ياخوان بشتري سياره من الكويت كيف ادخلها السعوديه الموديل

تشتري السيارة بعد الاتفاق مع صاحبها

اولاً : صاحب السيارة هو يتكفل باجراءات تحويلها الى اسمك بلوحات
كويتيه ( تصدير ) لوحات خضراء مؤقته

بعدها يعطيك الاوراق والسيارة وعلى طول الى المنفذ
وضروري تعلمه المنفذ اللي بتطلع منه
منفذ السالمي او النويصيب
اذا رحت للمنفذ الي بتطلع منه
لازم تروح بوقت الدوام من ٧ الى ٣
هذا دوام الجمارك الكويتيه والسعوديه

اذا وصلت الجمارك الكويتيه تسوي للسيارة خروج من الكشك رقم ٦ اعتقد
وتدفع عنده رسوم ٣ دينار
ويخليك تتوجه لادارة الجمارك الكويتيه بالمنفذ وتدخل ياخذون
الاوراق اللي معك ويعطونك ورقه وحده مختومه
وتتوجه لقسم الشرطة جنب الجمارك وبتلقاهم متكين برى
يأكدون رقم الشاصي ( قبل الدخول لادارة الجمارك وعند تسليم اللوحات )
وبعدها تسلم اللوحات الكويتيه لهم ويعطونك الورقه وعلى
الجمارك السعوديه

هنا تروح للكشك رقم ١
يوجهك للمسار رقم ٢
وتوقف وتنزل لادارة التخليص الجمركي
وتسلمها لموظف الجمارك وتعطيه بياخذ جوالك وتنتظر من نص ساعه
الى ساعه للتخليص الجمركي
بعدها بيطلبك الرسوم الجمركيه واصدار اللوحات المؤقته

الرسوم /
اللوحات المؤقته ٣٠٠ ريال
المخلص الجمركي ٩٠ ريال
واحررص انهم يسجلون في ورقة البيان الجمركي الكويتي اقل من قيمة
السيارة الحقيقيه
لو السيارة قيمتها بالكويتي ٥٠٠٠ دينار خلهم يسجلون ٣٠٠٠ او ٣٥٠٠

لانهم راح يحسبون جمركتها ب٥٪ من قيمة السيارة
و اضف فوق ال٥٪ من قيمة السيارة ٣٩٠ رسوم اللوحه والمخلص الجمركي
بعدها تكون اجراءاتك في ديرتك
من شهادة مواصفات ومقاييس
وفحص دوري
وتأمين وعلى المرور اصدار لوحات لمركبة جديدة

وبالتوفيق

يا عزيزي ٢٠٠٧ ما تقدر تجمركها

2007 ما تتجمرك, لازم آخر خمس سنوات من 2011 الى 2016 وقريبا بيصير من 2012 الى 2017

عارف الله يجزاكم خير ماتتجمرك خلها بلوحاتها الكويتي عاد بس كيف انقلها بسمي او اخذ تفويض من البايع ولاكيف اخوي هاوي اكسنت بيض الله وجهك 
ولايهنون الباقين بيض الله وجيهكم

انتبه السيارات الخليجية ذات اللوح الغير سعودية ممنوع تمشي فيها وراح تنحجز عليك اذا مو اول شهر ثاني شهر والي مايعلمك هذي النقطة فهو مافكر بوضعك ابدا

نعم  ممنوع   انا حجزو سيارتي لوحات كويتية   و رفض المرور يسلمني سيارتي الى بعد توقيع تعهد بعدم قيادة السيارة داخل السعودية