مخالفة تحذيريه ؟

انا لو منه اعطيك مخالفه انته تسبب خطر للناس وانته ماشي بنور واحد 

مافيه شي اسمه مخالفه تحذيريه راح تنزل ياصديقي

ماودي احطمك لكن زحلقك علشان ماتوجع راسه هههههههه

دير بالك الأنوار المحترقة صارت مخالفة 

قبل لتمشي شيك عليهم قدام و ورا. 

ترا اللمبة كلها بعشرة ريال في محلات الزينة 

لعبها عليك , عشان لاتناحل فيه

كذاب ماف شيء اسمه تحذير

ادا عطاك ورقه المخالفه يعني 100% مخالفه -- التحذير بس يقول لك بالكلام وووو هذا صادق ؟؟؟؟؟ اما ياخد الرخصه والاستماره و يعطيك المخالفه معناه مخالفه ..

انت وش سالفتك مع المرور اغلب مواضيعك مضاربات مع المرور!!!

مدري والله ي اخوان
خويي كان بسيارته خلفي وعطاه مخالفة حزام وقاله اكيد 100٪ راح تنزل
وانا قالي تحذيريه


شويخ من ارض مكناس ... عادي ياخوي هل اذا وقفني المرور او رجل امن وعاملني باسلوب محترم هل يعقل اني انزل موضوع واقول ان العسكري عاملني باسلوب جميل ومحترم ؟
بالعكس ما راح انزل مواضيع الا عن شئ غريب حصل ليا مع المرور او رجل الامن
بالعكس عندي مواقف كثيره جميله معهم .. مرة كنت مع الاهل قبل 3 سنين وانفقع الكفر وحنا في منطقه مقطوعه خارج جدة ولا عندنا عفريته
وارسلوا لنا دوريتين و4 رجال امن وغيروا لنا الكفر وحمونا

يسلك لك عشان ماتزعجه

فيه دفاتر لا يتم تسليمها وتكون تحذيرية مثل ماقال
يا كم مخالفة اكلتها ولا نزلت واغلبها وقوف خاطئ ولا حزام

عطاك من الرخيص أبو ريالين هههههه
يلا عوافي الظاهر 150 المخالفة
ركب شمعة نور و ارتاح

أنا ركبت قزاز جديد امامي و عشان ما ينشرخ من الحصى على الخط
ظللته 0 0 ب40 ريال
  و صادني مرور سري ببريدة و نزلت المخالفة 300
قيمة قزاز جديد تقريبا" و الشكوى لله شلته مع اني قلت للعسكري ماني شايله
بعدها بساعة عينت خير وقفت و شلته لا ييلشن عسكري ثاني

ههههههههههههههههه

ياخي حقين امن الطرق مدري كيف ، اجل تحذيريه
دامها كتبها لك ، بتنزل الا كانه الغاها من نفسه وشقها

هذا يبي يعطيك مخالفه على اتفه شي بس مايبيك تنفر في وجهه
يقالك محترم الحين هههههههههههه

واالله ضحكتني وانا مالي خلق

والله ي اخوان انا كنت ساكت انتظره يكتبلي المخالفة لاني ما احب اترجى العسكر لاني ادري انه بالنهاية بيعطيني المخالفة

قعدت ساكت واناظر فيه وهو يكتب المخالفة .. هو من حاله هرج وقال تراها تحذيريه

بخصوص النور ي احبة .. السياره حقت اخوي وما دريت ان النور محروق .. لان اصلا نورها ضعيف وبالعاده اعتمد على انوار الشارع

هي مخالفة .مسجلة .. وبنفس الوقت تعتبر تحذيرية.
والله اعلم

أنا أخذت مخالفة وقوف خاطئ قبل 21 سنة وسجلها تحذيرية وما نزلت ولا دفعت شيء

المخالفات التحذيرية موجودة لكن للأسف العسكري ما عنده تسامح

ياجماعه لو الواحد يصير نضامي والله احس ان المرور بيعزل وساهر خلوكم نضاميين وانتبهو لسياراتكم لاتسرعون وسوو صيانه دوريه لسيارتكم
لان السياره تستخدم كل يوم وتعتبر هي جزء من حياتك فهذي نصيحتي لكي تتجنب اي مشكله تحصل لك؛

صاحب الاستفسار
اخذت مخالفه ورقيه ولا لا
ناظر الورقه تحصل مربعين اسفل شوي عاليسار
مربع مكتوب تم فرض غرامه والمربع الثاني مكتوب انذار فقط
شف وش المربع اللي عليه صح او شخطه بالقلم وتعرف وش لك ووش عليك