أضف سؤال أو موضوع جديد          

شركة تاجير

up 4 down 5
سعيد الزهراني 1 29
قبل 4 سنه و 6 شهر



السلام عليكم اخواني سيارتي النترا 2011 اتصلو علي قبل 3 اشهر
 
الشركة يبون الدفعه الاخيرة كاش طبعا خلصت الاقساط
 
كلمتهم قلت ابي اقسطها قالو نتصل بك قريب ونرد لك
وبعدين قالو بنسحبها قلت خير ان شاء الله 

المهم ويرفعون اسمي بسمة ويدقون علي الحين يقولون نبي الدفعه 
كاملة 13 الف و850 ريال قلت لهم بعد اسبوع ان شاء الله اسددكم 

انا الحين طابت نفسي من السياره وخاصه رافعين اسمي بسمة 
فا اذا دقو علي يا يسون القسط 500. ولا يجون ياخذون 
سيارتهم والوجه من الوجه ابيض 

فا هل بيجون يسحبون السياره مع ان هم الخسرانين 
خلاص سياره موديل قديم وماشية كثير !؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا عزيزي مو خسرانين وتوجه للفرع وحل موظوعك معهم
لانك انت مطلوب بمبلغ محدد وبيسحبون السياره ويعرضونها للبيع وبتنباع فيما بينهمم بمبلغ بسيط وراح يطالبونك بكامل المبلغ
--
دام السياره توديك وتجيبك خلص معهم 
حرام خمس سنوات تظيع كذا وانت تسدد واخرتها تقول خذوها ولا بعد بيدفعونك الفرق بعد مايبيعونها 

انت وش طلعت بنتيجه طولة فترة سدادك ولا شي 


up 7 down 0
ابومحمد4800 138
قبل 4 سنه و 6 شهر



أنا اقول خلص شغلك معاهم وتفاهم وان شاء الله تنحل المشكلة.

حرام تظيعها عليك دامك خلصت اقساطها يعني بس هالدفعة وتنتقل باسمك, انا اشوف الأفضل انك تتفاهم معاهم.


up 0 down 0
بدر الباثفايندري 1116
قبل 4 سنه و 6 شهر



اذا سحبوها منك انت الخسران سياة تحت رجللك وعارف كل ي فيها خلص موضوعك معهم كان الله في عونك



up 0 down 0
fahd077 306
قبل 4 سنه و 6 شهر



انت مسدد مسدد الله لا يعوق بشر يا تسدد وتصير ملكك 
والا تسدد وتروح عليك لأن اسمك بسمه ولا راح يزال الا اذا سددت 
يعني مسدد 3 او 5 سنوات وجت على 13 
مثل ماقالو الاخوان سياره تحت رجلك من الوكالة وعارف وخابز وش فيها 
سدد وإذا طابت النفس منها بعها وانت أولى بفلوسها 

وبالتوفيق 


up 2 down 0
al 3oomda 75
قبل 4 سنه و 6 شهر



كلام الاخوه صحيح سدد وموترك باسمك و الله يعينك
الاقساط ظاهره حلو وباطنه شرر


up 2 down 0
abd_alrhmn 2352
قبل 4 سنه و 6 شهر



حاول فيهم تسقسطها ع 18 شهر 

حتى لو انسحبت برضو بيطالبونك بتدفع بمبلغ لا يقل عن 8 الف

الافضل تحاول فيهم اذا مصري الله يعينك عليه 90% لازم بخشيش 
عشان امورك تمشي 

والافضل تتواصل مع مديرهم او رئيسهم وعلمهم بكم ضرف


up 2 down 4
tttt35035 1050
قبل 4 سنه و 6 شهر



المشكله ان اسمك راح يضل بسمه يعني حتي القروض ماتقدر تطلع قرض لين تسددهم
فافضل حل دبر الفلوس وسددهم


up 2 down 0
bmw z4 1483
قبل 4 سنه و 6 شهر



الالنترا طيبه وعملية واقتصادية ولا تفرط فيها وتضيع تعب 5 سنوات ارجع للعقد هل فيه امكانية تقسيط الدفعه الاخيرة بدون فوائد ومتاكد انك تقدر


up 1 down 0
بريق الرياض 258
قبل 4 سنه و 6 شهر



بس خلاص صارت قديمة يالربع 

وكل شوي دافع فيها مبلغ وقدره 

الان تعطل السلف وقبلها موظب المكينة كامل ويبي لها مساعدات 
وقطع استهلاكية


up 1 down 2
سعيد الزهراني 1 29
قبل 4 سنه و 6 شهر



طيب اوك ولاتزعل 
منزل موضوع وجاوبنا 


up 1 down 0
tttt35035 1050
قبل 4 سنه و 6 شهر



الا عطهم حقهم وافتك منهم لانهم راح يبخسون قيمة الموتر وبدفعونك الفرق


up 1 down 0
خالد ___الرياص 1331
قبل 4 سنه و 6 شهر



السلام عليكم
اخوي نصيحه ياتبيع السيارة وتدفع لهم كاش ياتدفع كاش وتخلي السيارة معك , ولاتفكر تقولهم حولوها تقسيط بيسير يفتحون لك
عقد جديد وكذا يسير عقدين في عقد واحد وهذا (حرام) لان اكثر الناس تجهل هذا الشي وتقسط الدفعه الاخير بفتح عقد جديد.
انشاءالله وضحت الصورة
وهذا الكلام من واقع عملي السابق


up 2 down 0
hجراد 122
قبل 4 سنه و 6 شهر



حاول تحل معهم الموضوع ودي ،، العقد لو رجعت له وتمعنت فيه حتلاقي كل البنود في صالحهم


up 1 down 0
king.king 833
قبل 4 سنه و 6 شهر



الله يعطيكم العافية  

يأاخوان وباذن الله بروح لهم واتفاهم معهم 


up 1 down 0
سعيد الزهراني 1 29
قبل 4 سنه و 6 شهر



شف هم راح يشتريها واحد من المعقبين او يبيعها لاحد من ربعه بسعر يمكن 5000 مش تفرق معهم ..
وبعدها بحطون اسمك في سمه وراح يرفعون للمحكمه ومنها ايقاف خدمات لفتره وبعدها اعلان اسمك بالجريده ..اما انك تدفع باقي القيمه وتبيع السياره او ترفع للمحكمه قبلهم بدعوى ارجاع العينه المؤجره وايقاف قيمة الايجار وسحب الكمبيالات منهم .. المهم تروح المحكمه قبلهم ..


up 1 down 1
alif 11
قبل 4 سنه و 6 شهر



السلام عليكم 

اخوي. اذا خليتهم يسحبون السياره 

فانت خسران. 

خسران تعبك. طول هالسنين وانت تقصد 

لهم. عشان في الاخير تتملكها. 

والحين. تبي تخليهم ياخذونها. 

كانك قاعد تقصد لهم وتعطيهم فوق القصد 

سياره.  انت خسران تعبك وجهدك 

وفي الاخير ياخذونها. 

حاول. تدبر لهم المبلغ. واعطهم كاش. وافتك منهم 

وروح بيع السياره. اذا كانك عايفها 

وطلع غيرها. وافتك. منهم 


up 0 down 0
سبحان الرازق سبحانه 2512
قبل 4 سنه و 6 شهر



اخوي حاول تدبر الدفعه الاخيره وعطهم كاش وريح راسك

واذا ماعندك قل باقسط لكم الدفعه الاخيره بس حط ببالك راح يزيدون القيمه يعني عشره الاف زياده
وصارت لعمي لما راح لعبداللطيف جميل طلبوا منه الدفعه الاخيره وكانت 24.000 الف
وقال بقسط لكم قالوا نسوي عقد جديد وطلع اجمالي القيمه 34.000 الف ريال

ورسوم اداريه 1200 ريال




up 2 down 0
aboahmed2014 1160
قبل 4 سنه و 6 شهر



حاول تقسط المبلغ
واذا ما قدرت وانت ما تبي السيارة.. تسلف انت ال 13 الف وبيع السيارة وسدد فيها السلفة
لكن ما يبقى اسمك بسمى


up 1 down 0
mat2rain 246
قبل 4 سنه و 6 شهر