طرمبة البنزين وحساس الهواء
14
1
إضغط هنا للإخفاء
السلام عليكم ورحمة الله وبركاته
الموضوع. عن طرمبة البنزين. وحساس الهوا
اكسنت2011الشكل القديم. واعذروني لو طولت
بالموضوع لاني بحاول اكتب كل شي بالتفصيل
يوم الاربعاء الي راح هذا كنت مسافر من الرياض
الى الدمام. مشيت من الرياض الساعه 9صباحاً
وكان الطريق عج. قوي. ماتشوف الي قدامك.
المهم استمر العج تقريباً من بعد ماطلعت من الرياض
ب130كيلو الى. قبل الدمام ب70كيلو
كنت مغبر. والتغبيره راحت. من العج. والحمدلله
وصلت لدمام. ويوم وقفت عند بيت اخوي.
السيارة جلست تتفتف تنتفض. لين طفت
من حالها. شغلتها واشتغلت بعد محاولات
وطفيتها وتركتها لين العصر. وقلت يمكن
من الغبار الي صادفت بالطريق
قلت بروح العصر انضف الفلتر. حق الهوا واجرب
ورحت نظفت الفلتر ومشيت عليها من الدمام لين الجبيل
والحمدلله ماطفت ولا جاها شي.
ويوم الجمعه وانا راجع الرياض. بالليل
وصلت على الساعه 2/30 اخر الليل.
ونمت وصحيت الظهر. وشغلت السياره
بروح مشوار. واول ماطلعت الشارع وقفت عند
الاشاره. طفت السياره. رحت ورشه.
دايم اتعامل معه. قلت له السالفه الي صارت معي
قالي يمكن الغبار دخل داخل. حساس الهوا
او منظم الهوا له اكثر من اسم. وفكه طبعاً
ولقاه مليان غبار. ونظفه وركبه وطلعت بالسياره
مشيت عليها بطريق الدايري وطفت مره ثانيه
شغلتها ورجعت له. وفحص طرمبة البنزين
وطلعت ظعيفه. ورحت القطع. وشريت فلتر هوا
لان القديم الي عندي منتهي له اكثر من سنه ونص
وشريت طرمبه البنزين اصلي ب550
والتركيب ب50ريال. والفلتر سعره 30ريال
والحمدلله ضبطت السياره. وهذي كل الي حصل معي
طبعاً حساس الهوا امتلى غبار
بسبب الفلتر. ماعاد يمسك الغبار. لانه انتهى
وطرمبة البنزين. من اغلب المحطات الي عندنا
مافيها فلاتر. ونصيحه لكم
فلتر الهوا. اذا شفته متوسخ وحالته حاله
حاول انك تبدله. افضل لك لان لاسمح الله
راح يدخل الغبار للحساس ويخرب عليك.
هذا الي عندي اليوم. واتمنى انكم تستفيدون
واسف اذا في اخطاء في الكتابه
واسف على الاطاله
إبلاغ
الردود
مثل مشكلتك يعني لاحد يستعجل ويغير الطرمبه على طول
0
0
جهاز فحص. وطلعت ضعيفه بالمره.
0
0
قبل 7 سنه و 6 شهر