الحل النهائي في هذه المسائل

بعض السيارات الكمبروسر حقها يضرب اذا شغلت المكيف والسياره ماشية
و الرجاب وضح السبب في مقطع ثاني

من تجربه تشغيل المكيف والسيارة ماشيه يضرب الكمبرسور فورا ً وبالنسبه للتسخين ضروري في الصيف دقيقة وفي الشتاء على الاقل 5 دقائق والسبب لتحمية الزيت .

الله يجزاك الخير معلومة جديدة بالنسبة لتشغيل المكيف أثناء القيادة بسرعة

القاعدة ألي اتبعها أني أمشي على كاتالوج السيارة و دليل المالك فالشركة المصنعة أدرى بمنتجها
أنا عندي مكتوب أنه في الأجواء المعتدلة و الحارة 4 - 8 ثواني من بعد تشغيل السيارة ثم أمشي عادي
و في الأجواء الشتوية و الباردة 10 - 15 ثانية
و المكيف ألي أعرفه أنه لو شغلته على سرعة 60 و فوق يضرب الكمبرسور

أكسب راحة بالك ولا تمشي بالسيارة قبل ما تحميها ولا تشغل المكيف إلا وأنت واقف

بس في شي قاله صحيح, كمبريسر السيارات مثل مكيفات السبليت و المكيفات العادية اللي في بيوتنا الشركات و الأماكن العامة تفصل

وتشتغل بس المكيف يضل يعطي هوا حتى و الكمبريسر مطفي.  يعني حتى و السيارة ماشية يفصل و يشتغل لمدة دقايق والسيارة

تكون على سرعات عالية زي 100 أو 110.  يعني كلامه منطقي واتفق معاه. 

أما بخصوص التحماية لا تنسوا انه في سيارات ماشية بلزوجة زيت خفيفة مثل 10 دبليو 30 الزيت أو 5 دبليو 30 يعني من

كثر ما تكرر مواضيع زيوت السيارات في هذا المنتدى معروفة الفروق بين كل لزوجة كل زيت.  

السيارات الحديثة و حتى عندي الباثفايندر 2003 كتالوجها يقول عقب تشغيل السيارة صباحا انتظر 30 ثانية بس وابدأ المشي

بسرعات منخفضة يعني مثل ماقال اخونا الطيب في المقطع لا تدوس الأر بي ام لل 4000 امشي شوي شوي.

حياكم
بخصوص تشغيل المكيف والسيارة ماشيه سوا سرعة او منخفض السرع
كمبوريسر المكيف يفصل ويشبك سوا انت مسرع والا واقف
وبخصوص تسخين السيارة اذا معك مريض او عندك ضرف شغل وامش
اما انت مروق خله دقيقة وتوكل على الله 
وباالتوفيق

اول ما طلعت الكامري قبل اكثر من 10 سنوات ايامها 98 امريكية 
كانت ثقافتي في السيارات زيرو 
ما خليت عادة خاطئة تضر السيارة الا سويتها 
و كنت اطفي و اشغل المكيف و انا مهدي و انا مصفي و لا صار فيها شي 
علما بأنها مشت معنا فوق 400 الف و جلست 7 سنوات و الكمبروسور ما قد تغير سلك واحد فيه 
المسألة وسوسة فقط 

انا بالشمال والكل يعرف برد الشمال شلون 
اشغل السيارة الصبح اذا مشيت بدون ماخليها 
تصخن اقل شي ١٠ دقايق القير يأخر بالتبديل
ومرات تجي نتعه ومن تصخن يرجع القير طبيعي
والدركسون يكون ثقيل ومرات قبل تمشي يكون مصلب
مايتحرك 

يا حبايب 
اللي عنده فلوس ويبي الصرف يشغل المكيف وهو 
ماشي  200  
الافضل ..والاضمن ...تشغل المكيف وعداد الدوران اقل من 1 
نصيييييحة مجرب 

انا اذا تورطت وانا ماشي واحتجت اني اشغل المكيف
افضي القير واخليه على ال n
ويوم ينزل عداد الدوران اقل من ١
اشغله .. وبهذا مايضر .. كانك موقف السيارة اساسا ..
وعن تجربة .. تبغى تفقع الكمبروسر شغله وانت داعس بنزين
الشغله مو في السيارة اذا كانت تمشي ولا واقفه
الشغله شغلة عداد الدوران لما تزيد لفاته وتشغل عليها
فانتبهو لاتشغلو وانتم داعسين بنزين حتى لو هي واقفه