صوت غريب بالسيارة

اذا كان الصوت يطلع لمن يلف الكفر يمين او يسار شيك على الصاجه
الي تغطي الهوب اذا كان موترك يجي فيه صاجه حمايه يبي لها فقط
تعديل اذا موترك فيه رمان ويكون مرتخي او متأكل تحس الدركسون
فيه فضاوه شيك ع الرمان ارفع الكفر بعفريته
وامسك بيدك اليمين من تحت الكفر واليد الثانيه فوق الكفر
وهز الكفر يبين معاك اذا فيه فضاوه بالرمان
اذا موترك دفع امامي وعندك عكوس احتمال من الصلبان حقت العكوس
مافيها شحم او بدت تصدي قد يكون الجلدة الحماية
انقطعت او فيها ثقب ودخل مويه عليها
وسلامتك اخوي

انا عندي مثل ذا الصوت يجي يوم و يختفي شهر تعبت فيه محد عرفه و طنشت 
المهم شيك على العكوس و الرمانات و مسامير التوازن و الجوزات و المقصات اذا تمام انساها و لا تعطيها بال بتوسوس و تكره السيارة

صار معي نفس الشئ و في الاخير طلع من المساعد الأمامي مفقوع و السياره مايله و الأقمشة تحك في الهوب  انا بصراحه اول ما قال الميكانيكي هذا السبب ما صدقته  لكن بعد ما غيرت المساعد اختفى الصوت  شيك على المساعدات عندك  و أن شاء الله  يختفي  الصوت و سلامتكم 

شيك على الهوبات
انا موتري كامري 2003 و طلع عندي نفس الصوت 
صوت حكحكة بس اذا تعديت سرعة 80 يختفي الصوت 
غيرت الهوبات والحمدلله اختفى الصوت 

شكرا للجميع ولكم لايك

روح عند بعض الورش وقولهم انا جاي اسوي صيانة هنا وابي اشيك عليها .. 
مرة سويت كذا وجاء عندي قال عندك ٣ مساعدات خربانة وقلت طيب عادي اغير الرابع؟ قال خسارة فلوس بس الثلاث خربانة ، حاول تدور واحد مثله وتشيك على السيارة من تحت بالكامل ماياخذ منك ١٠ او٣٠ ريال