أضف سؤال أو موضوع جديد          

مكيف BMW 730 يشتغل مع تشغيل السياره ؟ كيف اطفيه ؟

up 12 down 4
ابو يزيد 000 8712
قبل 4 سنه و 7 شهر



السلام عليكم ورحمة الله وبركاته

كيفكم ان شاء الله طيبين

قبل كل شيء , اشكر كل من سأل عني بغيابي , وأبشركم انا بخير , والله يسعدكم دنيا و آخره ويحفظكم جميعاً

ندخل بالموضوع

الوالد شريناله بي ام دبليو 2007 حجم 730

وصراحه عندي استفسار مهم جدا بخصوصها


الحين كل ما شغلتها , يشتغل المكيف معها اوتوماتيك !!!!

وهالشيء بنظري سيء جدا ويعدم الكرومبوسر

وشفت أكثر من بي ام خربان مكيفها , واعتقد هذا سبب خرابها , لانه يشتغل مع كل تشغيله اوتوماتيك

ولا ودي يخرب المكيف علينا :(


فابغا طريقة , بحيث ان المكيف ما يشتغل مع تشغيل السياره نهائيا

ابغاه زي اي سياره ثانيه , انا اشغله بنفسي واطفيه بنفسي , ما ابغاه يشتغل من نفسه مع التشغيل

وبارك الله فيكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هلا ابو يزيد 

انا كانت معي 2014 كان اطفيه واشغله عادي 
اظاهر تخليه على lo يطفي بعد 5 ثواني جرب 
لاني ناسي نظامها كانت قبل سنه وزياده وبعتها 



up 3 down 0
ابو ابراهيم2021 350
قبل 4 سنه و 7 شهر



هذا الشيئ بكل سيارات بي ام دبليو و شيئ طبيعي
و ما يخرب الكمبورسر ياخوي الشركة ما ضبطته بهالطريقه بدون سبب
له فاصل اتوماتيك ما يشتغل الكمبروسر الا بالوقت المناسب يعني ما يشتغل على طول
و انصحك لل تلعب فيها و بالكهرب علشان لا يطلعلك مشاكل انت بغنى عنها


up 7 down 0
حوسةة 194
قبل 4 سنه و 7 شهر



ليتكم خذت 2009 الشكل الجديد افضل لكم 
الله يعطيكم خيرها 


up 2 down 0
ابو ابراهيم2021 350
قبل 4 سنه و 7 شهر



فرق سعر بين 2008 و2009


up 2 down 0
mm88zz 85
قبل 4 سنه و 7 شهر



حبيبي الكمبريسور مهو مع دقة السلف يشتغل

يشتغل بعد اشتغال السيارة بثوان لاتزيد عن خمس ولاتقل عن ثانيتين
مافيه ضرر وكل السيارات الحديثة كذا لاتخاف



up 4 down 0
أبو ثامر 1982 118
قبل 4 سنه و 7 شهر



بس في البرد.    مايبيه.    بأخوان. واذا في البرد يبي يكتمه.   لاني في البرد ما اشغل لاحار ولابارد.     ماعندنا برد. 
الا احيانا لاسرينا من البر.  شغلت الحار.  لكن داخل المدينه الحار مضر.  
عموما للشيخ ابا يزيد اقول لابد ان لها طريقه.     ابحث وإذا لم تجد عليك بالورش المتخصصه.   وخاصة الاخوه الشوام


up 1 down 2
عبدالله الشفيعي 1440
قبل 4 سنه و 7 شهر



مشالله تبارك الله


up 1 down 1
شويخ من أرض مكناس 2824
قبل 4 سنه و 7 شهر



حيا الله ابو يزيد نورت المنتدى والف مبروك البي ام والله يعطيكم خيرها ويكفيكم شرها يارب بالنسبة للمكيف اعتقد الدعوة برمجه لان كان عندي ماركيز امريكي النور على طول شغال ليل ونهار ورحت لورشة البيان وشالها بكمبيوتر لابتوب من كمبيوتر السيارة وبالنسبة للكمبروسر ما اعتقد يخرب بالطريقة هذي وعندي في اليوكن 2013 مع التشغيل عن بعد على طول يشتغل ومروحة التبريد تشتغل على اقوى شي لمدة دقيقة او اقل وحتى لو السيارة بارده


up 1 down 1
ابوخلوودي1 5069
قبل 4 سنه و 7 شهر



شوف هالموضوع
http://www.gulfbmw.com/vb/t30964.html


up 1 down 1
bmw z4 1485
قبل 4 سنه و 7 شهر



حياك الله يا ابو يزيد والله يعطيك خيرها ويكفيك شرها

و ماتواقع يخرب من هذي الحركة لأن ما يشتغل على طول مع السيارة

وبالعكس تعتبر هذي ميزة بنسبة لي عشان الأجواء عندنا


up 1 down 1
شبح 600 sel 6081
قبل 4 سنه و 7 شهر



لو بيخرب كان خرب من عام 2007 وانت الان 2016 يعني 10 سنوات

أي سياره مكيفها الكتروني وفصلت السالب ورجعته يرجع على ضبط المصنع ويشتغل بعد ماتشتخل السياره

ولو تدقق بتلاحظ ان المروحه فقط اللي تشتغل

كونو مع التقنيه وتجنبو احس و واعتقد و قيل و قال و يمكن و ضد

اصنعو بعدين تفلسفو ^_^


up 3 down 3
abdulaziz al-malki 981
قبل 4 سنه و 7 شهر



السلام عليكم

شي طبيعي اخي الكريم

الحل اضغط الزر وطفيه وبعدها بتتعود عليه


بالتوفيق


up 2 down 0
yamani_2002 53
قبل 4 سنه و 7 شهر



أشكر جميع من شارك , وبيض الله وجيهكم , ولا حرمنا فزعاتكم

bmw z4 , دخلت على الموضوع , وصراحه مافهمت كثير , ممكن لان سيارة صاحب الموضوع 2001 وتختلف عن 2006 الى 2008

لانه يقول فيه زر يطفي المراوح و فيه زر يطفي المكيف وفيه زر يطفيهم كلهم , وصراحه ما حصلت ولا زر من اللي قالوه بسيارتنا :(

عندي 3 ازرار

اول شيء ( off ) ثاني زر ( يشغله وعليه رسمه ثلج ) ثالث زر ( يشغله ومكتوب على اوتوماتيك )

فانا اذا شغلت السياره , يشتغل المكيف مباشره مع التشغيل , واحصل اللمبه الخضراء شغاله بالزر الثالث الاوتوماتيك

فسرت اضغط الزر الثاني , وتشتغل اللمبه الخضراء عنده بدل الاوتوماتيك

واجي اطفي المكيف اذا جيت اوقف من off

واذا شغلتها ( غالبا يشتغل المكيف _ واحيانا احيانا ما يشتغل )

____________

بخصوص رد عبد العزيز المالكي

يا مرحبا فيك

بخصوص ردك

انا كنت ادور للوالد BMW 2006 - 2008 ومرت علي اعلانات كثيره , مو اعلان ولا اعلانين

كنت أشوف عشرات الاعلانات

وتقريبا كل 10 اعلانات أحصل 2 الى 3 سيارات , تحتاج صيانه مكيف او مغير كرومبسر جديد بقيمه 3500 !!!

فما كتبت هالموضوع بمجرد احساس

لا

شفت سيارات خربان فيها

وهذا ما قصر كمل 10 سنين

تبغاني اخليه لين يخرب !!

بالعكس خلني احافظ عليه واسير اشغله اذا حمت السياره

افضل من انه يشتغل على طول مع التشغيل

____

وبالختام

اشكر الكل من اعماق القلب

والله يجزاكم الف خير

وتسلمون جميعاً :)


up 2 down 0
ابو يزيد 000 8712
قبل 4 سنه و 7 شهر



البي ام هذا نظامه إذا جيت تطفي السياره طفيها عادي لوالمكيف شغال وإذا شغلتها يشتغل معاك الهوايه فقط انت تضغط ac ويبرد معك 


up 0 down 0
ملزلز -19
قبل 4 سنه و 7 شهر



فيه نقطه غفلت عنها ، لو الكتلوجات عندك بالعربي ليش ماتقرا فيها وتستفيد

أكيد تكلموا عن المكيف وحاجات كثيره ثانيه ، أتمنى لك التوفيق .


bmw ياشباب ترى غير المرسيدس بكثير
هي عبارة عن مجموعة تكلونوجيا كثيرة يجب من عندة السيارة يراعي انها ليست فقط شغل وامش
هي حساسة لان التكلونوجيا كثيرة فيها بالكامل ويجب تغيير الفقط الاستهلاكية بانتظام
كذا الفلاتر التي كثي يغفل عنها والحساسات المنتشرة بالسيارة
-- اعط السيارة حقها تعطيك الراحة والهدوء ه
هذا غير تكنولوجيا الامان بعد الله تعالى التي اخذت الدرجة العليا بتصنيف الامان العالمي للسيارات
المرسيدس عكسها الامان موجودواالقوة وغيرها لكن ليست حساسة بكثير مثل البي ام دبليو تقبلو مروري وشكرااا


up 0 down 0
الحكيم 7777
قبل 4 سنه و 2 شهر



اللي عندة البي ام لا بد ان يراعي المثل اللي يقول عطني واعطيك وفيدني وافيدك
الصيانه الدورية للزيوت والفلاتتر والقطع الاستهلاكية حتى الكفرات مش كفر والسلام


up 0 down 0
الحكيم 7777
قبل 4 سنه و 2 شهر