افضل مكان للسكن في جدة قريب من مكة

جرب تسكن في مخطط الامير فواز اقرب شي لمكة من الخط السريع
او تسكن قريب من بريمان السامر والاماكن القريبة واهل جدة يفيدوك اكتر

وازيد على كلام اخوي العمدة
عندك الوزيرية قريبة من خط مكه
وتعتبر في اول جدة من جهة مكه
وقريبة من المعارض وكل الخدمات

اتوقع مخطط الامير فواز قريب لمكه

عندك الاجواد أو السامر أحياء قريبه من الخط الجديد لمكه عبر طريق الجموم 

مخطط الامير فواز هو الافضل .. بينك وبين مكه قرابة نصف ساعه
وهي ليست بتلك المسافه
اذا انا من بيتي الى شغلي ٤٥ دقيقه وانا في جده
فسوف لك سكن في مشروع الامير فواز .

فين موقع عملك من مكه عشان نحدد لك افضل الاحياء على سبيل المثال اذا كان عملك في شمال مكه فالافضل ان تسكن في شمال جده وتذهب لمكه مع طريق بريمان اما لو كان عملك في جنوب او غرب او شرق مكه فالافضل السكن في مخططات جنوب جده مثل مخطط الشفا ومخطط فال والاجاويد

اسكن في كيلو 10 

الامير فواز الكبري حقهم للان ماصلحوه باقي مطولين

لانك وانت راجع بتاخذ مشوار عشان ترجع للامير فواز

واذا بتتعود عادي

اسكن بالاجاويد افضل او حول دوار البلدية بس ترا غالي الاسعار

مخطط الامير فواز هو اقرب شي حسب ما اعرف

حي السامر والاجواد رائعه والمنار ايضا

حي الوزيرية حي راقي والخدمات والمطاعم منتشره

حي العدل قريب من مستشى الثغر هناك عماير جديده

و قريب من طريق الحرمين

اسكن بحي السنابل و طريق مكه مو بعيد عنه فقط تروح من الخط السريع اول مخرج تطلع معاه و يوديك على مكه مباشره

اذا انت تفضل جده, وتحب تخرج وتتمشى, فالامير فواز ما يناسبك صح قريب من مكه لكنه في النص يعني ما يعتبر انك داخل جده. يعني حتى لو بتروح للبلد يحتاجلك نص ساعه, و لو بترح الكورنيش الشمالي يمكن تاخذ ساعه على حسب الزحمة.
طبعا جنوب جده الاقرب لمكه بس بصراحة مو راقية أبدا.
حي الحمراء مناسب و راقي و يطلعك على خط مكه بس غالي.
او اختيار ثاني هو شرق خط الحرمين حي السامر و الاجواد والمنار كلها جديدة وفيها كل الخدمات وتروح مكه عن طريق خط الحرمين. لكن لازم تعرف انك الخط احيانا يوقف فجأة بدون سبب.

السنابل..الاجاويد..الوزيريه 

كلها احياء جميله و قريبه 

تسلموا يا شباب ، انهي اكتر منطقة راقية فيهم ؟ وهل الحمراء وشارع فلسطين ليست من ضمن الخيارات ؟
وبالنسبة لدوامي في منطقة الحرم

عندك السنابل حي رائع وبناء رائع وكل ما يلزمك موجود

شكراً يا شباب للردود وجزاكم الله خير