أضف سؤال أو موضوع جديد          

تجربة التعامل مع الشريطية للفائدة والتنبيه

up 23 down 1
المقصر 147
قبل 4 سنه و 2 شهر



السلام عليكم ورحمة الله
اخواني نصيحة لوجه الله قبل التعامل مع الشرايطية وجب علي أذكرها هنا من خلال تجربة شخصية
في البداية كنت اسمع ناس كثير تحذر منهم ومن نصبهم وحركاتهم ولكن كنت اقول في نفسي يعني ايش بيسووا بعرضها واذا ما اعطوني سعر مناسب مشيت وخلص الموضوع لكن تفاجئت عندما عرضت سيارتي للبيع وتاخر البيع قليلا فقررت انزل المعارض اشوف السعر اول ما شافوني اتفضل ونجيبلك سعر وكذا وبعدين اعطينا الاستمارة بس عشان نحرج عليها اعطيته وبدأ ينادي ويجوا بعض الناس طبعا السيارة سعرها حول 33 او 34 الف المهم كانوا في حدود 5 شرايطية مع بعض وبدأ الناس في عرض الاسعار طبعا قالوا كم تبغى قلت انا ماني بايع تحت 31 قالوا ابشر وشوية واسمعهم يكلموا الناس على 29 و28 لين ما جا هندي اتفقوا معاه على 27 قلت لا ماهبيع وبدأ الشغل والله سعر طيب ولا هتجيب اكثر والسيارات طايحة والسيارة فيها رش ووووووووووتكفى ويبوس راسي طيب بكلمه على 27500 قلت والله شككوني في السيارة ممكن حول ساعة وواحد يسيبك يمسك التاني ترا توكل والبيع سمح وتخيلوا والله اقنعوني قهرا وقلت بس انا ما هبيع تحت 28 قالوا طيب ويضاربوا مع بعض والهندي قال لا ما هدفع الا 27500 ويسمكوني تاني تخيلوا يا اخوان من 33 الى 27500 وقلتلهم والله ماني بايع اعطيني الاستمارة خليني اروح قسم بالله ابد انو يعطيني الاستمارة اتضاربت معاهم واقول للاخ المصري الي في المكتب يااخي اعطيني الاستمارة يقولي ما اقدر كلمهم قمت اصرخ قال واحد اعطيه الاستمارة ويمسكوني تاني 3 شريطية بالتناوب ترجي وتمسح بالكلام وطلبناك وكذا والله ممكن في حدود ساعتين طفشت وقلت طيب من الزهق والله تخيلوا وسبحان الله راحوا يتضابوا عشان النسبة بينهم وسباب وراح الهندي يجيب الفلوس من بيته وقدر الله الهندي راح تقريبا من اذان المغرب الى الساعة 9 ما رجع وانا جالس من بعد العصر وقفلت المعارض ومشي اغلب الشريطية وبقى واحد فقط قلتله يا اخي شكله ماهو جاي اعطيني الاستمارة اروح ونشوف بكره اجيكم العصر نتمم قال بس تيجي قلت طيب وانا ابغى افتك قال اكتبلي رقمك اكلمك بكره والله كاني ردت في الحياه واخذت السيارة وقلت تووووووووووووووووووبة انتبهوا يا اخوة والله الموضوع اكبر مما تتخيلوا ولا احد يتخيل انه بيغلبهم ابدااااااااااااااااا مستحيييييييييييل طرقهم وحيلهم لا نهاية لها وحسبي الله عليهم والله اخلفني خير وبعتها بسعر طيب بفضل الله تعالى بس صبرت شوي وجاها ابن الحلال هذي النصيحة عن تجربة لوجه الله للفائدة للجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله انا اشوف البيع في الموقع افضل حتى لو في تاخير
تبغى تبيع سيارة في المعرض تخسر ع طول
و حسبي الله و نعم الوكيل يعلم الله انهم كلاب المعارض


up 4 down 1
fowad 122
قبل 4 سنه و 2 شهر



تتعامل مع شريطية لازم تكون ذيب ومتوحش غلطتك اعطيته الاستمارة قله الاستمارة تجلس معايا وانت حرج بالمقرفون وبس واللي يبغى يطالع فيها اعطيه صورة للتدقيق لا أعمم لكن 95 في المية من الشريطية مايخافون الله وفاجرين يحلفون بالله كذب ( اليمين الغموس )
وماعليك فيه يبوس راسك او حتى يبوس رجلك والله لو انا منك اقله خلي الهندي يدفع 27500 وانتو ياشريطية كملو المبلغ الى 34 الف وساعتها ابيع ا


up 10 down 0
العمدة 1434 1188
قبل 4 سنه و 2 شهر



ممكن انت شخصيتك ضعيفة ف تجرؤو عليك


up 12 down 1
296
قبل 4 سنه و 2 شهر



اخوي انت الغلطان لاتزعل من كلامي 
انا دايم بالسوق 
غلطك عطيته الاستماره وفوق هذا قلت حدك كم وفوق هذا قدروا انك تبيع وهذي اكبر غلطه 
خلاص تمسك برايك لو شفتهم معاندين قل بتصل بالشرطه ولا ببلغ شيخ المعارض 
لان كل الحراجات هناك تبع معارض 


up 5 down 0
ابو ابراهيم2021 350
قبل 4 سنه و 2 شهر



عندي لكم  شور  اذا  رحت المعارض وقابلت الشريطيه خلك الرجال المعصب  لاتعطيهم فرصه  وتتعاطف معهم  ابدا   وذكرهم كثير حلالي وانا حر فيه ابيعه بالسعر الي  ابيه  لاتعطيهم اي فرصه للحوار ابدا  


up 4 down 0
salem... 144
قبل 4 سنه و 2 شهر



واذا  احد اخذ الاستماره  اعطيهم من الاخير والعين الحمراء والا اتصل بالشرطه


up 2 down 0
salem... 144
قبل 4 سنه و 2 شهر



اراحنا الله منهم 


up 1 down 1
salem... 144
قبل 4 سنه و 2 شهر



التعامل مع الي مايستحي لازم يكون حازم والمحترم يحترم انت جاي تبيع ولا جاي تهاوش للي يقول لاتعطي احد وجه ترا بدل سيارتك الف سياره لاتعطيهم الاستماره الا اذ بعت
بالنسبه لي اذا جيت اشتري اهم شي عندي اخلاق البايع اذا كلامه لطيف ومحترم ويجاوب على استفساراتك ارتاح له شخصيا اما الي ينافخ ولا مسوي ان سيارته اخر حبه اطنشه حتى لو سيارته نظيف وسعرها رخيص


up 4 down 2
كارينو 571
قبل 4 سنه و 2 شهر



توضيح لكلامي  انا اقصد الي يبي يشتري سيارتك غصب ويسحب استمارتك منك ويببعها بالسعر الي ع كيفه هذا هو الي اقصد لاتعطيه وجه  

اما عموم الناس  فالاخلاق الشرعيه لابد نتخلق بها  قدوتا برسولنا الكريم صل الله عليه وسلم 


up 1 down 0
salem... 144
قبل 4 سنه و 2 شهر



حلوه هذي شلون تخليهم يسحبونك على كيفهم
هذا اسلوبهم دايما والي جاي يشتري من طرفهم المفروض ماتسلم الاستماره لهم ولا تطلع معاهم المكتب ماعجبك سعرهم شغل موترك وامش
ومعروف المكرفون محد ينزل سيارته فيها الا وهي اصلا مضروبه ويبي الفكه منها



up 1 down 0
شويخ من أرض مكناس 2823
قبل 4 سنه و 2 شهر



اخوي عليك بالحزم والله ماهمهم غير مصالحهم وهذي حركاتهم من قديم بقصد احراجك واخذ سيارتك بالقيمة الي يبون



up 1 down 0
azeez1366 34
قبل 4 سنه و 2 شهر



ارتفع ضغطي وانا اقرا كلامك الدعوه ماهي بالغصب
حصل لي موقف مشابه لك قبل فتره لاول عمليه بيع ليه وكنت اقرا كلام واشوف التحذيرات منهم
الا هالنوعيه من البشر وحوش ماتعرفهم الا لما يمسك عليك خيط
كنت ببيع موتر لاخوي وكان داخلها وانا واقف بعيد اتفرج بالمعارض وجوه ناس كثير وقلته صمل على رقم معين اللي بيستخدم بياخذها
وكان ماشيه 14 الف ممشى بسيط المهم جاء واحد ونشب له الا ينزل منها الفين ريال ابدا خشيت عليه ودقيت اخوي بالكلام يصمل على كلامه وراح ورجع
مره ثانيه وحاول ولا نزلنا ريال راح المره الثالثه ورجع ومعاه واحد ويحاولون يكسرون لو شي بسيط صملنا وقام يتفحص وسحب اخوي بقوه وركب السياره وعشق
هنا ماقدرت اكتم غيضي وصراحه لو معي شيء احتمال شقيت راسه فيه
صار بينا نقاش حاط ونزلته
استفزني بالحركه
جو ناس كثير وتجمعوا وحتى بعضهم ادلى بتعليقه وكانوا بصفي اللي حولي وعارفين همجيه هالنوعيه
ومشى وهو ماشي رمى سومه بخسه يقاله بيرفع ضغطي ويزعلني ياشيخ قلعتك هههههههههههههههههههه
ومن بعد ذيك اللحظه صار عندي حساسيه من موضوع بيع السيارات
لاكن اللي يبيع يكون حااااااااااااااااازم ولا يفتح مجال للشريطيه تخش بعينه
لو شافوك تسكت ولا تجامل اكلوك مباشره



up 4 down 0
م.داحم 74
قبل 4 سنه و 2 شهر



اذا قدر الله واضطر الواحد ينزل الحراج 
الحذر الحذر تنزل من السيارة وتخليهم يركبون وينزلون 
بعضهم  حقود  ومسوي فاهم زيادة عن اللزوم ويجلس يعطي السيارة دعس بنزين لين تسمع المكينة تطرطع  



up 1 down 0
hussain4 851
قبل 4 سنه و 2 شهر



الشريطي لا تعطيه الاستماره ولا ورقه خاصه بالسياره 
ولا تنزل وتخليه يركب الا بعربونه 
ولا تكثر معه هرج قل بييننا الفحص واكتف 
واذا عطاك سومه قله سومه طيب واسكت 
نصيحه لاتعطيه حد معين 


up 2 down 0
غريب الدار١٣٢ 79
قبل 4 سنه و 2 شهر



و عليكم السلام و رحمة الله و بركاته,

بدايتا اشكرك على هذا الموضوع و سبق من كم يوم قريت موضوع عن الشريطية هنا في المنتدى, و مثل ما علقت في ذاك الموضوع

بعيد نفس التعليق هنا و تعليقي كالتالي, عقب ما قريت عن الشريطية و حركاتهم في بيع و شراء السيارات في المعارض

تخذت قاعدة في حياتي وهي لما ابيع سيارة مانزل فيها المعرض لأ احط ورقة في شباك من شبابيكها الخلفية و مكتوب عليها

للبيع و رقم جوالي و اللي يبيها حياه الله و طبعا سعرها ما راح اذكره الا بالمكالمة التلفونية.

سيارتي مابيعها الا للمستخدم الشريطي خله في معرضه لا شوف رقعة وجه جنب سيارتي.


up 0 down 0
بدر الباثفايندري 1115
قبل 4 سنه و 2 شهر



الله لايوفقهم والله صار لي مواقف معهم حرمت أروح لساحة الحراج وصرت أبيع واشتري من موقع حراج


up 1 down 0
aliexendr_8 104
قبل 4 سنه و 2 شهر



انت حبوب وطيوب بزياده تعال شفني لانزلت الحراج وش اسوي فيهم العبهم عالشناكل مر نقز واحد في سيارتي المهم الدنيا صيف مره وحط يده عالمكيف اول ماطلع 
طعيتها في واجه قلتله انت بتشتري ولاجاي تبرد نزل الشريطي على طول ههههههههه


up 0 down 0
ملزلز -19
قبل 4 سنه و 2 شهر