ساهر الدمام

الحل الله لا يهينك لا تسرع ولا تقطع اشارات
مو عشان ساهر ومخالفاته بس علشان روحك وارواح غيرك

في تطبيق على الجوال . ادخل الستور . و اكتب خريطة كاميرات السرعة

طبعا انا استخدمه عشان السرعة

استخدمه عشان اعرف كل طريق كم السرعة المسموح فيها

قبل كم يوم كنت بطريق سريع سرعته 120. و كنت ماشي 120

و في مخرج برضو طريق سريع

في لوحات تحذيرية بأنه السرعة صارت 100 بس ما شفتها لانها بمكان مخفي نوع ما

و ما يشوفها الا اللي في اقصى اليمين و لو في شاحنة او سيارة انت ما تشوف التحذير

المهم كملت طريقي و اكلت فلاش ب 300 ريال

انت نزل التطبيق و ان شاء الله يساعدك بمعرفة مكان الكاميرات و السرعة القصوى لكل طريق ماشي فيه

لا تخالف افضل حل وش يضرك تلتزم بالنظام

وش يسوي طيب اللي لاقطه فلاش ع سرعة 110 ع خط الحساء الدمام !!!

اخي خالد يمكن فيه خلل حصل لك مرة لكن هذا مو معناته انه كل مرة راح يصير
وهذا مو سبب علشان تدور على ساهر يعني انت اساساً مخفف كم بتخفف؟

بالنسبة للسرعة ممكن يكون السبب في الايطارات
الوالد مرة اخذ كفرات اعرض من الي متعود يركبها والنتيجة ان السيارة تمشي اسرع من الي موجود في الطبلون
وانت اذا كنت فعلاً ماشي 110 روح سدد المخالفة وبعدين ارفع اعتراض وان شاء الله يعوضونك

امشي على الطريق لفترة و بتحفظ كل الكاميرات و بعدها لا تحتاج لا تطبيق ولا غيره (:
لا تسرع مره يعني اذا السرعه 120 خلك حدود ال140كحد اقصى عشان يمديك تخفف لو جاك ساهر غدرة

أفضل حل وخير الحلول لساهر ومخالفاته هو اللي قاله أخونا mat2rain لا تسرع ولا تقطع الإشارة ومحد يجيك

بخصوص اللي بيسافر يقول الطريق طويله وبأحس بملل أقوله توكل على الله وامش بالقانون وإذا تعبت وقف وريح ماوراك طرد

الحل انك تلتزم بالسرعه المحدده 120 إلى 130 ماعندك مشكله مايصورك ساهر
أما غير كذا مالك إلا كاشف ساهر (موجود عندي إذا تبيه) لكن بالشرقيه مايعطيك تنبيه إلا قبل 300 متر فقط

افضل حل لا تسرع وترجع بيتك سالم غانم 

يعطيكم العافيه جميعااا ..