نصيحتكم بسيارة بحدود 19000 إلى 23000 ريال

شف كامري 2000 تحصل بسعرك هذي

والله يانه موتر يكد كد الحمير مع واحد اعرفه شاريه من 12 سنه

مايحط فيه اشياء استهلاكيه
مثل

كفرات زيوت بواجي فحمات وغيرها
واسعارهااا رخصيه جدااا انصحك فيه وبقوه
واذا ماله نيه بالكامري



يشوف الكورلا 2003 والله ياهي حمار مكد من واقع تجربه
وقطع رخصيه ومكيف ثلج ولا خرابات ولا شي
اللهم بدي لك عليه تقول هايلكس جديد

لكن موتر

صني 2008-------2009

أخوي أحمد وين تحصل الكامري النظيف بهالسعر

طفشونا الشريطية اللي يساااااامحهم

اسم يزيد حلو وبالذات في قم ............
الله يجزاك الخير على الاسم

اكسنت 
٢٠٠٨ 
النترا 

٢٠٠٦

أقصد الوحش وليس أحمد

أقصد الوحش وليس أحمد

ههههههههههههههههه البطش يقولك اشتر صني

ياليل هل الانسان احسه ماله نفس ينصح

ترا النصيحه ببلاش
تقول للرجال صني ؟؟

خله يشتري هوندا موديل 99 زي اللي معك هههههههههههههههههه



====

يزيد تلآقي النظيف انت اي مدينه ؟!

أنا في المدينه المنوره

وماعندي مشكلة أروح لجدهـ أو القصيم بس بشرط أحصل حاجه نظيفه

والله مادري وين بس في جده بتلاقي نظيف

لان اهل جده يعشون شي اسمه كامري 2000-2002

لكن تراهي نصيحه واذا ماجازت لك ارميها في بحر ينبع خخخ اقرب لك

لا تدور غير الكامري والكورلا و اكسنت موديل 2011 وانت نازل والكامري والكورلا الموديلات اللي قلت لك اذا انت دخلك ضعيف او متوسط
لانك على غيرها مثل صني او هوندا كآبرس او غيرها راح تتعب في القطع والورش ،،،

وصلى الله وسلم على نبينا محمد عليه افضل الصلاه والتسليم

اخوي وحش الرياض مابي ادخل في مهاترات معك
على كل حال انا معي سيارتين اكورد 1997 + 2008 فل مع شاشه وكام واضافات مثل اضوية اودي + خلفية ب م وماادري من وين جبت ال 99
الله يسامحك ولك لايك مني

والله دراهمك حدك اكسنت وعساك تقدر عليها بس اذا انت راعي سفريات ماتصلح لك

اذا على كلامك يسافر 300 كيلو كل اسبوع انصحك بفورد موديل 2000 تحصل بــــــ 21000 ورده

خذلوا فورد ورايح راسك يكرف معاك بس مايبي الاهمال بالقطع الاستهلاكية 

تبي النصيحه انزل المعارض وفر وفر وفر وفر وفر حتى تلقالك سيارة تعجبك 
اذا انت راعي خطوط خذلك فورد بحكم تحمله وسعته وسعت مكينته
واذا انت ماتطلع ولا تسافر انصحك في الاكسنت صراحة اثبتت تحملها وشفها بكثرة في السوق 
وانزل المعارض وفر بتلاقي صيدات ناس محتاجه كاش مستعجله
تستفيد انت ولا الشريطي
لكن الي في الموقع تراهم يعني عادي مايبيع الى بعد ثلاث شهور لان اكثرهم حاط في راسه قيمه وهم الي رفعوا السوق

ياخي حسب وجهة نضري الكامري مابتحصل نضيف و الفورد متطلباتة كثيرة نصيحتي لك هي كالتالي اكسنت 2007 دور وحدة نضيفة ولله انها سيارة تصلح لكل شي وماتقول اخ اكرفها و العن والديها والي يقول ماتصلح للسفر ليش انت جربت يعني هو بكم يبي يمشي بالخط 160 مثلا تمشي لين 190 لو تبي و الفورد ما يقدر يمشي اكثر من 180 ولله كانت معاي اكسنت 2002 اني على طريق حايل الرياض قفلت العداد لين 200 و اصلا هالحين كل الطرقات ساهر يعني بالسفر لاتعدي 150 و الاكسنت على ذي السرعة لابس بها هذي نصيحتي وانت اسئل

عليك بالسوناتا ة انا اخوك 

شاااااكر ومقدر لكل من أدلى بدلوه

وجزاكم الله ألف خير ورحم والديكم

بس عندي عدة ملاحظات أتمنى الرد عليها :

- الفورد : ما أتوقع أحصل فورد نظيف بهذه القيمة لأني النظيف حصلته من 30 وأنت طالع بإستثناء الموديلات الأقدم وهي 96 و 997 وأتمنى تدلوني ع المعارض اللي تمدحونها .
- الأكسنت : لم أجربها ولكن أخاف أنها لاتتحمل في السفر .
- الأكورد : بصراااحة لا أعلم عنها 

عزيزي
نفس حكايتك
ولد خالي طلب مني سيارة لأخوه وبعد كر وفر شرينا له كورلا 2004 مكينه 1800 بسم الله ماشاء الله عزم جبار وخذناها بحدود 24 الف
وهو في ينبع وينزل جده شهرياً يعني السيارة بحسب المقربين من تويوتا يقولون حمار مكده
وقبلها كان موصيني على فورد لكن بالسعر هذا اللي انت حاطه ماراح تلاقي نظيف الا بعد تعب
وانامن عشاق الفورد والمستخدمين له وبالنسبه للطلاب ماينفع لهم فورد لأنه يحتاج صيانه أول بأول وسواقة الشباب الله يهديهم ماتنفع في الفورد فأنا أنصحك بالكورلا
وبالتوفيق

كرولا من 2001 الى 2005
اما الجديدة ما تسوى وخصوصا شكل 2008 فما بعد