مافي اي مركز قطع غيار يرضى يعطيني تسعيرة والسيارة مصدومة

مافي الا الوكيل .. اصحاب القطع مالهم دخل
توجه للوكيل واطلبه التسعيره

ممكن نعرف وش السيارة وموديلها عشان 
عشان نقولك هي اصلاً تتقدر ولا ماتتقدر 
فيه شي يتسعر اصلي وفيه شي يتسعر تجاري وفيه شي يتسعر من التشليح 

روح الوكالة هي المسؤولة عن السيارات

محلات قطع الغيار مهي ملزمة تسعر قطع مهي عندها!

يا اخوان حتى الوكالة ماهي ملزمة بالتقدير اذا السيارة مضى عليها عشر سنوات 
هذا النظام
وحتى لو الوكالة سعر القطع
شيخ الورش والمرور يرفضون التسعيرة بحكم ان السيارة قديمة ويجبرونك تسعر تجاري 
وللمعلومية 
موديل السنة يتسعر من الوكالة 
قبل يمضي على السيارة عشر سنوات يتسعر اصلي من محلات قطع الغيار وليس الوكالة اذا القطع كثيرة
اذا قطعتين ولا ثلاث يمشون تسعيرة الوكالة
السيارات اللي مضى عليها عشر سنوات ماتتسعر الا تجاري ولا تسعيرة من التشليح 
واذا مثلاً عندك صدام اصلي ولكن سبق وتصلح وانرش بويه تسعره اصلي ويعتمدون لك نص القيمة فقط  

قد صار لي نفس وضعك لكن يختلف الوضع عندك
انه بعض المحلات او الاغلبية يطلبون دفع مبلغ من 50 الى 100 ريال
قيمة التسعيره وفي حال رجعت لهم واشتريت القطع يخصم المبلغ من اجمالي
قيمة القطع علشان يضمن انك ترجع تشتري من عنده .

مثال :
محل قطع غيار دفعت له 100 ريال قيمة تسعيره مجموعة قطع بقيمة 1000 ريال

اذا رجعت تطلب القطع من عنده تدفع بس 900 ريال

واذا ما رجعت ماله ولا علية يكون اخذ قيمة الخدمة اللي قدمها لك ( التسعيره )

وللعلم مافي احد ملزم يعطيك تسعيره لا الوكاله ولا المحلات والمقصود هنا
فاتورة عرض سعر وليس سعر قطعه شفهي

اتمنى اني افدتك

بالتوفيق

اضن انك رحت لهم العصر او وقت زحمه اكيد مراح يعطيك 
بيقول بنفسه يضيع وقتي 

الافضل تروح لهم الصبح ويكون المحل فاضي وبا اسلوب حلو
واذا مانفع اجل 50 وريح راسك

وزارة التجارة تقدم بشكوى

هل طلبوا منك 50 ريال وانت رفضت ؟