أضف سؤال أو موضوع جديد          

نصيحتكم بسيارة بحدود 19000 إلى 23000 ريال

up 5 down 1
يزيد 955 588
قبل 9 سنه و 4 شهر



السلام عليكم ورحمة الله وبركاته
أخواني بستشيركم بشراء سيارة لأخوي طالب في الكلية والميزانية بحدود 19000 ريال , ويمكن أضغط على نفسي وأدبر له 23000 ريال , علما بأنه بيسافر نهاية كل أسبوع حدود 300 كم رايح جاي , وبصراحه أنا ماني فاضي له كل ماتعطلت السيارة أروح له , يعني ودي سيارة خدومه ع الأقل مدة 4 سنوات

وتذكروا ماخااااب من استشااار 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شف كامري 2000 تحصل بسعرك هذي

والله يانه موتر يكد كد الحمير مع واحد اعرفه شاريه من 12 سنه

مايحط فيه اشياء استهلاكيه
مثل

كفرات زيوت بواجي فحمات وغيرها
واسعارهااا رخصيه جدااا انصحك فيه وبقوه
واذا ماله نيه بالكامري



يشوف الكورلا 2003 والله ياهي حمار مكد من واقع تجربه
وقطع رخصيه ومكيف ثلج ولا خرابات ولا شي
اللهم بدي لك عليه تقول هايلكس جديد

لكن موتر


up 6 down 1
وحش الرياض 2022
قبل 9 سنه و 4 شهر



صني 2008-------2009


up 6 down 1
البطش 3583
قبل 9 سنه و 4 شهر



أخوي أحمد وين تحصل الكامري النظيف بهالسعر

طفشونا الشريطية اللي يساااااامحهم


up 3 down 1
يزيد 955 588
قبل 9 سنه و 4 شهر



اسم يزيد حلو وبالذات في قم ............
الله يجزاك الخير على الاسم


up 2 down 0
البطش 3583
قبل 9 سنه و 4 شهر



اكسنت 
٢٠٠٨ 
النترا 

٢٠٠٦


up 3 down 0
ريان-الجهني 736
قبل 9 سنه و 4 شهر



أقصد الوحش وليس أحمد


up 1 down 0
يزيد 955 588
قبل 9 سنه و 4 شهر



أقصد الوحش وليس أحمد


up 0 down 0
يزيد 955 588
قبل 9 سنه و 4 شهر



ههههههههههههههههه البطش يقولك اشتر صني

ياليل هل الانسان احسه ماله نفس ينصح

ترا النصيحه ببلاش
تقول للرجال صني ؟؟

خله يشتري هوندا موديل 99 زي اللي معك هههههههههههههههههه



====

يزيد تلآقي النظيف انت اي مدينه ؟!


up 1 down 6
وحش الرياض 2022
قبل 9 سنه و 4 شهر



أنا في المدينه المنوره

وماعندي مشكلة أروح لجدهـ أو القصيم بس بشرط أحصل حاجه نظيفه



up 1 down 1
يزيد 955 588
قبل 9 سنه و 4 شهر



والله مادري وين بس في جده بتلاقي نظيف

لان اهل جده يعشون شي اسمه كامري 2000-2002

لكن تراهي نصيحه واذا ماجازت لك ارميها في بحر ينبع خخخ اقرب لك

لا تدور غير الكامري والكورلا و اكسنت موديل 2011 وانت نازل والكامري والكورلا الموديلات اللي قلت لك اذا انت دخلك ضعيف او متوسط
لانك على غيرها مثل صني او هوندا كآبرس او غيرها راح تتعب في القطع والورش ،،،

وصلى الله وسلم على نبينا محمد عليه افضل الصلاه والتسليم


up 2 down 1
وحش الرياض 2022
قبل 9 سنه و 4 شهر



اخوي وحش الرياض مابي ادخل في مهاترات معك
على كل حال انا معي سيارتين اكورد 1997 + 2008 فل مع شاشه وكام واضافات مثل اضوية اودي + خلفية ب م وماادري من وين جبت ال 99
الله يسامحك ولك لايك مني


up 3 down 0
البطش 3583
قبل 9 سنه و 4 شهر



والله دراهمك حدك اكسنت وعساك تقدر عليها بس اذا انت راعي سفريات ماتصلح لك


up 2 down 0
شليطيح 5018
قبل 9 سنه و 4 شهر



اذا على كلامك يسافر 300 كيلو كل اسبوع انصحك بفورد موديل 2000 تحصل بــــــ 21000 ورده


up 4 down 0
الهدايه من الله 83
قبل 9 سنه و 4 شهر



خذلوا فورد ورايح راسك يكرف معاك بس مايبي الاهمال بالقطع الاستهلاكية 


up 0 down 0
mr.abuud 1708
قبل 9 سنه و 4 شهر



تبي النصيحه انزل المعارض وفر وفر وفر وفر وفر حتى تلقالك سيارة تعجبك 
اذا انت راعي خطوط خذلك فورد بحكم تحمله وسعته وسعت مكينته
واذا انت ماتطلع ولا تسافر انصحك في الاكسنت صراحة اثبتت تحملها وشفها بكثرة في السوق 
وانزل المعارض وفر بتلاقي صيدات ناس محتاجه كاش مستعجله
تستفيد انت ولا الشريطي
لكن الي في الموقع تراهم يعني عادي مايبيع الى بعد ثلاث شهور لان اكثرهم حاط في راسه قيمه وهم الي رفعوا السوق


up 1 down 0
سلطان سعد 1014
قبل 9 سنه و 4 شهر



ياخي حسب وجهة نضري الكامري مابتحصل نضيف و الفورد متطلباتة كثيرة نصيحتي لك هي كالتالي اكسنت 2007 دور وحدة نضيفة ولله انها سيارة تصلح لكل شي وماتقول اخ اكرفها و العن والديها والي يقول ماتصلح للسفر ليش انت جربت يعني هو بكم يبي يمشي بالخط 160 مثلا تمشي لين 190 لو تبي و الفورد ما يقدر يمشي اكثر من 180 ولله كانت معاي اكسنت 2002 اني على طريق حايل الرياض قفلت العداد لين 200 و اصلا هالحين كل الطرقات ساهر يعني بالسفر لاتعدي 150 و الاكسنت على ذي السرعة لابس بها هذي نصيحتي وانت اسئل


up 1 down 0
بوخا 3560
قبل 9 سنه و 4 شهر



عليك بالسوناتا ة انا اخوك 



up 1 down 1
mohmmed2022 2
قبل 9 سنه و 4 شهر



شاااااكر ومقدر لكل من أدلى بدلوه

وجزاكم الله ألف خير ورحم والديكم

بس عندي عدة ملاحظات أتمنى الرد عليها :

- الفورد : ما أتوقع أحصل فورد نظيف بهذه القيمة لأني النظيف حصلته من 30 وأنت طالع بإستثناء الموديلات الأقدم وهي 96 و 997 وأتمنى تدلوني ع المعارض اللي تمدحونها .
- الأكسنت : لم أجربها ولكن أخاف أنها لاتتحمل في السفر .
- الأكورد : بصراااحة لا أعلم عنها 


up 1 down 0
يزيد 955 588
قبل 9 سنه و 4 شهر



عزيزي
نفس حكايتك
ولد خالي طلب مني سيارة لأخوه وبعد كر وفر شرينا له كورلا 2004 مكينه 1800 بسم الله ماشاء الله عزم جبار وخذناها بحدود 24 الف
وهو في ينبع وينزل جده شهرياً يعني السيارة بحسب المقربين من تويوتا يقولون حمار مكده
وقبلها كان موصيني على فورد لكن بالسعر هذا اللي انت حاطه ماراح تلاقي نظيف الا بعد تعب
وانامن عشاق الفورد والمستخدمين له وبالنسبه للطلاب ماينفع لهم فورد لأنه يحتاج صيانه أول بأول وسواقة الشباب الله يهديهم ماتنفع في الفورد فأنا أنصحك بالكورلا
وبالتوفيق


up 0 down 0
أبو عبد الله 2 341
قبل 9 سنه و 4 شهر



كرولا من 2001 الى 2005
اما الجديدة ما تسوى وخصوصا شكل 2008 فما بعد


up 1 down 2
ابراهيم الألمعي 102
قبل 9 سنه و 4 شهر