ظاهرة سلبية في البيع و الشراء

عليكم السلام ورحمه الله وبركاته انا معاك فعلا فيه ناس كذا واتوقع اللي كذا طريقته ماهو جاد في البيع الافضل تسحب من بدري لان فيه ناس يبي يشوف سلعته كم ممكن تجيب وبعضهم كذاب للاسف لاعنده سلعه ولا شي بس يطقطق والافضل من البدايه شفت وضعه كذا اسحب واتركه هو وسلعته الجاد واللي فعلا يبي يبيع يرد ويتجاوب مع الناس

اذا ما رد اتركه ودور غيره البايع يشتكي من عدم جدية الشاري والشاري يشتكي من عدم جدية البايع

انا اذا ارسلت ولا رد تجاهلته لانه غير جدي بالبيع بعضهم يعرض سلعه مو له اصلا بس مجرد عبث وبعضهم يعرض سلعه يبي يشوف كم تجيب له

ياخي ذولا ناس فاضيه وتحسب الناس فاضيه مثلها
والاغلب بزران
اسحب عليه احسلك ولا تضيع وقتك معاه

تدري وش اللي اسوأ
كل حاجة السعر على الجوال
اتفه غرض بدق على صاحبه
ويرد بنفس شينه ويقيم صوتك ويعطيك السعر
على حسب اقتناعه فيك
يااخي اكتب السعر وريح العالم

سويت اعلان وعلنت سياره لحد اصدقائي نوعها شفرليه المهم ضبط له اعلان محترم والناس تسوم وموتره جابله سعر فوق
السعر الي يبيه وطمع ولا باع انا عصبت قلت يوم انك تبين اصلح اعلان والناس محتاجه وكلن وظروفه والله ناس تتصل عليه
الي جامعي ويبي السياره والي عنده عايله الزبدهـ طمع ولا باع واخر شي مر كم شهر وصدم بالسيارهـ واتوقع دعو عليه الناس
لان ماصمل بالبيعه رغم سيارته مجاهه لا حادث لاسمح الله ولا دقة شاكوش على قولتهم وبعض الاتصالات مايرد عليهم معطيها
وضعيت المشغول انا انقهرت/دخلة الاعلان وحذفته والرسايل الي جتني على الحساب قلت تم البيع عشان محد يرسل

حياكم
في عالم النت ماتدري من الصاحي من اللي ماهو صاحي
واللي ادهى من كذا اللي يكتب تم بيع السلعة خارج الموقع
ومخلي الااعلان طيب سو حذف
وبعدين اتصلت مارد خلص اسحب عليه هو يشوف رقمك
اذا يبي يبيع راح يكلمك

صديقي أعلن عن اثاث منزل وكتب الأسعار والصور وكل شيء  وكتب رقمين موبايل - والله علي مدار 4 ساعات مكالمات لاتنتهي وانا كنت معاه علشان ارد - المهم عدد المتابعين من حراج كثيرون واتصالانهم وسوالفهم كثيره

والله شوفوا يا إخوان،
أنا شخصياً في كل إعلاناتي أسوي ثلاثة أشياء:

١- أحزم أمري وأحد سعر أشوفه مناسب ومعقول.
٢- أقفل الردود ولا أحط رقم جوالي. ٣- أكتب عبارة "التواصل عبر الخاص للجادين فقط."

الأسباب:
١- لو فتحت الردود رغم إنك حاد سلعتك يجيك من يسوم وبعشر للسعر كمان.
٢- يجيك واحد بدل ما يحط إعلان خاص فيه يجيك بالردود "بعد إذن صاحب الإعلان شوفوا إعلاني".
٣-يجيك واحد يقول لك "شفت زيها بكذا وكذا، وشفت أفضل/أحدث منها بنفس سعرك وأقل" طيب روح خذها! ليش جاي عندي؟

فخلاص ريحت راسي، اللي عندي أكتبه في الإعلان خير شر وأحد سعري بوضوح، أنا الرسائل على الخاص من نوع "كم حدك من الآخر" و"إيش فيها غير اللي ذكرته" أتجاهلها ولا أرد عليها. من فترة أعطيت رقمي لواحد على الخاص لسيارة كنت عارضها، راسلني واتساب وسألني، "السيارة إيش فيها، بأمانة يعني؟" قلت له "يعني مثلاً أنا لما كتبت عيوبها في الإعلان مع الصور، كنت كاتبها من غير أمانة مثلاً؟ والله يخوي إحنا ولاد ناس وأهلنا ربونا على الصدق والشرف، والسيارة مش للبيع"، وأعطيته بلوك.