ابي أأجر سياره وش تنصحون

نصيحتي لك ، خذلك سيارة صغيرة ايجارها رخيص 80/90 ريال
والباقي وفره انت أولى فيه.

وان كانك محتاج تسافر وتمسك خطوط الكامري متوفرة ، وقلهم ابغى سيارة نظيفة

الله يبيض وجهك احمد ما تقصر 

الكامري حدود كم يوميتها ؟

شركة الافضل عندهم تورس ب ٢٠٠ ريال 

و سوناتا ب ١٥٠ ريال 

اتفق مع الاخ فوق انك تاخذ سياره صغيره لانك بتاخذ اجار كم يوم فما تهمك الراحه و الرساوه كثير 

اهم شي تكون جديده او شبه جديده خذ اكسنت او النترا
اجارها رخيص من 80الى 120 ولاتدفع اكثر مت المبلغ ذا بالاجار

انا اخذت النترا 2016 ب 95 ريال الشكل الاول

سياره جيده ومكيفها ممتاز ولذيذه بالسواقه

لان سيارتي كانت بالورشه

ما ادري ليه انت تقول تبغاها راسيه ؟

تقصد بتمسك فيها خطوط ؟

حاول تاخذ من ذيب ولا الافضل ولا المفتاح وبدجت عندهم تامين شامل بدون نسبه تحمل لو قدر الله وصار حادث تجيب تقرير نجم ام الباقي 3500 و25% من قطع الغيار ويطلع لك اعطال من راسه

اتفق مع الأخ أحمد اول تعليق

شفلك سيارة اجار رخيص من 80 الى 90 وهي سيارة تقضي امورك فيها سواء الدوام او مشاوير خاصة وان شاء الله ايام معدودة

واستعمال مؤقت ان شاء الله لين تخلص سيارتك و ترجعها للمكتب.

انت شف المناسب لك و الله يسر امورك.

اذا بتمسك خطوط شف لك اكورد ولا تورس مثل ماقاال الاخ واذا تبي استخدام داخل المدينة عندك السيراتو اتوقع مااتتعدئ ال 90 ريال 

اذا ستخدام مدينه خذ النترا 2016 الشكل القديم 
ماخذها ب 80 ريال وتامين شامل 

رخيصه وكويسه 
الشكل الجديد اقل مكتب ب 110 حصلته 

اشوف لو هتسافر بالسيارة خدلك كورولا 
لو داخل البلد  شوفلك اكسنت  

استاجرت لي كورلا شهر كامل ب 2400 مشاوير البيت للدوام والمسجد
عطوني 7 الاف كيلو في الشهر ما استخدمت الا تقريبا 3 الاف
جيده نوعا ما ولا عليها ملاحظات
اهم شي اذا بتطول معك السيارة خلهم يغيرون لك زيت
بعض محلات الايجار مايغيرون زيت وتخرب معك يقولون تتحملها انتبه

خذلك سيارة صغيرة داخل الدينة و اذا انت في جدة في محلات تأجر على 70 ريال
المهم اذا استأجرت سيارة لاتنسى تأخذها تأمين شامل