مشكلة في تعبئة السيارة بانزين وهي مطفأه

هاذي احتمال تكون ضعف بطرمبه البنزين شيك على ضغط طرمبه البنزين

كم ماشيه السياره ومتى اخر مره غيرت صفايه البنزين

العلبه اللي تسحب الابخره  من تانكي البنزين هيا السبب كانت عندي في الفورد 

الحرص الزايد يخرب السيارة
من عرفت نفسي وانا اعبي وهي تشتغل ولا واجهت مشكله
والبعض يداري هالسيارة كنها واحد من عياله وانواع المشاكل
لا تطفيها وهي تعبي

والله يا منصور نداريها لاننا دافعين فيها دم قلوبنا. والحمدلله السيارات الي امتلكتها تعطيني زي ما اعطيها.

استاذ منصور هذا مو معناه ان المداراه تخرب معناه ان فيه مشكله ولازم تنحل مالها دخل بالمداراه لان الموتر مو ادمي يتدلع ويتعود على المداراه لا الموتر حديد وفيه اشياء تخربه واشياء تاثر عليه 

يمقن في هوا بالتانكي

ادا في كل مره تحاول تشغلها ما تشتغل من اول مره ف المشكله هي 100 /100 من السلف اما بس وقت تعبئه البنزين يمكن تخلي التانكي خزان البنزين فاضي مره واللمبه مولعه وهذا يسبب خراب ف طرمبه لان البنزين كل ما كان موجود في تانكي يبرد ع الطرمبه وادا كان قليل فانه تكون طرمبه حاره و بسرعه يخترب عمرهاالافتراضي وهذا كلام عن دراسه و خبره وعمل في المكانيكا و السيارات ارجو التقييم والدعاء الي والدي بالرحمه و المغفره جعل والديك بالجنه وشكرااا

يامنصور مثل ماقال ابوعبدالله، حافظ على سيارتك تمشي معك والسيارات مو رخيصة عشان اذا خربت اشتري الثانية بليلتها :)
ومعروف ترى السيارة لازم تطفيها وهي تعبي للسلامه قبل مصلحة السيارة، وطبعا سيارتي اذا عبيت وهي تشتغل تدخن الشكامين ف احسنلي اكون في السليم واطفيها.
ويعطيكم العافية

ماقلت لا تحافظون عليها
قلت لاتطفيها وهي تعبي بنزين
90 % من البشر ماتطفي سياراتها وهي تعبي
ال 10% الباقيه هم الي يعانون من مشاكل طرمبه بنزين :)
سبب التطفيه للسلامه من الحريق فقط اذا انت مدخن شي ثاني

لانك مطفيها والهواء يضغغغغط ف يكون الواصل للمكينه هواء ماهو بنزين تددددق سلللف اين يخلص الهواء 

عشان مذا عب والموتر شغال 

ممكن تفيدنا بنوع السياره اخ أحمد..!!

نفس المشكله ظهرت عندي في امبالا لكن على اخف..
كانت تشتغل لكن بصعوبه وشوي تقطيع..

وولعت لمبة المكينه فحصت وطلع خلل في حساس اسمه على ما اعتقد
Evap غيرته واختفت المشكله..
___________
من أعراض المشكله..
لما توقف عند محطة بنزين والسياره شغاله افتح غطاء التانكي 
بتلاحظ ان السياره بتقطع شويه وترجع طبيعي

يا سلطان مشكلتك نفسي بالضبط حتى لما افتح غطى التانكي يكون في تقطيع بسيط،
والسيارة جمس اكاديا

يا أخرمنصور انا اقول الشكامين هي اللي تدخن في وقت تعبية السيارة،
ولكن انا الحمدلله الله يبعدني عن التدخين مادخن

اخ منصور*** معليش

انا عندي نفس المشكلة بدات من 4 شهور, وولعت لمبة المكينة, بعد التعبئة فل والسيارة مطفية تشتغل من رابع محاولة, وانا خايف السلف ينحرق من التكرار. شباب اللي عنده معلومات ياليت يفيدنا. مع العلم اني فحص بجهاز صغير وطلع كود معناته fuel evaporation>

بالنسبة للأخ صاحب الموضوع هل لمبة المكينة شغالة عندك؟

السلام عليكم يا شباب انا كانت معي تورس ٢٠١٤ اذا عبيت بنزين ماتشتغل الا من خامس سلف او اكثر واذا مشيت لازم اكرش ولا يطفي ويتفتف الموتر المهم مابقيت قطعه ما غيرتها التانكي كامل غيرته وغيرت قطعه قالو هي السبب وكم قطع خسرت حوالي ٣٥٠٠  ونفس الحاله في الناهيه غير ( طرمبه هوا الي جنب المكينه ) هي المشكله اذا عبيت يصير الموتر يخبط والعزم مر تشوفه مرتفع فجأه يطيح 

شيك على الطرمبه حقت البنزين 

شيك على حساس غازات البنزيم