صوت طقة قوية

2 4

لايمكنك التصويت حتى الحصول على 20 نقطة على الأقل
إضغط هنا للإخفاء

بدر الباثفايندري 1125
قبل 7 سنه و 6 شهر

السلام عليكم,

كل عام وانتم بألف خير و عام هجري سعيد علينا و عليكم جميعا

أما بعد,

موضوعي اليوم يا شباب هو كالتالي, قبل رمضان هذا اللي راح كنت اسمع اصوات قربعة أو طقطقة في السيارة

و عقب عيد الفطر دخلت السيارة للعضيب فرع الخبر, المهم فحص لي السيارة من تحت و طلع لي بنتيجة

بأنه المساعدات و المقصات محتاجين تغيير.  المساعدات اشتريتهم KYB وسعر الحبة بين 280 الى 380 حسب

المحل و موجود في محلات قطع الغيار اخذتهم بالسعر الأرخص اللي هو 280 ريال للحبة و عندي طقم امامي

يمين - يسار يطلع 560 ريال و شغل يد العضيب كان اول مرة اجربهم وآخر مرة لغلاء اسعارهم, مبالغ فيها

بصراحة بس قلت ما عليه منها تجربة و منها الواحد يتعلم درس.

بالنسبة للمقصات الحدايد سليمة بس جلدة و المشكلة كل شركات السيارات ماتبيع جلدة, تبيع المقص كامل و غالي

سعرت الواحد في الحمراني ب 890 ريال.  رحت لمحل في الدمام اسمه المركبات المتقدمة و خذيت من عنده

4 حبات جلد مقصات كلهم ب 450 ريال شوفوا الفرق.  طبعا خذيت الطقم لطالما الحدايد سليمة اغير الجلد بس

لأنه هي الخربانة,  و تم تركيبها بالكبس عند العضيب.

والآن عقب ما غيرت المساعدات مع كراسيها و جلد المقصات جديدة و نوعية ممتازة بعد لازلت اسمع صوت

طقة وقوية لدرجة انك نحس بشي طق السيارة من تحت.

رحت لواحد يمدحونه الشباب في المنتديات في الثقبة صناعية الفوازية اسمه العماني بس هو حضرمي كشف

تحت السيارة وقاللي ماشاء الله ماعندك اي مشكلة كل شي جديد و نظيف عندك عامود التوازن, الركب, المقصات,

المساعدات.  وقاللي لو في مشكلة كان بعلمك عليها احنا ماعندنا اللف والدوران اي سيارة تجي انطلع علتها

ولو مافي شي نقول مافي شي كذا قاللي بالحرف.

الصوت يجي لما ادعس فرامل ويجي مطب او عين القطاوة.  و حتى والأرض مستوية لا مطبات ولا حفر

واكسر على الدركسيون يمين او يسار واسمع الطق قوي لدرجة انه ينقز الواحد على باله شي طق السيارة.

علموني يا شباب من ايش الصوت هذا كل شي سليم عندي بطن السيارة نظيفة ماشاء الله من تحت ومن يومين

غيرت جلدات ذراع الدركسيون قلت احتمال منها طلع لأ لسه الصوت موجود, غيرتهم لأنهم خربانين بالأساس.

حتى العكوس مستبعدها لأني مغير لها جلدة العام الماضي كان يطلعلي صوت طقطقطقطق مع لف الدركسيون

والسيارة واقفة, هذا الصوت اللي اسمعه الآن و السيارة ماشية. 

انا شاك بالهوب احتمال يكون خربان و يبغاله تغيير.


وعذرا على الاطالة يا شباب حبيت اشرحلكم الموضوع كامل علشان تفهمون مشكلتي ونلاقي حل لها.

شكرا لكم ومنتظر آرائكم.

 

إبلاغ

الردود