أضف سؤال أو موضوع جديد          

نصائح مهمة لإعلانات موقع حراج

up 31 down 5
ابو هيثم 7 2157
قبل 2 سنه و 5 شهر



السلام عليكم ورحمه الله

مثل منتم عارفين مشاكل موقع حراج ماتخلص .. واكيد اغلبكم قد صادفت معه ودخل اعلان وحصل المعلن كاتب ((حسبي الله عليكم يالشريطية خربتو اعلاني )) لكن بمجرد انك تاخذ لفه على اسلوبه بالردود تكتشف انه هو اللي خرب على نفسه بنفسه

بحاول اكتب بعض الاشياء اللي من المفترض ان المعلن يكون عارفها ومتقيد فيها قبل ماينزل الاعلان

1/ اكتب التفاصيل المهمة .. مثل اللون والموديل والممشى وحاله البدي والمحركات والافضل تكون معه صورة والتصوير بالنهار عشان تكون واضحه

2/ تجاهل التفاصيل اللي مالها داعي .. مثل انا بييع هالسيارة عشان اشتري سيارة ببالي من زمااان او بسافر او اتزوج او ادخل مشروع .....الخ (( ياعزيزي انت كذا ترسل رساله مفادها انك محتد على البيع وممكن تبيع بأقل من سعر الموتر الحقيقي ))

3/ خليك صادق لكن لا تصير صريح بزيادة (( هذي النقطة بحاول اشرحها بشكل مفصل )) لان هناك فرق بين كثره الكلام والهذر الزايد اللي يخرب البيعة .. وبين التدليس والخداع والكذب وغش خلق الله

مثلا لو جاك واحد وكتب البدي وكاله ماعدا الصدامات مرشوشه ؟ تلقاه طيح بسعر موتره الف ريال على الاقل .. والمسكين مايدري ان الصدامات ماتعتبر من البدي بالاساس (( البدي هو المعدن سواء كان حديد مثل الرفارف او ألمونيوم مثل الكبوت بأغلب المواتر الجدد اما الشمعات والصدامات فهي خارج الحسبه لانها فيبر وبلاستيك حتى لو غيرتها ، نفس الشي مع سقف البانوراما لانه قزاز ))

يجيك الثاني كاتب ( المكينه والبدي على الفحص ) اتوقع 90% من اللي قرأ الجملة السابقه صار عنده انطباع ان الموتر نظييييف وشبه وكاله ؟ بينما لو ترجع لها بتلاحظ كلمه على الفحص ماقال على الشرط ! يعني انت وحظك اذا فحصت وعرفت العيوب انقص لك بالسعر . واذا ماانتبهت بعتها لك بسومتك [ مالي شغل اذا كان شريطي او لا اهم شي انه تلاعب بالمصطلحات واخفى عيوب موتره بطريقه احترافيه وهذا ان دل على شي فإنما يدل على ان عنده فن تسويق نوعا ما ]

وعشان تكون الفكرة واضحة ومافيه تناقض بين الصراحه وبين التدليس والغش .. الغشاش هو اللي يقولك رش تجميلي وضربه بقدر كف اليد واذا فحصت تلقى الصدمه واصله المكينه والشاص ملحم .. او يقولك البدي والمحركات وكاله شد بللد واذا فحصت تحصل الموتر منقلب والمكينة مخبطة

بعبارة اخرى انا الحين لو اقولك بدي السياره ذي فيه رش حزام .. او اقولك الموتر اللي قدامك كله مرشوش ماعدا الكبوت والتنده والشنطه !!! كلها نفس المعنى بالضبططط لكن تحس ان الثاني صريح بزياده وهنا احتمال يخسر الزبون بنسبه اكبر

المفترض يكون الواحد على علم ببعض مصطلحات البيع عشان ماتمشي عليه .. وطبعا اذا انت ماعندك خبرة بالسيارات رح لمحل متخصص او جب لك واحد يفحصها .. اما اللي يشتري على عماه ويجلس يتحسب الله على البايع .. يالغالي ماننكر انك انظلمت لكن لاجيت للصدق انت اللي جنيت على نفسك ؟ والا فيه احد يشتري بدون فحص او بدون خبرة بيع او شراء ؟؟؟

ارجو اني وفقت بتوضيح الفارق بين الاثنين .. لاني عارف ان اغلب التعليقات بتكون على النقطة ذي

4/ افضل شي ماتحط رقمك .. وتكتب التواصل على الخاص واللي تعجبني سومته بدق عليه .. او خل عندك رقم ثاني وقفله وقت انشغالك واذكرها بالاعلان .. اما انك تحط رقمك الرئيسي عاد تحمل الازعاجات يمكن يدق عليك واحد الساعه 2 بالليل ويقعد يسألك اسئله انت ذاكرها بالاعلان وبالاخير تكتشف انه يطقطق

5/ انتبه لاسلوبك بالرد على التعليقات بالاعلان .. اسلوب التزبيد والترعيد ونتف الجبهات والهياط هذا ينفع اذا كنت جالس باستراحه مع ربعك مب على موقع انت عارض فيه سلعه ؟ طيب يجي واحد ويقول تبيهم يبخسون سلعتي وانا ساكت ؟ ياخوي فيه ألفين اسلوب تقدر ترد فيها غير الاسلوب ذا .. وتأكد انك انت محتاج تبيع لكن الناس مب مضطره تشتري منك

6/ اذا احد بخس سلعتك (( وبالعادة يكون اول او ثاني رد )) انت عارف ان موترك يسوى 100 الف لكن جاك واحد وقال ب 20 الف .. هنا انتبه تقوله موتري موديله 2016 وانت رح دور لك موتر 2002 على قد فلوسك او رح اعرف قيمه موتري بعدين تعال وغيرها من الاساليب الغبية اللي تخرب البيعة على صاحبها ؟ الافضل تقوله (( اشكرك على فتح السوم )) واسكت لاترد بعدها عليه ، على قولة الشيبان كلمه ورد غطاها وبتلاحظ ان السومات تزداد تلقائيا.. ولاتحاول تبين له انك زعلان من السومه مثل تقول (( سومتن طيبه بس والله مب حقها )) انا معك ان بدايه الجمله ممتازة لكن النهايه خربت كل شي ؟ خل صدرك وسيع واصبر حقها بيجيها بس لاتوضح انك متنرفز من السومات ابددد .. الافضل لو تقول (سومه طيبه من وجه اطيب لكن نطلب من الله الزود)

صدقني ترى فيه ناس كثيررررر يحاولون يدرسون عقليه المعلن قبل مايشترون منه ؟ لاتستغرب انه تجيك ردود استفزازية لكن خلك ذكي وفطين بالردود .. يجيك واحد منزل اعلان كامل متكاااامل مافيه احسن منه وتعطي اللي كاتبه من 30 الى 35 سنه يعني شخص عاقل غالبا.. واذا نزلت وقريت ردوده تلقى عنده نقص بالخبرة بشكل وااااضح ؟ بعبارة اخرى تحسه نسف كل الفكرة السابقه اللي اخذتها من اسلوبه بالاعلان وبعد ماقريت التعليقات حسيت ان عقليته عقليه مراهق طايش وانت وش تتوقع من مراهق بالله ؟ تتوقع لو مسك خط سريع بيثبت على 120 مثلا هههههههههههههههه

وعلى فكرة دراسه عقليه المعلن عن طريق الردود توفر عليك حاجات كثيرة .. لانك اذا عرفت عقليه المعلن عرفت طريقه سواقته على قولتهم الخيل من خيالها والمواتر من سواقها.. قد تستفيد من ناحية انك ماتضيع وقتك وتقابل الشخص وتفحص وتطلعلك البلاوي خصوصا اذا كنت من مدينه بعيدة لكن على قولتهم مهب كل مرة تسلم الجرة


بالنهاية اتمنى لو اني وفقت بطرح بعض النقاط المهمة .. واللي عنده اضافه يتفضل








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزالك الله خير معلومات مفيدة


up 0 down 0
fahd077 295
قبل 2 سنه و 5 شهر



صراحة كفيت ووفيت وموضوع مميز جدا والتفاصيل اجمل واجمل
الله يجزاك خير ويكتب اجرك معلومات مفيده وجميله


up 0 down 0
الوااادعي11 284
قبل 2 سنه و 5 شهر



بستثناء النقطة الاخيرة, اوافقك على كل شيء جزاك الله خير


up 0 down 0
mat2rain 249
قبل 2 سنه و 5 شهر



موضوعك جميل و أقنعتني بصراحة


up 0 down 0
عبدالله خالد 19 367
قبل 2 سنه و 5 شهر



الحقيقه ان الانسان يبرأ لذمته امام الله سبحانه حتى لو تسبب
ذالك في خسارته
وانا معك بالنفطه 1و2و4و5و6
اما 3 فانا معارض وبقوه الصدامات ماهي مصبوغه بدون سبب
وكذالك لو قال على الشرط فمعناته والمتعارف عليه بين الناس ان اذا
ماهي تمام السياره ماهي لك ولا فن تسويق ولاشي هذا غش
الا بين عيوب السلعه والرازق بالسماء انت ماتدري عن ها المسكين الي شرى سيارتك يمكن انه اخذها ديون او تعبان في تجميعها وانت اخفيت عنه عيوب اذا عرفها كره السياره


up 4 down 1
خالد ___الرياص 1330
قبل 2 سنه و 5 شهر



وعليكم السلام ورحمة الله وبركاته

أعلن في حراج منذ 2010 و من خلال الخبرة أصبحت أعرف شخصية صاحب التعليق و أرد عليه بأسلوبه. نعم قد لا توافقني ولكن بعض البشر يحتاجون نفس الأسلوب عشان يعتدل معك . و إذا كثرها أحذف رده، وإذا طالت أحظره.

بعض الشباب ليس لديهم إدارة لإعلانهم. الموقع أتاح لك حذف الرد أو حظر العضوية لتدير اعلانك ولكن البعض يجعل اعلانه يضيع في ردود وأمور مالها داعي.

بعض إعلاناتي أقفل فيها الردود و الجوال موجود و مخصص للإعلانات

أما الإزعاج حدث ولا حرج.. أحيانا أحس اللي يتصل عايش في امريكا موبحولنا ولا يدري ان الوقت الساعة 1 أو 4 الجر.

تسلم على هذه النصايح


up 1 down 0
الفارس المميز 2644
قبل 2 سنه و 5 شهر



يعطيكم العافيه كلكم .. وشرفني مروركم ونعليقاتكم

اخوي خالد الرياض انا ماقلت غش الناس وبنفس الوقت ابعد عن الهذر الزايد

بعضهم تلقاه جايب تاريخ الموتر ووش غير فيه حتى اقل مسمار ؟ المشكله اغلب شغله بالوكاله ويقاله يبي يوضح لك انه محافظ على الموتر اشد المحافظة .. يارجل بكل بساطه بإمكان المشتري ياخذ رقم الهيكل ويشيك بالوكاله وخلصنا .. والا اللي يقولك انا المالك الثاني انا المالك العاشر يارجل وشوله الخرط الفاضي اقدر ارسل رساله استعلام للمرور وانتهينا

لكن اذا سألك المشتري الصدامات ليش مرشوشه قله على السبب .. لكن انك تفضح بنفسك وتقلل من قيمه موترك اللي الصدامات فيه ماتعتبر من البدي بالاسااااس وتغييرها مايطيح من قيمه البيع الا اذا كان البايع قرقه وكلامه كثير .. نفس الشي اللي يغير زيت 10 الاف يحصله ينقص نص او ربع علبه بعد مايتعدى 8000 وهذا طبيعي بسبب تبخر الزيت وليس عيب في المكينه .. لكن لو ذكر هالمشكله اللي تحصل بأغلب السيارات باعلانه هذا بيعطي انطباع ان مكينه موتره تنقص وانها تحتاج توظيب بينما هي مشكله عاديه تحصل بكل السيارات .. لو كانت تنقص علبه كامله كل 3 الاف هنا تعتبر المكينه مودعة




up 0 down 0
ابو هيثم 7 2157
قبل 2 سنه و 5 شهر



بارك الله فيكم ابو هيثم  وزادك الله من علمه


up 0 down 0
نمر 2 80
قبل 2 سنه و 5 شهر



طيب بسالك سوال


ادا قال الرفرف الخلفي مرشوش تجميلي

او قال الرفرف الامامي يسار مرشوش تجميلي

شنو معنى هذا الكلام

ومشكور ع الموضوع واحلى لايك جعل والديك بالجنه


up 0 down 0
silverdiamond 371
قبل 2 سنه و 5 شهر



طيب بسالك سوال


ادا قال الرفرف الخلفي مرشوش تجميلي

او قال الرفرف الامامي يسار مرشوش تجميلي

شنو معنى هذا الكلام

ومشكور ع الموضوع واحلى لايك جعل والديك بالجنه


up 0 down 0
silverdiamond 371
قبل 2 سنه و 5 شهر



و عندي سوال الي ما يحدد سعر السياره مثل يقول على السوم او يحط المواصفات و يقول لتواصل و يحط جواله

احيانا تشوف الصور و السياره شكل الصور جدي و الموتر نظيف و الواحد يرغب يشتري بس لما ما يشوف سعر السياره شنو معناته هذا الكلام


باختصار صور الموتر نظيف والسياره تستاهل الواحد يشتريها بس ما يقول بكم سعر سياره

و المعذره على الاسئله اخوي


up 0 down 0
silverdiamond 371
قبل 2 سنه و 5 شهر



الرش التجميلي معناه تجديد البوية لانها صارت باهتة .. مجرد رش فقط (( بدون سمكرة ولا معجون ))

لكن المصيبه ان فيه ناس تستخدم هالمصلح بغير محله ؟ انا ممكن اصدق ان الرفرف الخلفي تغير لونه لانه جاه بنزين .. لكن الرفرف الامامي مثلا تبهت لونه من الشمس ! سبحان الله هالشمس جت على الرفرف فقطط وتركت باقي البدي

فيه بعضهم يرش بسبب خدش للبويه اما يكون سببه واحد حاقد حك البوية بمفتاح او صدمه خفيفه تحتاج لتعديل باليد بدون معجون ( الافضل يصور مكان الضربه قبل التعديل )

اما اللي يغش خلق الله ويقول رش تجميلي والموتر مسمكر وجايه معجون هذا رش (بسبب حادث ) ماله علاقه بالرش التجميلي نهائيا

حتى بعضهم يقول الجنب الايسر فيه رشه لكر .. اللكر هي طبقه لماعة تحط على البدي بعد الرش وغالبا يكون هالادمي نصاب .. اذا بغى الواحد يلمع المفترض يلمع كل البدي بوسائل التلميع المعروفه مايحط لكر


up 0 down 0
ابو هيثم 7 2157
قبل 2 سنه و 5 شهر



تكمله للتعليق السابق

اقول يلمع كامل البدي بوسائل التلميع المعروفه مايحط لكر على الجنب الايسر ويترك الثاني


اما بالنسبه لسؤالك الثاني ف الله اعلم ذا يبيها تجيب اعلى سعر .. او يبي واحد راغب الموتر ويشتريه اعلى من سعره


up 0 down 0
ابو هيثم 7 2157
قبل 2 سنه و 5 شهر



اتفق معك الا في شرح العيوب
البيعان بالخيار ما لم يتفرقا، فإن صدقا وبينا بورك لهما في بيعهما، وإن كذبا وكتما محقت بركة بيعهما رواه البخاري ومسلم


up 1 down 0
ابوزياد123321 201
قبل 2 سنه و 5 شهر



لاهنت وطرح جدآ ممممتاز وإحلى لايك 


up 1 down 1
دوريه 187
قبل 2 سنه و 5 شهر



لابد من ذكر بأن الصدامات مرشوشة في حال علم المالك عنها لأنها من اجزاء السيارة ولا تنتظر الزبون يكتشف ذلك فتتغير نظرته لمالك السيارة ولم يعد يثق بحالة بقية السيارة من محركات وكهرياء الخ 

يعني شي بسيط يجر شي اكبر منه من خبرة 

ذكرك بأن الصدامات مرشوشة لن يغير بالسعر ريال واحد وحتى لاحضت انا هالشئ يعني اغلب السيارات الي اشتريها بغرض البيع اجد بأن الصدامات مرشوشة واذكر ذلك عند اعادة البيع ولا احد سبق فاوضني بالسعر بسبب الصدامات سواءا شريطي او شخص غير فاهم بالسيارات يعني بالعربي مايهمهم مع انها من عيوب السيارة ويجب ذكرها لإبراء الذمة


up 1 down 0
يارب توفيقك 2014 1659
قبل 2 سنه و 5 شهر



معلومات مفيدة وكلام جميل  تسلم ايدك


up 0 down 0
power ved 149
قبل 2 سنه و 5 شهر



بارك الله فيك معلومات مفيده 


up 0 down 0
motbe -1
قبل 2 سنه و 5 شهر



أرغب بمعرفة فيما لو كان هذا الكود سيظهر كصورة:
<blockquote class="imgur-embed-pub" lang="en" data-id="a/8Hzdz"><a href="//imgur.com/8Hzdz"></a></blockquote><script async src="//s.imgur.com/min/embed.js" charset="utf-8"></script>


up 0 down 0
محمد الزهراني 1998
قبل 11 شهر و 4 أسبوع