحل مثل البرق إلى درجة إنه مايطفي اللمبات . . . .

فأعرف إنه يشتغل لحسابه والمحل له وكفيله ماله إلا مبلغ بسيط آخر الشهر . . . . . .

كلام خارج الوسط الرياضي للامانه بالصميم 

افضل طريقه انك تاخذ منهم مبلغ معين والباقي لهم اما انك تخليهم على الرواتب تخسر ويصرفون الزباين

مشروع جبار ومربح .. والدنيا أمان
استخارة .. واعقلها .. وتوكل

مهم في النهاية العمال بشر،،، يعني ودك تكرفه ليل نهار على 1500؟!!
صعبة اما تكون المغسلة مشتركة نص بالنص بينك وبين عامل
أو تشتغل انت معاهم

وفي النهاية الشغل مو عيب

خارج الوسط الرياضي

كلامك أغلبه صح لكن مايعمم على الجميع
بعض ربعنا نظامه مع العمال استعباد
لو ايش شطارة العامل يكرفه كرف الحمار 
ويتسلط عليه بسبب نظام الكفاله
في هالحاله العامل قدامه طريقين
البزوطه في العمل او الهروب


لو تكرم العامل
مثلا لو تربح ١٠ الاف
وش صار لو وزعت  الفين على العمال فوق رواتبهم
وقس على باقي المبالغ كبرت او صغرت

صدقني العمال يب يخلصون لك
او اغلبهم يبي يخلص لك لأن مصلحته معك


مع الاسف اغلب السعوديين اللي فتحو مشاريع صغيره
نظامه مع العمال استعباد وجشع يبي يركب لكزس بعد شهر
وبالنهايه
يالمحل للتقبيل
يا يأجره على العمال بمقابل بسيط

اختصر لك الكلام

لاتشغلهم براتب

عطهم نسبة وشف كيف يشتغلون شغل الويل

الرسول صلى الله عليه وسلم قال . تسعه أعشار الرزق فالتجاره .. والتجاره بركة يمكن تخسر ويمكن تكسب

مشروع مغسلة السياره ماعليه غبار . ولكن الموقع هو الاهم

المغسله الي عندنا بالحاره على كلام السوداني يقول يطلع بعد دفع الرواتب والادوات. 23الف
طبعآ هم العماله نيباليه . مشغلهم بالراتب راتبهم 1000 . ومعطي المدير حقهم سوداني راتب 4500

الادوات مثل الصابون . يجيك مندوب يبيعلك جركل ابو 50 لتر بي 30ريال (صابون أبوكلب) التكيس قيمته 45ريال للفه وايت موية كل يوم 500ريال

عليكم السلام
في نقاط لازم تحطها في الاعتبار
- الموقع الموقع الموقع هذه النقطة تلعب دور كبير.
- العمال الافارقة أفضل لقوتهم الجسدية, اما لو بتفتح خدمة تلميع ساطع هنا الافضل تجيب فلبيني. المهم ان يكون هناك حافز قوي, يعني تعطيهم نسبة من الارباح, وفي نفس الوقت نظام صارم, مافي اي سيارة تتغسل الا بفاتورة و برقم.
- ايجار المغسلة تقدر تخليه 5 سنين بتسديد سنوي او نصف سنوي, هنا مالك المكان ما يقدر يرفع الايجار الا بعد انتهاء العقد.
- حط في بالك رسوم الموية راح تزيد أضعاف سعرها الحالي وهذا راح يزيد التكلفة.
- مواد الغسيل أعتقد ان في مناديب يمروا عليك ويعطوك عروضهم.

جزاكم الله خير وبيض الله وجيهكم
وبالنسبه لرواتب العمال  راح اكرمهم 
على اجتهادهم وكل مازاد الربح كل مازدتهم
وبالنسبه للموقع اكيد مهم



وحبيت اضيف ميزه بالمغسلة
وش رايكم ب غرفه قزاز خارج المغسلة فيها نت مفتوح وجلسه كراسي
(غرفة انتظار) 

اعطيك الزبدة وانتا عقلك فراسك تعرف خلاصك ،،،،،
اي مشروع تبغاه ينجح بعد الله في شرط لازم وضروري يكون موجود من وجهه نظري وهو انك تكون حاب الشغلة وعشقان .
ودممممتم

اهم شي دور الموقع الممتاز وايجاره معقول عشان بالاخر ما يكون شغلك لصاحب العقار 

المشكله الايجار غالي   والمغاسل أرزاق اعرف شارع فيه ٤ مغاسل ٢ شغالات.  من بينها ألعربيه   وثنتين. العمال يكشون. ذبان
مع ان المبنى حلو.   جربت مره وعرفت السبب.   ربصوا سيارتي بالمويه.  ولا امسحوا
فأهم شي.    العماله المدربه. والمواد المريحه لهم.  كالإسفنجات وماشابه.         وجائزة كل شهر لأحسن عامل.      واذا كنت كسول
او مشغول   فأعمل نفسك حاط كاميرا. في محل سري.         اختر. من تراه مناسبا لإدارة الشغل ولاتعتمد عليه لكن يظل امكانية
فائدته.      تعامل معهم بأخوه وحزم.   معادله صعبه.  لكن تستطيع.    اعرف انهم بشر ولهم حقوق. وعليهم واجبات

من نايحة الموقع هو اهم حاجه

سالت سوداني في مغسله عندهم 6 فتحات فضول عن فاتورة الماء شهرياً قال فوق 7 الاف استغربت قلت كيف الدخل اجل

قال شهريا 70 الف وصافي الربح حوالي 30 الف بعد الاغراض والفواتير 

وفوق هذا جانا 400 الف عشان نطلع من المكان بس والكفيل رافض نهائياً

مع ان المغسلة قديمة كشكل