كفرات السيارة الاجار من يتحملها

كل شي يتحمله المكتب . مابقى الاتغير لهم زيت

اذا كان منك انت تتحمله يعني ضربت فيه حفره او شي وانسلخ
اما اذا انت اخذها وكفرها مهلوك او قديم المكتب يتحملها
والمفروض يعاقب انه ياجر سياره كفراتها تعبانه لان الكلام
ماهو انه يتحملها وبس الكلام انها ممكن تشكل خطر على المستاجر

ولد اخوي استأجر اكسنت والكفرات ممسوحه اللهم انه ضرب واحد من الكفرات عليه بالخط مشى عليه لين البنشر ، وحط الاستبنه .. 




كلفني ارجع الاكسنت مكتب الايجار لأنه راح دوامه رجعت السياره المكتب رفض يستقبلها قال ادفع قيمه كفر جديد بمبلغ وقدره !! 

طبعا المصري عنيد ومايصدقه يحصل الزله ، قال اذا مادفعت انت يرضيك اني ادفعها من راتبي؟؟

 اضطريت ادور في البناشر كفر مستعمل حصلت واحد ب60 ريال ورجعت السياره وقفل الايجار .. 

بصراحه ماكان عندي سياره تصلح لسفر ،،و لي تجربه مريره في مكاتب التاجير 3 مرات الله لايعيدها ويغنينا وياكم عنهم كانك بتاخذها بلاش بطاقة عمل وبعظهم يصرفك والسياره واقفه عند الباب لانه مابلعك ، واذا استاجرتها وجيبت تسلمها وقفك زي الكلب عند الباب وراح يجربها ويفحصها ،،، اخ يالقهر ،،
واذا تعدت ساعه راح وحسبها يوم كامل من النصب والاحتيال والرابعه كنت مسافر وتعطلت السياره وسحبو فيني جدد الرخصه وجددها واخر شي قال نبي بطاقة فيزا شي مؤسف واضطريت اجي مع كداد ، بعائله ، اخر شي قلت اطلع موتر اقساط والحمدلله والشكر وعلى الاقل نار اقساط ارحم من المكاتب واحتيالهم ،،

الكفرات يتحملها مكتب التأجير و اذا غيرت كفر او غيرت زيت خذ فاتوره من البنشر ويخصمها من قيمة الاجار  و هذا نظام كل مكاتب التأجير  

عن تجربتي بمكاتب التاجير ، ، الكفر تتحمله انت حتى لو كان مهلوك بيقولك ليش استلمتها من البدايه اذا كفرها مهلوك مره انصلخت علي 3 كفرات تخيل بيوم واحد وقالو لي ادفع حق الكفراتء وتهاوشت معاهم وحطوني بالقائمه السوداء الى يومك هذا. 

قبل ما تستلم السياره افحصها كأنها بتشتريها ولو فيها شئ رجعها لهم في نفس الوقت

مشكورين يا اخوان على الردود

مرة استاجرت من كبري الخليج بخريص والحمد لله من النوع اللي أخاف الله بحلال غيري فبعد مارجهت السيارة الموظف المصري هداه الله قام يتهمني باني ضربت كفر برصيف وبان الكفر به شق وأنا ماضربت لارصيف ولاشيء ويبي يحملني قيمة الكفر والحمد لله عند الحق والله لو وش مايصير
المهم رضخ للأمر وعطاني تأميني
......

مكاتب التاجير لما تدخل علي يقول حنا مسولين عن كل شي
وتكتشف لما تاخذ السياره الزيت تعبان مره وكل الزيوت ناقصة والكفرات الله ب الخير واذا صار شي قال ادفع
مره اجرت سياره يوم رجعتها القير ما يعشق مضبوط علما ان قال لي ما عليك شي لما خذتها منة ولكن يوم رجعت قال حط
مبلغ تحت الحساب ونشوف الورش وهوشة اخر شي طلعت شيكت السياره لقيت زيت الكلتش ناقص مره عبيته من جيبي والاور تمام
رجعتها له وخلاص بلا تاجير و وجع راس والامر لما تدخل عليهم قالو اقل شي اجار 3 ايام