سؤال يطرح نفسه عن السيارات الحديثة .. وماهو السبب.

لاشي غريب ولا قاله الله


قصدك موقع حراج هو اللي خلاكم توسوسون


الموتر ذا ينباع ما كمل 20,000 الف


والثاني يقول غريبه في 2014 جديد ما انباع طبيعي ياجماعة


ياخي من اول عشان تشوف عالم السيارات لازم تنقز المعارض وانت مهب كل يوم بتروح ، لكن الآن وانت في بيتكم وانت في الدوام وجوالك ولا جهازك عندك تدخل تشوف من اللي باع ومن اللي عرض ومن اللي شراء

وبعدين حتى اول تحصل موتر جديد له سنتين مثلن واقف في معرض توه ما انباع وينزلون نسبياَ من سعره ويجي ينلقط ، يعني انت مستحيل جايب 50 سيارة من كل نوع تنباع جميعها لازم تبقى وحدة ولا ثنتين والسبب بعض الاحيان اللون ، المواصفات ظهور بديل في نفس الوقت انسب وارخص


وبالنسبة للي يعرض سيارته للبيع وهي مامشت 20 ولا 30 الف ياكثر الاسباب ، اللي سوا فيها فاهم وعايش حياة الكاش يطق سيارة ب 100,000 وهو راتبه 4000


واللي شراء على راي الناس وتحسف وباع وخذلك من الجحفلات


الناس استحلت سالفة ايجار منتهي بالتمليك وصار عندهم عادي يشوف العالم كلهم مطلعين وموتره زين يبيع ويروح يظغط عمره بديون بدون فايدة


من اول الرجاجيل يفكرون بعقل الحين الناس صار همها المظاهر


اول لو اظطر ياخذ قرض ب 60 ولا 70 يشتري ويبقي معه الحين ياخذ اقصى قرض ويتسلف زود بعد عشان يطلع فل كامل ولا يشتري ذيك افخم


الله يصلح العطا بس

ابو نايف في أزمة أقتصادية بالدولة ومشاريع وقفت وشركات تستغني عن آلاف الموظفين ... الكل أكيد بعرض سيارته للبيع وبرجع بلده

من وجهة نظري. انا 

احياناً. الواحد يشتري سياره موديل حديث 

ويكون استعجل. بشرائها ويوم ساقها وجربها 

مااقتنع فيها او بالاصح ماارتاح لها مثل ماكان 

يفكر فيها قبل الشراء. 

وبعضهم. يشتري. بنظام الاجار المنتهي بالتمليك 

ويستخدمها فتره. ويعرضها للتنازل. 

لانه. احياناً يكون محتاج قرض تمويل شخصي 

ويظطر يتنازل عنها ويطلع قرض. اذا راتبه قليل 

مايغطي الالتزامات.  هذي وجهة نظري. 

البعض خروج نهائي
والبعض تحمس واشتري سياره فاخرة وبعد كم شهر فقدت قيمتها فقرر يبيعها
وبعضهم وهم الاغلب ،، شخص عايش ع الراتب تنازل عن ثلثه لاجل سياره اكبر من دخله وبعد كم شهر بدا يحس بثقل القسط

وشكرا

البعض خروج نهائي
والبعض تحمس واشتري سياره فاخرة وبعد كم شهر فقدت قيمتها فقرر يبيعها
وبعضهم وهم الاغلب ،، شخص عايش ع الراتب تنازل عن ثلثه لاجل سياره اكبر من دخله وبعد كم شهر بدا يحس بثقل القسط

وشكرا

اعتقد ويمكن الاكثرية ياخذها تفاخر وحتى راتبه ما يتحمل حتى تغيير فحمات وفي الاخير يتنازل

بكل بساطة

بعضهم فسقان .. تمسك معه سيارة يروح ياخذها أقساط او يشتريها كاش وما اعجبته ويروح يبيعها
وحب تغيير

في حالات منها تنازل  وفي ناس تبيع سيارات  للخروج النهائي او سفر من اجل البعثة الخارجية. 

ومو بس السيارات الجديدة حتى تحصل سيارة 2003 دكتور مقيم مستخدمها ويبي يبيع بداعي الخروج النهائي. 

نعم في كثير ناس للخروج النهائي سببهم وناس توهقو اخذو سياره وبعدها اقتنعو انو ضاغط علا حاله عشانها فا يسوي تنازل وبعضهم ربك رازقه ماغير كل مانزلت سياره يشتريها الله يرزقه زود ويرزقنا