بخصوص شركات التمويل

سجلك الائتماني كامل بالتفصيل
عليك قررض بطاقات فيزا اي شي يخصك
حتى تاريخ سداد مديونياتك اذا تسدد بانتظام او تتاخرلها مسجله

التمويل الشخصي للقروض يعطي على الإجمالي فالتعريف وليس الصراف اذا ماعليك اي التزام هذا تجربتي للبنك الامريكي
تمويل السيارات يعطي على الي ينزل فالصراف هذا للبنك الامارات باقي البنوك اتوقع نفس الشي

اخوي نايف ، 

سما تطلع اي منتج أخذته على رقم هويتك ، سواء متعثر او ملتزم بالسداد 

والفائدة منه يشوفو وضع العميل الائتماني ، ونسبة الاستقطاعات على الراتب 

وانا في البنك الموظف فيه ، نعطي على الاجمالي في حالة واحدة 

على سبيل المثال : 
الاجمالي ١٠،٠٠٠ 
المقيد ( اللي ينزل في حسابك ) ٨،٠٠٠
* نطلع من ال ١٠،٠٠٠ ٢٠٪  ( اذا الناتج يساوي الراتب المقيد او اقل منه نعطي على الاجمالي  ، اذا الناتج اعلى من المقيد ، ماراح يحسبوها على الاجمالي ) 

١٠،٠٠٠ * ٢٠٪  = ٨٠٠٠ ( في هالحالة تاخذ على الاجمالي ) اللي هوا ١٠،٠٠٠ 

ان شاءالله وضحت الصورة ، 

تحياتي ' 

الله يعطيكم العافيه 

بس لو جبت تعريف 12الف وكشف حساب ب12الف 

والي ينزلي مثلا6000 هنا يمشوني والا يعرفون من سمه ان راتبي 6000

يالغالي ..
انت الآن مثلاً راتبك على بنك البلاد ..
اذا روحت تقدم على قرض ..
الموظف يطلب منك السجل المدني ..
و يدخل على صفحة حسابك ..
و يشوف كم اللي ينزل لك في الصراف ..
يعني انت ينزب لك ٦٥٠٠ ..
و التعريف مكتوب ١٠٠ ألف ..
يعطيك على الـ ٦٥٠٠ ريال ..
بس الفرق ..
فيه بنوك تعطيك على ١٧ راتب ..
و فيه بنوك تعطي على ١٨ راتب ..
و فيه بنوك تعطي على ١٩ راتب ..
و فيه بنوك تعطي على ٢٠ راتب ..
و فيه بنوك تعطي على ٢٢ راتب بس شروطهم معقدة ..
و القيمة تختلف طبعاً و فيها فائدة لك ..

على ١٧ راتب = ١١٠،٥٠٠ ريال ( تقريباً )
على ١٨ راتب = ١١٧،٠٠٠ ريال ( تقريباً )
… ١٩ راتب = ١٢٣،٥٠٠ ريال ( …… )
… ٢٠ راتب = ١٣٠،٠٠٠ ريال ( …… )

شوف الفرق ٢٠ ألف ..
بين تمويل على ١٧ راتب و تمويل على ٢٠ راتب ..
و في النهاية تلقى قسط تمويل على ١٧ راتب ١٨٥٠ ريال ، و قسط تمويل على ٢٠ راتب = ٢١٦٦ ريال
الفرق ٣٢٠ ريال تقريباً ، و انت كسبان ٢٠ ألف زيادة
لذلك نصيحتي قبل تاخذ قرض من البنك اللي ينزل عليه راتبك ..
لف البنوك كلها و شوف البنك اللي يعطيك على أعلى عدد من الرواتب و فوائدهم معقولة و حول راتبك عليهم ..

و سمة توضح للبنك أو الشركة كل شي انت ماخذه بإسمك ..
سيارات .. أرقام .. قروض ... إلخ
و توضح إنتظامك من عدمها ..
حتى فواتير الجوال اللي عليك قبل ١٠ سنوات يحطونها ضمن التعثرات ..
و لكن أغلب البنوك و شركات التمويل يتغاضون عن فواتير الجوال و يركزون اذا عليك تعثرات في سيارات أو قروض سابقة ..

ياغالي انا ماقصد البنك الي عليه راتبي
انا اقصد بنك اخر او شركه تمويل  يعني مثلا راتبي على الأهلي بزود فيه انا اخوي بالبنك موظف اقدر اخذ كشف حساب ومختوم بعد براتب 12الف ومن عملي اخذ تعريف 12الف 
رغم ان راتبي 6500 واروح لشركه واخذ تمويل تمشي والا لا  
والحمد لله ماعلي تعثر  

بس اخاف سمه تقول راتبه 6500

سمه خاصه بالتعثرات بس
شركات التقسيط تاخذ بالتعريف 
مالها دخل بالراتب

الله يسعدك ماقصرت