أضف سؤال أو موضوع جديد          

المواضيع الغريبة في موقع حراج

up 24 down 9
صاحب سموه 533
قبل 5 سنه



السلام عليكم

كل يوم يطلع لنا موضوع في موقع حراج غريب . الي يقول اعلن لك في موقع حراج بفلوس
والي يقولك . اسويلك حساب في الهوتميل وتويتر بفلوس
الخ

ولكن الامر صار أكبر من كذا . نصب عيني عينك
طبعآ نصيحة للاخوان ... أي شخص يقولك ضمان شيكات قل بلها واشرب مويتها
انا شخصيآ ضحية الشيكات. القصة سلمكم الله. قدر الله وبعت سيارتي اقساط على واحد وعطاني ضمان شيكات +كفيل
الكفيل . راح ولا شيف دربه وهذاك قال الشيكات عندك اشتكني. يوم رحت للشرطة على طول قالو محكمة العامة اصدر صك
ويوم رحت المحكمه العامة مماطله 4 شهور عشان صك : بعد هالصك محكمة التنفيذ وثمانيه شهور : عشان حكم
المهم لمى حكم عليه الشيخ يسدد او ينسجن بكل برود قال اسجني. بعدها بـ6 شهور الا لجنة الاصلاح تدق علي
تقول تعال يوم جيت :قالوبنطلع الرجال عشان يسددك قلت مايطلع لين يسددقال افضلك قلت اسف:بعده بشهر
المحكمة تدق تقول عندك جلسه عند الشيخ يوم رحت قال الشيخ نبي نطلق صراحه عشان يسدد وبعد سنةان ماسددت رجعنانسجنه؟؟؟؟؟














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك
من امن العقوبة الخ 
كلوه كوم والمحاكم كوم لاتاخذ ابيض ولااسود
سالت مرة محامي قلت ليه الواحد حقة شبه ضايع باالمحاكم
بخصوص المطالبات المالية وليه دايم القضاة بصف المطلوب باالدين
قالي عشان ماحد يقرض احد وعشان الناس تتادب 
الوكاد بيع كاش واشتر كاش 
فيه طريقة رهن العقار طاحو فيها اصحاب التقسيط طبعا مبالغ
من خمسين الف وانت طالع اذا رهنت العقار يجيك ركض يسدد
وكان الله بعون الجميع


up 4 down 2
باترول 2020 2624
قبل 5 سنه



الله لايحوجنا للمحاكم بجاه ذا اليووم ويبعدنا عنها

ناس كثير تطارد قضايا لهم سنين م طلعو بنتيجه 

جلسه اليوم والجلسه الثانيه بعد سنه ي الله في العافيه

الله يكفينا شرها ذا المحاكم تشيب الراس بلاويها ومواعيدها ي دافع البلا ..


up 7 down 1
abo abdalazzez 25
قبل 5 سنه



هذولاء النصابين لهم زباين من الناس وكثرة اعلاناتهم دليل على استمرار عملهم
الله يكفينا شر من فيه شر والله يرزقنا الرزق الحلال


up 3 down 0
mr mansour 110
قبل 5 سنه



هذا النصب بكل مكان  هنا بحراج بذكر لكم 

قصة حصلت لااحد اقاربي. دخل على الموقع يبغى يدور مكينه 

لسيارته كامري. وحصل اعلان واتصل عليهم وردو عليه 

وقالو المكينه موجوده وعضمان شهرين. بس المشكله 

هم في تبوك وهو بالرياض. وحول لهم المبلغ. 

والا يومك ذا لاارسلو مكينه ولا شي. 

واشتكاهم. ولاحين ماصار شي له اكثر من سنه 

ونص. مااقول الله يسترنا وبس 


اخوي سبحان:انا لي 9 شهور مشتكي نصاب في مركز الشرطة : والله لوقتك هذا حتى برنت من البنك ماطلبوه

أهمال ابعد المستويات في اقسام الشرطه : مايتحركون الا اذ فيه مصيبه ياسرقه ياقتل ياهوشه . ولايتحركون الا اذ كان هالشخص مسجون عندهم
غير كذا انسى. انت ذكرتني بالي يدورون سيارة اخوة المتوفي ومبلغين اقسام الشرطه وبالاخير لقو السياره واقفة عند قسم شرطة النظيم؟؟؟


up 5 down 3
صاحب سموه 533
قبل 5 سنه



موضوعك ممتاز
اي شخص بيحتاج فلوس بيسأل اقرباءه ثم جيرانه ثم زملائه بالعمل ولكن اذا وجدت شخص غريب يسأل هكذا فأعلم ان جميع معارفه رفضوا اعطائه اي قروض وذلك لسوء معاملته ،



up 8 down 0
عمده33 1664
قبل 5 سنه



المشكلة في المحاكم والعقوبات
اقترح ان تفتح المحاكم ابوابها 24 ساعة( مثل المستشفيات)
وان تفتح كلية لتخريج القضاة في كل مدينة وقرية
وان يفصل في 99% من القضايا خلال 72 ساعة فقط ( و ال 1% خلال 30 يوما على الاكثر)

العقوبات : تكون رادعة : سجن فترة طويلة...غرامة مالية كبيرة...منع السفر 5 سنوات...يمنع من اي وظيفة 5 سنوات
عقوبة القاضي الفاسد : ضعف اي عقوبة ينص عليها القانون: مثلا عقوبة تستحق 5 سنوات سجن مع 100 الف غرامة ..اذا كان القاضي مرتشي فيها او لم يحكم بالحق :10 سنوات و200 الف عليه

راتب القاضي: 50 الف على الاقل
دوام القاضي: 5 ساعات فقط باليوم

ان لم تكن العقوبات رادعة (كقطع يد السارق) فالمجتمع الى زيادة من السرقة والقتل واكل المال الحرام وقطع الاشارة ...و...


up 14 down 3
aboosama08 129
قبل 5 سنه



ياناس انتم تتكلمون عن ايش؟ نكذب على بعض يعني؟؟؟

انتم شايفين حال العسكر الي عندنا ثقافتهم صفر في صفر:
مأفيه تطوير الجندي : يدخل دورة فرد اساس 3 شهور : بعدها دوره تخصصيه 3 شهور : ثم تخرج؟؟؟ مافيه اي تطوير
المفروض : يكون اقل شي سنتين عشان يتخرج. يكون تطوير لنفسه ولثقافته : ووشلون يتعامل مع الجمهور . وتسويع ثقافته

ثأني شي السجون وما ادراك مالسجون. السجون فترة نقاهه عند كل المجرمين؟ والله أتذكر رايح أودي تذكره ل عامل عندي سفروه
شوي مطلعين لهم سجين وجايب اخوة جواله يكلم اخوياه يقول كنت في نوزيلاندا؟؟؟
غير أنتشار المخدرات بانواعها .. غير مافيه اي تاهيل او تطوير . ياخي كنت ملحق عسكري في النمساء واخذونا جولة في السجون والتعامل
السجون لحاله تشرح النفس . ولمى اطلعونا على الجدول :يشغلون السجناء في شي مفيد لهم مايتركونهم في حالهم
الصباح حصه رياضيه : بعدها الي ماكمل دراسه يروح للفصول الدراسه: او يروح للورشه المهنيه يتعلم مهنه. او تطوير الذات والنفس
الظهر وجبت غداء.. بعدها قيلوله : العصر وقت ثقافي.كل واحد ماسك كتاب. المغرب وقت السوالف والضحك: العشاء الكل نايم

فوق كل هذا الملابس من السجن :وكل شي من السجن : ولازم نظافه يوميآ... عندنا يدق يبي ملابس :ويشتكي يقول مافيه صابون
ولافيه منشفه؟؟؟ وفوقها يبي مصروف عشان بقاله؟؟؟؟؟؟؟؟؟؟؟؟؟؟

أنت أذ بغيت تطوير شي . طور البنية الي عندك: اغلب المدارس مستاجره :اغلب اقسام الشرطه مستاجره : اغلب العاملين فيها
ماعندهم ثقافه ابدآ

مافيه عقوبات رادعه للحرامية والي يسرقون وأصحاب الفساد... المساواه بين اصحاب المعالي والمواطنين مافيه معدومة
عندنا : اول شي تسال عنه تعرفلك واسطه : تعرفلك امير؟؟؟؟؟


up 11 down 2
صاحب سموه 533
قبل 5 سنه



موضوع ممتاز احييك عليه


up 1 down 0
rashidy 352
قبل 5 سنه



الضمان هو الشيك المصدق من البنك او رهن عقاري او اي سلعة توفي قيمة الدين

اما شيكات عادية او حتى 20 كفيل حكومي هذه ماتسمى ضمانات

واللي يقول البنوك تعطي بدون ضمانات بس بتحويل راتب واتفاقية طبعاً لأنه كل القروض مؤمن عليها ويتم سدادها للبنك بعد تعثر 6 شهور
اضافة ان البنوك تجازف لأنه هذه وظيفتهم في ادارة المخاطر ان تتم الموافقة او لا


up 0 down 1
chevrolet zr1 611
قبل 5 سنه



زين انه انسجن خصمك... انا عندي قضية شيك بدون رصيد و بعد سنة و نص اصدر القاضي ايقاف خدمات و امر الحبس و الى يومك صارلي سنتين و الشخص يسرح و يمرح ماحد حوله


up 1 down 0
salshow 37
قبل 5 سنه



عزيزي شفرليت .الشيك المصدق . هوالشيك الي يحمل قيمة نقدية جاهز للصرفه .. اما الشيكات الاخره تلقى عليه مكتبو شيك بالاجل
يعني متى ماتوفرت الفلوس تلقاها

اما المصدق ينخصم قيمة الشيك من الرصيد دايركت سلمك الله


up 0 down 0
صاحب سموه 533
قبل 5 سنه



المحاكم والحقوق يبيلها واحد فاضي وماطاردات
حتى لو عطاك ضمانات اكيد بيسحب لان الحقوق بتجلس فيه مماطله لحد ماتاخذ حقك والواحد هالايام مشغول بدوامه والتزاماته مب فاضي يطارد فالمحاكم

انا كفلت واحد من الجماعه فبنك التسليف ونكب حضي ولا سدد وابتلشت فيه
بعدها وقفت اساعد اي احد خصوصا فالامور الماليه
نفسي نفسي لاتسلفني ولا اسلفك ولا كفاله حتى


الاستقطاع.    الاستقطاع.      يقدر صاحبه يوقفه متى ماأراد.         يعني البنك. اذا قال له استقطع من راتبي مبلغ كذا يستقطع
واذا كتب ورقه بوقف الاستقطاع يوقف.       لو فيه نظام في البنك.     يجيز للبنك. استقطاع المبلغ كامل.      الي النهايه ويحوله
لحساب المستفيد كان زين
انا استقطع مني الكفاح التقسيط       ١٢٩٠.    يوم نويت اكيشهم.     وقفته بورقه


اخوي صاحب سموه 

كﻻمك صحيح ميه بالميه 

طالع في المستشفيات انواع الاهمال والقذاره والشرطه تروح تشتكي على واحد وهذاك عنده واسطه اعرف حقك ضايع مليون بالميه 

ما نبغى نزود الكﻻم عشان ﻻ يصير مشاكل 


الي مافهمته سالفه شيك مصدق شلون يعطيك شيك مصدق يعني البنك يحجز على مبلغ مووجود مسبقا وبنفس الوقت يبي سلف

العمليه احتيال واعجبتني مقولة الاخ عمده33 يوم قال اكيد هالشخص سمعته سيئه ومرفوض من مجتمعه لسوء تعامله. جابها على الجرح


up 0 down 0
abdullah.ags 395
قبل 5 سنه



اخ صاحب سموه..كلامك صحيح اعرف معنى الشيك المصدق لكن انا قصدي الضمان مافي شي اسمه ضمان بشيكات عادية
تبي تضمن يعني لازم مصدق وهذا بدون شك مارح يصدق لك واحد يبي سلف مثلا او سيارة اقساط الا اذا يمتلك عقار مايحب يبيعه


up 0 down 0
chevrolet zr1 611
قبل 5 سنه



شف : فيه سالفه قد مرت علي .. يقول واحد راح بيتسلف : المهم الرجال راعي مماطلة وقلق . راح له رجال قال اسمع ياطويل العمر
انت رجال معروف : ولا انت عديم النسب ولاذليله . ولكن انا مابيه لي ولا ابيها ضمان انا مصدقك . انا بس عشان الدنيا حياه وموت

وانا بسجل ورقة ان اذ مت يسقط الرهن وتسدد الي عليك اقساط . الي عليك بس ارهن لي بيتك عشان عيالي يرتاحون
وهذي ورقه اني بسقط نص ديني لامت... المهم الرجال طمر وارهن البيت . الرجال يبي سلفه بالمهل سنة. والله يوم كمل سنه قال سدد
قال ماني مسدد الرجال نسى سالفة رهن البيت : ويروح الي مسلفه للمحكمة ويشتكي : ويقرر الشيخ بيعة البيت: الرجال يقول ماصبحنا الادراهمي بفوايده عندي


up 1 down 0
صاحب سموه 533
قبل 5 سنه