لجنة وكلاء السيارات تقول لن نتجه لتخفيض الأسعار مهما انخفضت

كذا كذا ماحد يشتري من الوكالات اصلا

اغلى من المعارض باسعار توصل 30 الف!!

المعرض تشتري منه السيارة وتروح تدخلها الضمان وكانك ماخذها وكاله

وحملة الاتصالات جات وراحت ولا شفنا شي

خلها تصدي عندهم

غصن عن خشمه بينزل السعر
على باله انها على كيفه
قله يقولك عمك سند بتخفض سعرك وخشمك في التراب وانت ماتشوف الدرب

تصريح اعجبني جدا لانه اظهر حر مايونس هو وربعه
كاد المريب ان يقول خذوني - من اللي طلب منكم تصرحون اصلا
لكن هم احسو بالخطر وانهم. بياكلونها وبتصدي مواترهم في المستودعات
تصريح يبين لك انهم خايفين وان الدعوى معاد هيب تخفيض بيكون نزول قوي جدا بإذن الله

اصلا جالسين يخفضون وهم ما يدرون

الباجيرو كان ب135 صار ب120 (بالوكالة )
البايلوت كان ب168 صار ب145 (النص فل )

وعندك امثله كثير بس هاذي الي انا اعرفها وكلها بتنزل اصبروا بس

ما تحتاج لا حمله ولاشي بس اصبروا

الأسعار تحكمها العرض والطلب 
اذا زاد الطلب وقل العرض يزيد السعر
والعكس صحيح وهذا المبدأ هو اللي يحكم جميع أسعار السلع
والحاصل مع انخفاض السيولة في السوق سيخفض التجار الطلبات لاكن الأسعار ستنخفض بسبب المنافسة فيما بينهم

النزول قادم غصب عليهم لان الناس ما عندها فلوس والباقي ماسك فلوسة .. بالاضافة الى الارتفاع في سعر الوقود

على اساس حملة الاتصالات نجحت! هي شركة مملوكة للحكومة ٥٠٪‏ والباقي اسهم لأمراء، وهي تتحكم في هيئة الاتصالات، وموبايلي وزين مالهم دخل في الموضوع هذه اوامر من هيئة الاتصالات علشان محد ينافس الاتصالات السعودية، ودائما اي قرار يكون في صالح الاتصالات، مثل منع التجوال المجاني، الاستقبال المجاني، منع تخفيض سعر الدقيقة الداخلي والدولي، منع عروض زين شهر عليك وشهر ليك..وغيرها الكثير..اتمنى وصلت الصورة. 

اما وكالات السيارات لازم ينقصوا لان الى الان موديلات ٢٠١٥ موجودة في المخازن، ونيسان عندهم عروض على ٢٠١٤ زيرو
اعتقد في الشهور القادمة راح تمنع السيارات الخليجية ومعروف لمصلحة مين!!!!

بكل بساطه مشي امورك بسيارتك الحالية و لا احد يشتري جديد وبعد 6 شهور ابشر بعرووض الوكلاء والمعارض

يا رجاجيل للحين كل يوم تشوف عرووض عرض العودة الى المدارس عرض الخروج من المدارس
عرررض موسم البازنجان و عرض بمناسبة قدوم الشتاء
ولناس لازم تقدرم عروضها للوكلاء عرض بعدم شراء سياراتكم لمدت 6 شهوور

الصراخ على قدر الالم

لا براي صاحب التصريح 
ولا بغيره السوق يحكمه نظام العرض والطلب 
هامش الربح هو اللي يخفظون فيه ...بدل ما يربح ف السياره 15 الف 
يضطر ينزل السعر  مع ركود السوق ويبيع بربح 8 او 5 الالف 
والتصريح علامه من علامات خوفهم من الركود الشديييد 
والله مع الركود لتنزلون غصب عنكم 

من بداية عام 2016 و معارض السيارات في ركود في المبيعات.

يعني العروض لابد منها سواء معارض او وكالات.  وخبر قاريته أمس بأن موظف القطاع الحكومي راح تنشال عنه البدلات وبكذا

الوكلاء غصبا عنهم بينزلوا مو بس سعر السيارة و كذلك قسطها, يعني لو واحد اخذ سيارة بنظام المنتهي بالتمليك راح تنزل الفوايد

في الشركات العادية مثل اليسر و تأجير و غيرها من شركات التمويل.  وهالأخبار هذي قاريها في أكثر من جهة يعني ماهي بذمتي.

أنا اقول ننتظر هالفترة و يبان كل شي.  

خلوها تصدي .. والله كل واحد تحت رجله موتر يمشيك

خلاص خلك عليه ..

هونداي مسويه عروض مع اليسر
بدون دفعه
بدون رسوم
ومساعدة في الاقساط
و صيانة مجانية سنتين او 40 الف كم
ومدري وش


الزبدة خلوها تصدي ..

ياناس وش فيها لو استخدمت سيارتك سنتين ثلاث 

مين سألهم اذا بتتخفض او لأ اصلاً؟ واساسا يصرحون بشيء مو هم يتحكمون فيه