أضف سؤال أو موضوع جديد          

لكزس 2015 lx570 يستاهل قيمته ؟

up 3 down 2
pirat_99 5
قبل 5 سنه و 2 شهر



كنت أدور موتر للوالد وحصلت جيب لكزس سبورت ٢٠١٥ ماشي حدود ١٤٠٠٠ الف عند احد المعارض بقيمة ٢٤٠٠٠٠ الف

أبغى شوركم الموتر من شكله جديد ونظيف واللون ابيض هل يستاهل قيمتة او تشوفون انه غالي  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بصراحة ماعندي علم لكن كـ رائي شخصي
افضل جيوب البي ام والبورش والاودي كشكل افخم وافضل
ولها نظره ورزه بالطريق عموما جيب اللكزس مبني على نفس
هيكل اللاندكروزر ويتشابه مع مواصفات الـvxr مع افضلية
للكزس طبعا بالانظمة والشكل الخارجي والداخلي والمواصفات
اذا انت معزم تاكد انه فل وتاكد من سجل الصيانة
ويفضل تاخد رقم الهيكل وتروح الوكالة تتاكد من المواصفات
والممشى والصيانات اللي تمت عليه ومبروك ماشريت


up 4 down 4
احمد 170 244
قبل 5 سنه و 2 شهر



ترى السبورات قاسي في المطبات نصيحة اذا الوالد كبير دور له سيارة مريحه لانه راح يكرهه 
أعرف شايب اخذ لكزس سبورت وجلس معه حدود السنة وباعه بخسارة ١٠٠ بسبب الراحه وأخذ بترول


up 3 down 0
mohammed shareef 1088
قبل 5 سنه و 2 شهر



هل الممشى 14 او 140 الف

لو 14 الف تأكد من الممشى لا يكون ملعوب بالعداد منزل لأنه قليل جدا 


up 0 down 0
business to consumer 1163
قبل 5 سنه و 2 شهر



دامه ابوك لاتشيل هم الفلوس
تذكر كم مره فلسته فادفع وانت مرتاح
واذا عالموتر لو انه مو موتر مانزلوا فيه القصايد

واذا تبي نصيحتي طلع له لاندكروزر في اكس بالقيمه ذي 2016


up 2 down 3
تاجر صغير 00 28
قبل 5 سنه و 2 شهر



أشكركم على النصيحة يا اخوان احمد ومحمد الشريف ورغبتي في الجيب اللكزس بصراحة لأَنِّي ابيه يتخلى عن سيارته الفورد القديمة صارت ماعاد تستحمل وكل شوي جايها خراب
 مع عدم ثباتها مع الخط كل ما مريت من فوق عبارة على الطريق تناقز كنها جيب شاص


الممشى اللي في الجيب الي حصَّلته ١٤٠٠٠ وليس ١٤٠٠٠٠ الف
وياليت تتكرمون علينا بطريقة عشان أتأكد من الممشى الحقيقي للسيارة مع العلم أني ركبت في الموتر وداخليته نظيفة جدا جدا لكن ترددت بشأن السعر اللي شعرت انه قليل فيه وشكرني فيه



up 1 down 1
pirat_99 5
قبل 5 سنه و 2 شهر



وشككني فيه اعتذر عن الخطا


up 1 down 0
pirat_99 5
قبل 5 سنه و 2 شهر



تاجر صغير الوالد ماهو راعي بر وكشتات نادرا يطلع  للبر

اللكزس قد يكون انسب من ناحية الفخامة والمنظر والموتر هذا حق كشخه وهو راعي تجارة ولايق علية  وهذا سبب اختياري للموتر هذا


up 0 down 1
pirat_99 5
قبل 5 سنه و 2 شهر



سعره طيب اذا مابه خلاف


up 0 down 0
salaam
قبل 5 سنه و 2 شهر



الموتر وارد ايش عبداللطيف ولا خليجي بريمي او فطيمي الخ ..... ؟؟؟


الشغله الثانية هل سألتهم الموتر بديه بلد ولا جايه صدوم ؟؟؟


ثانياً شف دفتر الصيانة حقه ، ومايمنع للتأكيد اكثر خذ رقم الشاص واستفسر عنه عند عبداللطيف كانه مسوي صيانة عندهم ومتى آخر صيانة


هل سألتهم حد ولا سوم ؟؟؟



وعموماً اذا حبيت تشتريه الفحص ثم الفحص ثم الفحص


وعليك بالمراكز المعروفة طقت البريدي والغروب في النسيم اللي متخصصه مهب واحد يدعس ويطل تحت ويقول اشتر ، المواتر مثل هذي يبيلها جهت اختصاص لها كمبيوترها الخ ....


والسعر ممتاز نوعا ما ويمكن راعيه محتد وعجل على بيعته او ماشاء الله ربي مغنيه وما تفرق معه

وفقك الله


up 0 down 1
a.ibrahem 3169
قبل 5 سنه و 2 شهر



ارشح لك الباترول افضل من حيث الراحه والعزل عن التجربه


up 0 down 0
طير شلوى 054 38
قبل 5 سنه و 2 شهر



اذا الوالد راعي تجاره وفخامه ارشح لك الرنج
مناسب للتجار والفخامة افضل من اللكزس من هالناحية
لان اللكزس مافرق عن الاند من ناحية الاستخدام وغرض الطلب
اما الرنج بيكون مناسب من ناحية الفخامة لرجال التجاره والاعمال
الله يخلي لك والدينك وخلك معهم دايم لان ابن يجلس معهم ويبر فيهم افضل من 100 جيب واخلص لربك دايم
والله يوفقك


up 0 down 1
تاجر صغير 00 28
قبل 5 سنه و 2 شهر



اذا نضيف اعتبر سعره ممتاز لان ناقص من قيمتة حول 100 الف والسيارة تعتبر ماشية قليل


up 1 down 0
عبدالله 656 133
قبل 5 سنه و 2 شهر



أشكركم على النصائح والمشورة وراح اعمل باْذن الله على كلامكم وافحص الموتر للتأكد اكثر 




up 0 down 0
pirat_99 5
قبل 5 سنه و 2 شهر



الموتر عبداللطيف  ومآجاته صدوم حسب كلامهم والموتر في معرض بالخلا محد حوله والظاهر ان راعية يبقي يتخارج منه





up 0 down 0
pirat_99 5
قبل 5 سنه و 2 شهر



تاكد من كل شي قبل تاخده لايغرك كلامهم


up 1 down 0
احمد 170 244
قبل 5 سنه و 2 شهر