خارج نطاق السيارات تجارة التقسيط
1
2
إضغط هنا للإخفاء
السلام عليكم و رحمة الله و بركاته
صبحكم الله بالخير
داري ان الموضوع طالع عن نطاق السيارات و المنتدى
لكن عندي استفسار و أبغى الإجابة من أهل الخبرة
معي مبلغ من ٣٥ ألف لين ٤٠ أو ٤٢ ألف تقريباً
الدراهم هذي تقدرون تقولون تحويشة العمر
ناوي أدخل على تجارة بإذن الله
اللي هي تقسيط جوالات فقط
واحد من عيال عمي شغال في المجال هذا تقريباً سنتين و شوي
و يقول الشغلة ذات حدين اما لك أو عليك
علمني بمزايا تقسيط الجوالات و بسلبياتها
و قال ان نظام أي شخص أو مكتب أو شركة
شغالة في التقسيط
٣ أقساط أو ٥ أقساط تأخير بالكثير
بعدها يتم طلب في المحكمة
بالنسبة لي يا أخوان مؤمن ان فيه ناس ظروفها
على قد حالها و التقسيط هو أفضل وسيلة عشان توصل للي تبغاه
أبغى رآيكم في كم نقطة :
أولاً : الشروط أخليها معقدة مثل باقي الناس
يعني كفيل و شيك و تعريف و صورة بطاقة و كمبيالة
ولا أعتمد على صورة بطاقة العمل و صورة الهوية و الكمبيالة فقط
لأن الثلاث هذي ضامنة حقي بمشيئة الله في حال وصلت الأمور للمحكمة
ثانياً : بإذن الله أي شخص يتعامل معي بعلمه ان التأخر عن ٦ أقساط
بتخليه توصل للمحكمة هل أسجل هذا الشرط في العقد و الكمبيالة ؟
مع العلم ان أي شخص يقسط حده مع الرأفة ٥ أقساط
و هل تنصحوني اني أصبر بعد التأخر في ٦ أقساط أو أشتكيه مباشرة ؟
ثالثاً : هل تنصحوني أتعامل مع النساء ؟
و إذا تعاملت معهم تنصحوني بكفيل أو بالشروط الميسرة ؟
و الله يبيض وجيهكم و يجمل حالكم جميع
إبلاغ
سيارات للبيع
الردود
والاحض فيهم من كثر المعاملات عدم الجديه
يعني تطلع روح المراجع وهو يراجع في القضيه
1
0
حتى بعد مايحطون الهميل فابلاك لست
يطنش ولا كان شي صار وتعال شوف كل تاخير يسبب خسائر لان الشركات تدفع رواتب للموظفين بدون تاخير
المشكلة كلها لانه مافيه لا ذمه ولاضمير ياكلون الحرام عادي عندهم
ياخذ اقساط ثم يسحب عليهم سواء بعذر او بدون عذر
ولا الشغله فيها مكسب مضمون لكن هل انت فاضي للمحاكم
الحل فهذي القضيه هو وضع نظام للاقساط يخصم مباشره من العميل
وفي حال توقف راتبه او حول بنك ثاني يخصم من حسابه الثاني
وفي حال عدم توفر المبلغ فجميع حساباته يوضع حسابه بالسالب
مثل ماوقع عقد اتفاق بالقسط الله لايهينه يدفع من فوق خشمه مهما كانت الظروف
لكن دام الدعوه سايبه وتاركين صاحب الحق يطارد ورا حقه فاكيد الناس مابتهتم
اقترح عليك مشروع محل خضار فحلقة الطائف فيها خير
3
0
1
0
نصيحة انحش خصوصا ان الوضع الااقتصادي هاالحين نازل
وبخصوص المحاكم راح تعاف نفسك وتندب حضك
وانت المبلغ اللي معك مايسواء انك ترهن عقار
والا هاالحين طاحو بشي اسمه رهن عقار يعني حقك مضمون بحول الله
وباالتوفيق
1
0
وجهة نظري شف لك مشروع ثاني غيره مضمون وسهل ومافيه مشاكل ومطالبات
ودائما حاول انك تاخذ حقك مباشرة بعيدا عن التاخير والمماطلة والتقسيط
لان موضوع التقسيط طويل ومتشعب ومتعب نفسيا واقتصاديا وغير كذا ماعليه ضمان الله اعلم هل يرجع لك حقك او يروح عليك وهذا وانت بعد تركض وراه بالمحاكم
مافيه شيء مضمون نهائيا في هالمجال اخاف تروح فلوسك هباء منثورا وتفشل من اول المشوار نسبة المخاطرة كبيرة جدا مغامرة
4
0
رح معارض واشتر لك اكسناتت با 10000 او 11000
وحده كاش 15000
وتقسيط با 23000 لن جوالات متنباع بسرعهه او سيارت تاخذ
يومين با كثير وتنباع
5
1
وافتح لك محل جوالات افضل لك حتى لو تدخل شريك او تاجر بالتوزيع افضل لك
0
0
بس اذا انت واعي لهالموضوع وافضي للمحاكم ومايضرك التأخر على حقك وانت تراكض في المحاكم,
اقترح انك تطلب اقل شروط تضمن لك حقك ( طالما ضامنة حقك في المطالبة 100%)
اتخيل نفسي ابي اشتري بتقسيط, اكيد بدور الاقل شروط والاقل نسبة
اما بخصوص انك تكتب متى تشتكي بالمحكمة ما انصحك تكتبه بالعقد وحتى لا تصرح فيه قدام الي بيشتري
اذا تاخر عن قسط واحد شرعياً وقانونياً يحق لك تشتكي عليه حتى لو مو مكتوب بالعقد واذا سكت انت اكثر من قسط هذا حقك
لأن لو تكتب كتى بترفع للمحكمة عن التأخر راح تشوف مماطلة شديدة
عن نفسي ما انصحك تتعامل مع نساء| قلبك ما راح يساعدك تشتكيها بعدين
قبل 8 سنه و شهر