أضف سؤال أو موضوع جديد          

الفرق بين مانع الذبذبة والكتاوت ومتى تحتاجها

up 15 down 3
ابو هيثم 7 2253
قبل 4 سنه و 6 شهر



السلام عليكم ورحمه الله


الموضوع يخص الزينون سواء كان وكاله أو تركيب ..

الملاحظ بالاونه الاخيرة اي واحد يشتكي من الزينون ويروح لمحلات الزينه علطول يقولون له ركب ظفيره ؟؟؟ وتلقاه يركبها ومايستفيد شي

طيب السؤال اللي يطرح نفسه.. متى تحتاج ظفيرة ومتى تحتاج مانع ذبذبه ؟

اول حاجه تعريف الظفيرة ( او الكتاوت ) عبارة عن مجموعة اسلاك طولها متر واحد تقريبا هدفها الرئيسي تنظيم الكهرباء وتشبك على اقطاب البطارية .. فيه منها انواع لكن الافضل الظفيرة اللي تجي اسلاكها معزولة ولونها اسود واحمر وبداخلها فيوز 25 امبير..

((حاول تبتعد عن الظفيرة ام اسلاك صفراء لانها تجارية واسلاكها تذوب بعد فترة))

نجي لمانع الذبذبة اللي هو عبارة عن مكثف يركب بعد محول الزينون ووظيفته تخزين جزء من الكهرب مؤقتا .. وبداخله حساس يستشعر اي ضعف او تردد بالجهد الكهربائي .. واذا حس ان فيه ضعف علطول يصرف الكهرب المخزن لمحول الزينون بجزء من الثانية

طبعا مانع الذبذبه ذا مهم جدا للسيارات الكوريه .. وحاليا فيه محولات زينون اسمها X55 و X35 ميزتها انها تجي بكتاوت ومانع ذبذبه جاهزة مع المحولات .. والفرق بين الاثنين هو زيادة شده الاضائة بنسبه 20 % لمصلحه X55 طبعا .. لكن الغريب ان كلها تسحب 6 امبير كحد اقصى

خلاصه الكلام .. اذا شغلت الزينون ولقيت شمعه شغاله والثانيه طافيه فأنت بذا الحالة تحتاج كتاوت .. اذا الثنتين كلها شغاله بس وحده ترمش هنا تحتاج مانع الذبذبة

اول 3 صور للظفاير .. الثلاث اللي بعدها للموانع لانها تجي اكثر من شكل
















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


مشكور ابو هيثم على المعلومه والتوضيح


up 4 down 0
الرفاعي33 13911
قبل 4 سنه و 6 شهر



يعطيك العافيه +1 لايك للجميع


up 2 down 0
هاتف1 118
قبل 4 سنه و 6 شهر



موضوع مفيد جدا و كلامك صحيح
مايستغربني الا الزبون اللي يجي و يقولي ابى اركب عدسات و يكون انارة قوية
و تركب.دايركت بدون توليف مثلا شمعات كامري العدسة رايحه مرة
ولكن مايبى يولف ليش ؟ يقولك شمعه وكاله طيب الشمعه ايش حتستفيد منه لو النور مضروب ؟
و اللي يجيك و يقولك ابغى اركبها هيلا بس بدون توليف مثلا في الماركيز و غيرها يعني هيلا عدسة كبيرة كيف حتركب بدون توليف ؟


up 1 down 0
fowad 123
قبل 4 سنه و 6 شهر



































عليكم السلام ورحمة الله وبركاته 
سيارتي مركب عليها كتاوت الاصفر 
فاشل دايم تحترق الافياش مالقيت الاصلي 
مو موجود عندنا بالسوق وماصار لي مركب زينون ١٠٠ واط اخذته ب ٧٠٠ ريال  وفيه مربع اسود نفس اللي بالصوره يجيك المحول طالع منه سلك وفيه مربع اسود وطالع منه سلكين 
فيهم افياش اللي تشبك عليهم اللمبه 
للمحول .. انا مادري وش له المربع
وحتى راعي الزينه مايعرف 
مدري حق ايش هو اللي تقول عنه مانع الذبذبه !!
مانع الذبذبه كيف شكله ياليت تنزل الصوره
وتوضح لنا اكثر ..


up 0 down 0
w.asa 2027
قبل 4 سنه و 6 شهر



السموحة منكم اخذت مسافة بالرد اللي فوق 
بالغلط 


up 0 down 0
w.asa 2027
قبل 4 سنه و 6 شهر



الزينون الجديد ما شاء الله مطور ما هو مثل اول ما طلع كان تركيبه توليف و سعره غالي و لازم تسوي له تمرين  أما الآن ركب الزينون و انسى  إلا كما ذكرت في بعض الأحيان يحدث ترميش  مشكور على موضوعك المفيد اتمنى لك التوفيق  


up 0 down 0
افكار جديدة 662
قبل 4 سنه و 6 شهر



اخوي w .asa

اذا انت تقصد المربع الكبير بالظفيره وعليه كتابة بالابيض هذا سلمك الله يسمونه القاطع او الريليه .. وظيفته الاساسيه يقطع الكهرب العكسي اللي بين الدينمو والبطارية ويسمح للكهرب بالمرور باتجاه واحد فقط (( يعني تقدر تقول انه يحميك بعد الله من شر الالتماس ))

اما اذا انت تقصد المربع الثاني واللي طالع منه سلك واحد صغير ولونه احمر ويشبك بقطب البطارية الموجب .. هذا الفيوز ووظيفته التحكم بحجم الكهرب بشكل عام .. بمعنى اذا وصله كهرب زايد عن 25 امبير يقص الفيوز ويمنع احتراق السيارة

بالنهايه الفايده من الكتاوت هي تنظيم الكهرب بحيث انه مايزود ولاينقص ولايرتد بشكل عكسي .. حتى لو مااستفدت منها بتقويه الزينون عالاقل تستفيد من الامان اللي فيها .. والصور موجوده لكن اضفت صرتين زيادة عشان توضح اكثر


up 2 down 0
ابو هيثم 7 2253
قبل 4 سنه و 6 شهر



جزاك الله خير

ليتك كاتب هالموضوع قبل مدة لاني عانيت من سالفة الترميش ومن قوة الترميش تطفي اللمبة

ومن ناحية الظفيرة الصفراء نعم فاشلة والآن عندي فيش لمبة الواطي للشمعة اليمين مايع شوي

وبغيت اسألك قبل اسبوعين طلبت لي لمبات LED الشكل الجديد بدون مروحة بس للآن ماجربتها

وفيها مربع لونه كروم مكتوب عليه CAN BUS DC:9V-16V

هل هذا مانع ذبذبة ؟


up 1 down 0
dark evil 430
قبل 4 سنه و 6 شهر



يابو هيثم بختصار شف صورة محول الزينون 
طالع منه مربع اسود حق ايش ؟


up 1 down 0
w.asa 2027
قبل 4 سنه و 6 شهر



اها انت تقصد المحول .. شف طال عمرك المحول فيه مربعين الاول طالع منه فيش اسود وسلك احمر صغير هذا القاطع

الثاني طالع من المحول وفيه سلك احمر وازرق ويركب باللمبه وهذا مانع الذبذبة .. وعشان ماتلخبط بينهم خذها قاعده عندك (( الذبذبه وين مصدرها ؟ من المحول نفسه .. فطبيعي يكون مانع الذبذبه بعد المحول وقبل اللمبات ))

ومشاكل الكهرباء وين مصدرها ؟ مصدرها مغذي الكهرب او الفيش فيكون القاطع بعد فيش الكهرب وقبل المحول .. لان الهدف هو حمايه المحول من التيار العكسي لان ( السلك الاحمر اللي جنب الفيش هذا كتاوت موصل باقطاب البطاريه السالب والموجب وصحيح انه مايظهر بالصورة لكن انت بالخيار تركبه اولا ))

انا يوم اشرحلك فوق عن الظفيره كنت اقصد الظفاير المستقله اللي يكون فيها قاطع وفيوز واسلاك .. اما المحول ذا فله ظفيرة (( خاصه فيه )) تتكون من اسلاك وفيوز فقطط اما القاطع فمكانه قبل محول الزينون زي ماذكرت وهذي حركه مممتازه واهنئهم الصراحه .. ناوين يحمون المحول من التيار العكسي سواء كان مصدره الكتاوت او حتى فيش الكهرب العادي حق السياره


up 1 down 0
ابو هيثم 7 2253
قبل 4 سنه و 6 شهر



اخوي :dark evil نعم هذا مانع ذبذبه .. و اختصار V In 9_ 16v ومعناه ان الجهاز يستطيع سحب 9 فولت وتكثيفه واخراجه على حجم 12 الى 16 فولت كحد اقصى

وبعض الاحيان تلقى كلمه capacitor ومعناها مكثف او مانع ذبذبه

وللاسف احب اقولك ان اناره الليد فاسله جدا ومداها قصير ومستحيل مستححححححيل تعطيك شعاع قوي زي اناره الهالوجين او الزينون .. اذا تبي رايي رجعه واذا ماسمح البايع قله انا اسف طلبت مقاس لمبه غلط ؟ وبدل اللمبه وركبه بالكشافات

لان الليد الصيني ذا ماينفع الا بالكشافات ولاينفع بالواطي نهائيا .. ويختلف بقوه الاشعاع فيه منه 800 لومين وفيه 4500 وكلها ماتصلح للواطي .. البعض يقول طيب شف المرسيدس والبي ام معتمدينه على سياراتهم من عام 2014 ولحقهم شركه لكزس بعام 2016 اقوله الليد الاصلي شي والتجاري شي ثاني .. للمعلوميه جيب اللكزس الواطي يجيك ليد ؟ لكن فيه 3 عدسات مب عدسه وحده .. قد تكون اللمبه وحده ولكن انارتها على 3 جهات فركبو 3 عدسات والله اعلم .. حتى الان ماشفت احد فكها وشاف وش داخلها


up 0 down 0
ابو هيثم 7 2253
قبل 4 سنه و 6 شهر



حلو الظفيره ام اسلاك اسود واحمر بس الفيوز يطفشك كل شوي ينقص كل ماجاء الكهرب مشكله راح فيها خصوصا كهرب الفورد معقد ابعد وماتحصلها هالضفيره دورت ماحصلتها وعيب الضفيره الصفراء ماهو بالاسلاك العيب بالكتاوت اللي هو المربع الكبير لونه اسود  يعني تدق العالي مايشتغل تدق الواطي يشتغل تدق العالي يشتغل واذا كل يوم تمشي على نور واطي مايطفي واحيانا يعلق على نور واحد احيانا العالي احيانا الواطي واحيانا ونادرا تطفي جميع الانوار يبقى شغال غير تطق الفيش يكفي مباشره  هذي مشكلتها ولا اسلاكها قويه 


up 0 down 0
نواف الحربي4 323
قبل 3 سنه و 10 شهر



اخوي عندي سوال مهم  عن الضفيره ارجوا تفيدني


up 0 down 0
نيسكافيه 114
قبل 3 سنه و 5 شهر



انا عندي محولات nhk g55 55wبمانع ذبذبة
هل يحتاج اركب ظفيرة من باب زيادة الحرص والامان ؟؟

ارجو الرد


up 0 down 0
mobd3e
قبل 2 سنه و 9 شهر



لاتحتاج الا اذا اكثر من 55


up 0 down 0
أكسسوارات سيارات 33 1
قبل 2 سنه و 8 شهر



اخوي عندي النترا 2017 وبركب عليها اجهزة الفاكس ار في العالي
هل احتاج ضفيرة و مانع ذب ذبة في نفس اوقت او مانع ذب ذبه فقط 
فيدني ي غالي 


up 0 down 0
hussein ahmad 2615
قبل 2 سنه و 4 شهر