متى ترخص السيارات المستعملة

اتكلم عن السيارات الصغيره  كامري اكورد الخ..

المستعمل ماله قاعدة نزول او طلوع محددة
ممكن تحصل واحد مضطر يبيع و سعره معقول
و ممكن واحد يطمع ما يبيع لك
على اساس الناس ما معها زيادة سيولة و اللي بيقسط
ممكن يهون و يدور بالمستعمل فبعضهم مفكر المستعمل بيرجع يرتفع سعره
و بشكل عام انتظر الى نزول راتب محرم المرتقب يبين الوضع و يتضح كل شي

من قالك ان لازال السعر لم يتغير؟؟

السوق كله طايح وانت تقول لم يتغير

انت عندك مشكلة شف وين تدور انت عالسيارات

الاكورد شف اسعارها عند عماد الدين رخيصه ارخص من زمان

انت انت مصدق كلام الاخبار ان السيارات بتنزل 50% مدري 30% فهذا مجرد استهبال مستحيل يصير بارض الواقع

اذا انت* تصحيح

الاسعار مدحدره   اول الشهر  عم اخذ لكزس جيب 2011 فية صدام خلفي بس   طلع علية منقول مفحوص
137 الف
  وواحد من الجماعه اخذ GXR 2014 فل الفل شرط   134 الف   قبل 10 ايام تقريبااا


   سوف بريده    

اذا انت تدور سياره من الموقع فالاسعار ماراح تنزل لان كل واحد يبي يبيع قبل ينزل اعلان في الموقع يروح يشوف الاعلانات الي مثل سيارته ويشوف اعلى واحد حاد سيارته للبيع
ثم هو ينزل اعلانه ولايرضى يبيع الى مثل غيره

هناك نزول بالاسعار لكن ليس كبير جدا والفرق تقريبا مابين 3 الاف الى 5 الاف من قيمة السيارة المستعملة
والذي يحدد السعر عند البائع جودة و نظافة السيارة وموديلها وسلامتها من الحوادث والسمكرة مقارنة بمثيلاتها من نفس النوع
ايضا السوق لا تحكمه قوانين واضحة لتسعير قيمة السيارة حيث لا توجد قاعدة ثابته للاسعار
فتجد سيارة قيمتها 50 الف وتجد سيارة من نفس النوع وبنفس النظافة تقريبا 44 الف الاسعار تختلف من بائع الى اخر ومن منطقة الى منطقة اخرى
والسعر في الوكالة يختلف عن اسعار البيع في المعارض وكذلك اسعار المعارض تختلف عن اسعار البيع الشخصي وايضا سعر الحراج يختلف بالقيمة والسعر عن البقية

تبي اسعار رخيصه 
انزل الحراج بس طول بالك 
واهم شي خل شخصيتك قويه قدام الشريطين ولاتسمع كلامهم

زي مثلا يوم السبت الي راح محصل النترا 2013 عليها 18 ولا احد 
زاد عليها وصاحبها متردد يبيع او لا 
واريون قراندي 2008 صاحبها شرط مكينه وقير وشاصين
بس قال فيها رشوش وقربعه من تحت ومحد زاد عن 10 الف 
والشريطي بنفسه قايل لي راح يبيع حول 15

والله الحراج رخيصه بس اهم بعد انتبه من سيارات المعارض
وسيارات الاجار 
 

ولاتنسى ميز بين سيارات الناس الي تنزل بها السوق تبي تبيع 
وسيارات المعارض والاشخاص 
ولا تدفع عربون الى بعد الفحص 

هاذي نقاط للي حاب يشتري من الحراج الساحه

لا حجت البقر على قرونها حلال الناس وموب بايعين بخساره

اذا فتحو الاستيراد للموديلات القديمة تنزل اسعار القديم
اسال الله ان يجازي من حدد 5 موديلات للاستيراد شر الجزاء فقد اضر بالمسلمين وحدهم على الجديد
وعند الله تجتمع الخصوم

السعر نزل و الحراج طايح بس يبغالك تدور على اقل من مهلك . النزول في المستعمل أكثر من ربع السعر و انا شفت هذا الشي بنفسي  

والله انا ميزانيتي حدود 28  ادور كامري 12 13 لو كان فيها رش رفارف صدام  بس ماحصلت 

tttt35035 العضو
الالنترا ب18 موديل2013 والله يابلاش ودي بالحراج الي لقيت فيه عالسعر والله عجبني سعرها جدا

السيارة النظيفة بدي ومحركات ماسكة قيمتها رغم ان السوق راكد والكل متحفظ لا احد باع ولا احد اشترى

رح معارض ارخص من موقع

الرخص ما راح يجي الا اذا الناس طاحت رواتبهم لان معاد بيكون عندهم 
سيوله تخليهم يكشخون لان في بعض الناس يقول انه ما يقدر يجلس سنه على
سياره وحده لازم يغيرها وبدت الأسعار تنزل من الان والدليل شوف السوم 
في موقع حراج .. لكن راح نشوف بعد الراتب هل صحيح الناس بتتاثر من 
القرارت ولا لا اذا ما تأثروا الناس اعرف انه ما راح ينزل سعر السوق 

وش عاد بترخص اكثر من ذا الرخص انزل السوق وشوف 

كب المواقع عنك كل واحد حاط سياره بقيمتها بالوكاله وبالاخير ينزل السوق يبيعها بسعر السوق 

المواتر نازله وانا اخوك بس انزل للسوق و شوف واحكم 

قبل لا تشتري استعن بالله اولا واخيرا وثانيا حاول تقارن بين الاسعار بنفس نوع السياره اللي بتشتريها حاول تشوف اكثر من سياره
لاتغتر من نضافه السياره من الخارج من برا الله الله ومن جوا يعلم الله حاول تسوي نفسك فاهم ع راعي السياره بكم معلومه انت فاهمها بالسياره وربك كريم ..
وافحص بمكان انت تختاره ولا تخلي راعي السياره هو اللي يختار لك وين تبي تفحص

جزاكم الله خيرا وبيض الله وجيهكم