تجربة التعامل مع الشريطية للفائدة والتنبيه

23 1

لايمكنك التصويت حتى الحصول على 20 نقطة على الأقل
إضغط هنا للإخفاء

المقصر 147
قبل 8 سنه و 2 شهر

السلام عليكم ورحمة الله
اخواني نصيحة لوجه الله قبل التعامل مع الشرايطية وجب علي أذكرها هنا من خلال تجربة شخصية
في البداية كنت اسمع ناس كثير تحذر منهم ومن نصبهم وحركاتهم ولكن كنت اقول في نفسي يعني ايش بيسووا بعرضها واذا ما اعطوني سعر مناسب مشيت وخلص الموضوع لكن تفاجئت عندما عرضت سيارتي للبيع وتاخر البيع قليلا فقررت انزل المعارض اشوف السعر اول ما شافوني اتفضل ونجيبلك سعر وكذا وبعدين اعطينا الاستمارة بس عشان نحرج عليها اعطيته وبدأ ينادي ويجوا بعض الناس طبعا السيارة سعرها حول 33 او 34 الف المهم كانوا في حدود 5 شرايطية مع بعض وبدأ الناس في عرض الاسعار طبعا قالوا كم تبغى قلت انا ماني بايع تحت 31 قالوا ابشر وشوية واسمعهم يكلموا الناس على 29 و28 لين ما جا هندي اتفقوا معاه على 27 قلت لا ماهبيع وبدأ الشغل والله سعر طيب ولا هتجيب اكثر والسيارات طايحة والسيارة فيها رش ووووووووووتكفى ويبوس راسي طيب بكلمه على 27500 قلت والله شككوني في السيارة ممكن حول ساعة وواحد يسيبك يمسك التاني ترا توكل والبيع سمح وتخيلوا والله اقنعوني قهرا وقلت بس انا ما هبيع تحت 28 قالوا طيب ويضاربوا مع بعض والهندي قال لا ما هدفع الا 27500 ويسمكوني تاني تخيلوا يا اخوان من 33 الى 27500 وقلتلهم والله ماني بايع اعطيني الاستمارة خليني اروح قسم بالله ابد انو يعطيني الاستمارة اتضاربت معاهم واقول للاخ المصري الي في المكتب يااخي اعطيني الاستمارة يقولي ما اقدر كلمهم قمت اصرخ قال واحد اعطيه الاستمارة ويمسكوني تاني 3 شريطية بالتناوب ترجي وتمسح بالكلام وطلبناك وكذا والله ممكن في حدود ساعتين طفشت وقلت طيب من الزهق والله تخيلوا وسبحان الله راحوا يتضابوا عشان النسبة بينهم وسباب وراح الهندي يجيب الفلوس من بيته وقدر الله الهندي راح تقريبا من اذان المغرب الى الساعة 9 ما رجع وانا جالس من بعد العصر وقفلت المعارض ومشي اغلب الشريطية وبقى واحد فقط قلتله يا اخي شكله ماهو جاي اعطيني الاستمارة اروح ونشوف بكره اجيكم العصر نتمم قال بس تيجي قلت طيب وانا ابغى افتك قال اكتبلي رقمك اكلمك بكره والله كاني ردت في الحياه واخذت السيارة وقلت تووووووووووووووووووبة انتبهوا يا اخوة والله الموضوع اكبر مما تتخيلوا ولا احد يتخيل انه بيغلبهم ابدااااااااااااااااا مستحيييييييييييل طرقهم وحيلهم لا نهاية لها وحسبي الله عليهم والله اخلفني خير وبعتها بسعر طيب بفضل الله تعالى بس صبرت شوي وجاها ابن الحلال هذي النصيحة عن تجربة لوجه الله للفائدة للجميع

إبلاغ

الردود